مثل ما قلت الثالثة ثابتة ..
اولا كيف الحال ؟
ثانيا ..
مثل ما كان متوقع جحدة ثالثة على التوالي يعني هاتريك محترم ..
للاسف الظاهر البزر يستمر بزر ..
على العموم انا خلاص غسلت يدي منهم و الشرهة مو عليهم الشرهة على اللي يواعدهم !!!
معاكم الكاميرا الخفية نزيع و الا ما نزعش
هالمرة انا اللي جيت متاخر عشان ما انلطع زي العادة و الحمدلله لقيت الشباب مجتمعين ...
اميرنا خوباج ..
ديحتل <== حسيت انه جاي بالغلط ..
نواف <== يا كثر بربرته ..
رايع -هدية مع نواف- ..
داج2×4
و انا و ولد عمي ..
و واحد اول ما دخلت يقول انا كوكب الرياضة بس ما عرفت من هو الى الحين ...
جلسنا في الكوكب نسولف ثم مسكت معي الا العب بلايستيشن و للاسف غرفة الفي اي بي كانت محجوزة و الا كان اخذتها ساعتين -اي هين- فتبرع كوباج الاعظم المشهور بكرمه الحاتمي و قال علي الطلاج ان تقلطون عندي ..
قلنا ما دام الدعوة فيها طلاج ما عندنا مانع ..
لكن في شي قهرني قلت لخوباج اني بمشي وراك لكن الظاهر انه يبي الفكة ما امداني اشغل الا و هو داعس
و جلست مع الباقي ننتظر ارفين حتى يشرف ..
و لما وصل جا و سلم على ولد عمي على باله انه هو انا و الرجال مصدق يقول ما شاء الله متغير عن الصورة كثير ..
المهم ما في داعي اقول لكم عن الفضايح اللي صارت في الطريق لبيت كوباج وصلنا بحمد الله ..
جلسنا ربع ساعة ننتظر شاي قهوة لكن لا حياة لمن تنادي
في هذه اللحظات وصل واحد الظاهر انه جت لي و تكرم و دخل علينا ار بي جي ماستر اخيرا ..
طبعا كل جيتنا هذه حتى العب مباراة بلعبة برو ايفلوشن مع واحد من الشباب و لما سمعت ان كوباج هو اللي مهجد الشلة قلت ما بدهاش خل نبدا فيك ..
و تبدا المباراة انا فرنسا و هو ايطاليا و من اول هجمة لي سجلت هدف ..
قلت بداية الغيث قطرة ..
لكن تجري الرياح بما لا تشتهي السفن و يجيب التعادل من هجمة بالحظ طبعا ..
طبعا ما يصير مراسل الويننج اليفن يخسر من اول اختبار علني لذا في اخر الدقايق من الشوط الثاني ادخل فيه الهدف الثاني و اللي طبعا كان هدف الفوز ..
طبعا النتيجة كانت قليلة و السبب هو اصابة ابهامي الايمن بقطع في الرباط الصليبي اثر انصكاك -ابووك ياللغة - باب السيارة عليه في وقت سابق ..
المهم بعد هالمباراة اضطريت اني امشي و ان شاء الله الجايات اكثر ..
