الأمانه مقطعه بعض ناس...

[hod hod]

السلام عليكم






الموضوع مايصلح للي عندهم ضغط !




كلمتني صديقتي اليوم
وقالت لي سالفه توجع القلب
البنت ابوها متوفي
وهم ثلاث بنات مع امهم بالبيت
وعندها 3 اخوات متزوجات وولدين متزوجين
المهم راتب ابوهم التقاعدي اربع الالف ريال
يعني مبلغ اقل من القليل
ومأجرين الطابق الثاني
الشؤون الاجتماعيه مادري اي دائره زفت ثانيه حبت تسوي امينه بزياده وتدقق بوضعهم المادي
وحزروا ايش صار
انشال نصف الراتب تقريبا !
الراتب صار 2500 !
قال ايش قال عندكم الدور الثاني واخوانكم موظفين
طيب الاخوان عندهم بيوت عندهم عائله !
بعدين كلها اربعه مسووين امينين عليها
والله عيب
يتامى
وين فأما اليتيم فلا تقهر !
الدول الثانيه تقدم مساعدات لليتامى وهذول ياخذون
من كثر الراتب اصلا !

الله يعينهم ويوسع عليهم
والله لايحوجنا لأحد بس !

[أنــفــاسـ]

على الاقل هذولي عندهم بيت ملك .... ومأجرين الدور اللي فوق وكمان راتب 2500 ريال

فما بالك بأسره من 7 اشخاص( اعرفهم ) وراتب ابوهم 2800 وبيتهم اجار !
بذمتك هذا بيصرف على عياله الـ 5 وإلا بيسدد اجار البيت !



يعني يحمدون ربهم صراحه ويكفي عندهم بيت ملك عوضا عن اخوانهم الموظفين والدور اللي مأجر




تحيااااااااااااااتي

[hod hod]

ياهلا بأخوي انفاس

يالطيب كلامي على شيء معين مو على الراتب في ناس عايشين على الصدقه
الي اتكلم عنه ليش قصوا من الراتب !
هنا السؤال ماقلت ليش عايشين باربعه وليش مازادوهم وليش ماعطوهم لا
بس ليش شالوا نصفه تقريبا

[أنــفــاسـ]

هلابك اخت هدى وعاش من شافك ... ما غير تقطين مواضيع والنحشه P:

طيب هم شافوا ان 2500 تكفي مع اجار البيت اللي يستلمونه خصوصا بيتهم ملك ( مراح اتطرق لخوانهم )

وش المشكله لو دققوا في حالهم وشافوا انهم ما يستحقون هالمبلغ ( هذا شغلهم وبذمتهم )

ولو هم يشوفون انهم مظلومين وما يكفيهم ... يشتكون

تحيااااااااااتي

[HMK_2002]

تبين الصراحة من ناحية القص هذا يرجع لهم واكيد مو قرار تعسفي انما من تطبيق قوانين ورؤية شاملة على الوضع

ممكن هم ما يعطون إلا على عائلات كحيانة جداً وتنطبق عليهم مواصفات

بس بيت ملك وإيجار وعندهم إخوان حمد لله والشكر


وإذا يتامى اهم شيء رزقهم واصل عندهم والواحد يبقى عزيز ولا يتأمل من أحد مبلغ وينتظرها

لو مكان أهل البنت كنت رديت الفلوس للحكومة ما دام رزقي واصل عندي ولا اروح الاحق ورى احد واطلب فلوس وانتظر

[hod hod]

اهلين ياخوان حياكم الله

شفيكم الله يصلكم مو فاهمين

هذا راتب تقاعد مش راتب تصدق ولا مساعده ولا معونه
راتب ابوهم الله يرحمه حق لهم ياخذونه
ماطلبوا معونه ولا مساعده من احد لكن هذا حقهم راتب ابوهم ...
واذا الاخوان متوظفين الواحد يعيش تحت ذله الاخوان ؟ مالهم حق وقطعوه ظلم وتسلط على الضعاف لاغير ..

[aloosh2005]

اعوذ بالله ..

حرام عليهم و الله لا يوفقهم ..

من كثر هالراتب .. !!

و لا ما يعيش عزوبي .. !!


الله يكون بعونهم ..

[moneeeb]

اهلين ياخوان حياكم الله

شفيكم الله يصلكم مو فاهمين

هذا راتب تقاعد مش راتب تصدق ولا مساعده ولا معونه
راتب ابوهم الله يرحمه حق لهم ياخذونه
ماطلبوا معونه ولا مساعده من احد لكن هذا حقهم راتب ابوهم ...

واذا الاخوان متوظفين الواحد يعيش تحت ذله الاخوان ؟ مالهم حق وقطعوه ظلم وتسلط على الضعاف لاغير ..

اذا ابوهم توفى المفروض ينقطع الراتب....فجزاهم الله خير انهم استمرو فى صرف الراتب حتى لو نصفه....

و الله يعينهم... و اتمنى انهم يبحثو عن وظيفة تساعدهم


فى امان الله

[ناصر المحمدي]

السلام عليكم

وعليكم السلام ورحمة الله وبركاته

البنت ابوها متوفي
وهم ثلاث بنات مع امهم بالبيت

الله يرحم ابوهم ويغفر له .. ويعينهم

الشؤون الاجتماعيه مادري اي دائره زفت ثانيه حبت تسوي امينه بزياده وتدقق بوضعهم المادي
وحزروا ايش صار
انشال نصف الراتب تقريبا !
الراتب صار 2500 !

مالهم حق يشيلون ريال واحد من الراتب ..
لأنه في قوانين ..
دام البنات مايشتغلون ,, ويدرسون ,, وسنهم تحت ال26
فالراتب بيمشى لهم .. حتى لو كانوا اغنياء جداً..
فأعتقد ان الدائرة الحكومية تقعدت لهم ..
لو يشتكون بياخذون حقهم ..


في أمان الله ..

[Riku]

اذا ابوهم توفى المفروض ينقطع الراتب....فجزاهم الله خير انهم استمرو فى صرف الراتب حتى لو نصفه

راتب التقاعد هو ال 4000 وليس الراتب الاصلي >_> ..

الله يعينهم ! ، صحيح ان هناك قوانين ولوائح تحتم هذه القرارت ولكن مايتم تطبيقها الا بعد دراسة الحالة وهنا واضح ان القرار كان من جانب واحد وبدون اي مراعاة للحالة ودراسة واستقصاء لوضع الاسرة ...

الله يكون في عونهم .

[Black Box]

وعليكم السلام ورحمة الله..

بإختصار.. لو عندهم واسطة كان ما صار اللي صار..

في أمريكا الجنوبية كل شيء يمشي بالرشاوي.. وعندنا كل شيء يمشي بالواسطة , والدنيا ماشية

الله يعين هالبنت وأهلها , شكراً..