GTAIV نزلت في الامارات .. !!

[U..A..E]

امس نزلتGTAIV نسخة ال PS3 في محل شارع الالعاب في الخوانيج ..

سعر اللعبة 350 درهم ..

خذتها وبصراحة روعه ..

10من 10

[soul_UAE]

اليوم بلف ادورها دواره في بوظبي ..................

لو بـــ 500 شاريها شاريها ان شاء الله ........

بس لو ماحصلتها بكم تبيهعا الي عندك ؟؟؟؟؟

[U..A..E]

للأسف ياخوي ماقدر ابيعها ..

خلني العبها اول شي لوول

لعبت بس ساعه

المحل النسخ اللي عنده خلصن على ما اظن ..

بس اكيد بتحصلها دام انها نزلت ..

[soul_UAE]

ولا يهمك ............. ابشرك اتصلت بمحل ضوء الشمس وحجزت لي نسخه ........

قلت له لو بعتها بحرقك انته والمحل فوقك ..........

السعر قالي 270 درهم ومن صوته مب راضي يفكر يزيد النصاب

[digimon]

انا امس اخذتها اللعبه من حامد سنتر وباعلي اياها ب 290 درهم واعتقد كان عنده نسخه ثانية بعد واسم المحل ارض الالعاب على ما اعتقد وانا اتعامل وياه اول ما نزلت عنده العصر اتصلي وقالي حجزتلك نسخه اللعبه حلوة بس الاونلاين للحين ما في حد داخله

[soul_UAE]

ياسلاااااااااااااااااااااااام واخيرا

بس ياشباب الي يريد اللعبه يلحق عليها .......... لاني وانا اشتري اللعبه اشوف راعي المحل زعلاااان .......... يقول ان في اتصال وصله وخبروه ان ممنوع يبيع اللعبه واللعبه بتمنع من السوق ..........

وهو نفسه ينتظر دفعه كبيره توصل وقال خايف تتوقف في المطار ...........

وهذي صورة اللعبه من بعد ما اشتريتها قاعد اتمشى وياها علي الكورنيش ......... وفجأه يتني فكره ليش مايسون خريطه لبوظبي ودبي والله بتكون عجب .............

[SUPER HUNTER]

نزلت امس ومحل الروضة يبيعها ب 300 اول يوم
وربيعي خذها من بوظبي ب 240

ماشاء الله المحلات كلها تبيع اللعبة

[XORO]

انا امس خذت اللعبة بـ 300 درهم من محل الروضة

واللي يقدر يصبر كم يوم بينزل سعر اللعبة لان السعر غالي بسبب انهم عرضوها قبل وقت
اصدار اللعبة

وامس جلست اللعب مع رفيجي اونلاين واللي يبي يعرف كيف

ادخل على الموبايل واختر مولتي بلاير = بارتي مود = بعدين ارسل رسائل لربعك ولما تجتمعون
اختر نوع الللعبة اللي تبي تلعبها

بس لما تلعب اونلاين ما بيتغير شي اي ان الشعب موجود والسيارات موجودة والشرطة ايضا

يلا شباب خلونا نضيف بعضنا البعض

[A L H A M O O R]

الله والقهر مبرووووك نزلت عندكم في الامارات والله باقي ماجت في السعودية وانا خايف يمنعونها

[Jack "Sephiroth" Sparrow]

يا حظكم يا اهل الامارات

والله افكر استوطن عندكم بس

و ترى قبل كم يوم رحت لدبي والله وناسة و وساعة صدر

و لا احد يستبعد اني استوطن في دبي بعد تخرجي من المدرسة

والحين عاد نرجع لديرتنا

للأسف اللعبة ممنوعة هنا في السعودية

و احنا قاعدين نتشحذ الهنود اصحاب المحلات عشان يدبروا لنا نسخة

والله حالة

و شكرا

[Sayo0od2]

انا بصراحه انقص علي فيها وخذتها امس الساعه 8:30 من دبي من محل رحاب( لآر بي جي )
بـ500 درهم<<< من كثر ما متخبل عاللعبه ما فكرت اسير اجوفها من محل ثاني

بس فدوااااااااا للعبه ووالله انها ططططططططططططر

[U..A..E]

لوول عادي

انا البارحة مجهز 500 حق اللعبة .. ههههه

[digimon]

وانا ماخذها ب 290 درهم وكنت اقول صدق نصب عليه بس خففتوا عليه بس والله تستاهل اللعبه اكثر

[alain22]

أنا اليوم اتصلت بكابول (محل في العين)

قال نزلت عنده مال البليستيشن 3
ب (280)

إنشاء الله بروح اشتريها منه

[digimon]

يا شباب بتحصلونها اللعبه في حامد سنتر بـ 250 درهم قبل شوي راحوا ربعي هناك وخذوا 7 شرايط