أولاً .. غيّر الخط واللون .. ولا ترى مابدخل مواضيعك بعد كذا ..
<< خخخ أمزح ..
أمّا عن المنتدى .. فسالفتي سالفة ..
أذكر زمان كانوا الأهل يقولون لي تعلّم للكمبيوتر والإنترنت وذا الأشياء .. كنت أزعل ..
.. كنت ضد شي إسمه إنترنت ..
.. خصوصاً إنهم كانوا يقولون إنه أحسن من الفيديو جيمز وأفيد .. وأنا مخّي متكرن .. ما أبي أتعلّم ..
المهم .. تمر الأيام .. وإضطريت إني أتعلم للكمبيوتر .. في المدرسة كانوا يعلمونا .. وأيضاً كنت ألعب فيه أحياناً .. وتطوّرنا لـ مرحلة الإنترنت .. وطبعاً إنّا يالبزران ندوّر أي شي .. فطنّت في راسي سالفة الفلاشات .. وقعدنا أنا وواحد من الشباب ونسوّي بحث في (Yahoo << ما أظن إننا كنّا نعرف لـ جوجل
) .. وفجأة أظن في الصفحة الثانية .. وجدت موقع "فلاش فور أنمي" .. دخلت .. إلا وألقى كابتن ماجد .. وأظن كنشن وإينوياشا ودراغون بول .. طبعاً ما أعرف إلا كابتن ماجد .. ودراغون بول كنت أشوف صوره يوم أسافر ..
.. خزّنت الموقع بالمفضلة .. ودخلت المنتدى .. طبعاً أيّامها مانعرف إلا الشات .. خخخ
.. ولا أدري وش السالفة .. أشوف الصور تتكرر (العضو يرد كذا مرة .. وتوقيعه كل شوي يظهر ..
) .. فقعدت كذا يوم لين فهمت السالفة .. وسجلت .. وبدت رحلتنا بالمنتديات والأنمي ..
السالفة الثانية المربوطة بالأولى .. في موقعين ما أذكر كيف عرفتهم .. الي هم سبورت فور عرب .. وجيمز فور عرب .. هذول الموقعين كانوا يجيبون هنا للمنتدى ..
أيّامها .. كان منتدى الأنمي أحد منتديات موقع الألعاب العربي .. ~
جيت أسجّل .. وكان فيه مشكلة في التسجيل حينها .. أ
أحاول اليوم الثاني .. مافيه فايدة ..
قعدت حول إسبوع .. ورجعت له بعد شهر .. ومافيه فايدة .. التسجيل موقوف ..
رجعت بعد شهرين أجرّب .. مدري وش الي خلاني أجرب .. سبحان الله من ربي كذا .. وضبط .. كان أول أسبوع بعد فتح التسجيل أظن .. ~
وسجّلنا .. ^_^
صح قبل ما أنسى .. سالفة إسمي سببها .. جرّبت أسجل بـ إسم abdulaziz .. ولقيت واحد مسجل فيه .. قلت أهم شي نسجل .. ضيف أسهل شئ عليه .. وأسهل شي جاء في بالي هو رقم 1 .. وحطّيته ..
منيب .. قد تكون لي عودة للتعقيب على ردّك إن شاء الله .. الحين وقت الصلاة ..