عندي سؤال لك وهو يوترني

**Thundark** · 26-12-2001, 06:06 PM

أنا ودي أعرف عن جارنيت /داجير هي كيف تربت من عائلة كبيرة وهي أصلا فقيرة ...هذا على فهمي ...معنى وش قصتها ...يا شباب ساعدوني?: ?: ?: ?:

**Tidus** · 26-12-2001, 06:27 PM

طال عمرك لو لاحظت ببداية اللعبه ان فيه مراه و بنتها بقارب و فيه عاصفه قويه هابه المراه هذي هي ديجر و امها ...........
و لو تبي اشرحلك اكثر :
ديجر كانت عايشه بمنطقه اسمها ميديان ساري (نفس منطقة ايكو)و المنطقه هذا كانت منطقة ناس عندهم القدره على الاستدعاء و بعد مده صارت حرب و تقدر تقول مو حرب هجوم من شخص اسمه جارلاند على هالمنطقه و ماتوا ناس واجد من هالهجوم و ما بقى منهم الى ديجر و امها
بس كانت امها مصابه و ايكو و شويه من اهلها المهم ديجر و امها نجو بالقارب لو لاحظة بالمشهد و بعدين اخذتهم الامواج لمملكة اليكساندريا
بس للاسف كانت ام ديجر ميته وقتها المهم لقاها الدكتور توت و اخذها ووراها الملكه بران و قررت الملكه بران انها تتبناها بعد ما عرفت انها لها القدره على استعاء الوحوش الي نادر ما تلقى ناس يقدرون يستدعون
بس كان لديجر قرن بجبهتها و اصدرت بران قرار بانها تشيل هالقرن من راسها عشان لو كبرت ما تتعقد و تعرف الحقيقه ..........
و انت تعرف الباقي ..............

و لو حاب تعرف ليش جارلاند دمر ميديان ساري اسال و انا حاظر ...

**Thundark** · 26-12-2001, 06:38 PM

أيوه جيلي وعطني عنوانه عشان أشنقه إنتقام

لاأمزح....بس عطني سبب ليش هو هجم القرية بس عشان هو في تيرا و هم في جايا و مين هذا المتخلف نيكرون الرئيس الأخير!

**Tidus** · 26-12-2001, 06:53 PM

سلمك الله هالرجال ناوي انه يخلي كوكب تيرا مكان كوكب جايا و الطريقه الوحيده انه يستخدم ارواح سكان كوكب جايا و ابو الشباب ما لقى طريقه الى انه يروح للكوكب و يذبح كل الي فيه و يساعدونه اثنين اخوان من مخلوقات الجينومس و هم كوجا و زيدان اول شي هو خلق كوجا (اعوذ بالله من الشرك بس يالله انا راح اقول السالفه ما راح اعبدها) المهم بعد ما خلق كوجا لاحظ انه صار شوي متمرد زياده على اللزوم و بعدين خلق زيدان عشان يصير مكانه بس كوجا لما درى عصب و راح اخذ زيدان و احذفه بكوكب جايا و اخينا زيدان كبر و عاش و صار واحد فاهم و هو ما يدري شالطبخه ..........

انا شرحتلك القصه بطريقه مختصره و ملخصه و باللغه العاميه ....

و على فكره جارلاند هجم على اكثر من مملكه هجم على اليكساندريا و بعد
في بس و الله ناسي ........

و اي سؤال او استفسار يا ليت تسال و ما تتردد ............

**Thundark** · 26-12-2001, 07:06 PM

طيب سؤالين:
-مين هذا نيكرون؟
-وش جاب جاري فوكس(في ميتل جير سوليد)مع سيفروثة

?:

**Thundark** · 27-12-2001, 06:32 PM

ليوم أنتضر جوابك .....طيب إنسى سؤال الثاني بس قلي مين نيكرون(الرئيس الأخير الذي بعد كوخا)

**Tidus** · 04-01-2002, 02:07 AM

كتب العضو (بدر)
ليوم أنتضر جوابك .....طيب إنسى سؤال الثاني بس قلي مين نيكرون(الرئيس الأخير الذي بعد كوخا)

لا يا حبيب قلبي ما راح انسى السؤال الثاني الجواب هو اني قلبت الانترنت فوق تحت ادور على صوره تجمع بين اقوى الشخصيات شراسه من اول ما طلعت العاب الكمبيوتر على الدنيا و استنتجت انهم و بكل بساطه ثنين و فيه واحد ثالث بس للاسف ما لقيت له صوره تجمعم ببعض
و هم سيفروث و فوكس داي من ميتال جير و الشخصيه الشرسه الي حقها مهضوم بس انا احترمها صراحه KUJA من فاينل 9 ........

سلمك الله مابي اطلع كلام من عندي بس انا الي فهمته انه هذا الي يسمونه نيكرون اله او بالاحرى عشان ما احرف بالقصه حارس البلوره الي تعتبر مصدر الحياه بعالم فاينل 9 و لو لاحظت علامة فاينل تسعه على الغلاف كانت هذي البلوره ........

زين ليش ابو الشباب قط وجهه و طلع ......???

ايــــــــــــــــــــــــــه سؤال حلو >>>>الساعه الحين 2 باليل و انا فاصل و ما نمت للحين يعني لا تواخذوني اسأل نفسي و اجاوب ........

الجواب سلمك الله انه بعد الدمار و التخريب الي سواه KUJA و ZIDAN و طقته ( طقته معناها جماعته او ربعه ) في العالم طلعلك ابو الشباب و يبي يرد العالم لتاريخ ZERO الصفر او عالم ال ZERO الصفر يعني حيث لا يوجد لا موت و لا حياه على ما قال و طبعا زيدان طير شلوى رفض و ابى ان تمةن هذه نهاية العالم و تصدى له بكل ما اتاه ربه من قوه >>>>بدت الفصله مدام اولها لغه عربيه فصحى اجل وش تاليها .......

المهم ادري اني طولت عليك حبيبي بس ابروح انام و لو عندك اي سؤال ثاني اسأل قبل لا انام زين بعد عمري .......

و بعدين هذا الي انا فاهمه يعني مو تروح تفضح امي ة تقول مشاري قالي كيت و كيت اوكي ......

**Thundark** · 04-01-2002, 09:32 AM

شكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااااااااااااااااااااااااااااااااا يا TIDUS عسى ماتعبتك؟

**M7MOOOD** · 04-01-2002, 02:11 PM

العفووووووووووووووو

**Tidus** · 04-01-2002, 07:14 PM

كتب العضو (بدر)
شكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااا ااااااااااااااااااااااااااااااااااااااااااااااااااااااااااااااااااااااااااااااا يا TIDUS عسى ماتعبتك؟

لا و الله بالعكس تعبك راحه حبيبي .....

و بعدين كتب الاخ محمود .....:
العفوووووووووووووووووووو .....
................................................................
اقووووووووووووووووول انت شلونك بس ????: ?: ?:

الموضوع: عندي سؤال لك وهو يوترني

أدوات الموضوع

عندي سؤال لك وهو يوترني

ضوابط المشاركة