هلا اخوي واهلاً بأهل الدوحة اللي كنا فيها قبل ثلاث اسابيع تقريباً ^_^
جميل اللي عملته ونزول 20 كيلو في 4 شهور تعتبر منطقية ممكن ولكن ما قلت لنا كم طولك ووزنك حالياً
اولاً النظام الغذائي مطلب ضروري والكارديو هو الاخر مطلب ضروري لازالة الدهون والتمارين ايضاً مطلب ضروري وبخصوص الاكل اللي تاكله ياريت تعطيني نوعيات الاكل اللي تاكله علشان اشوف وضع نظامك الغذائي
اذا تبي مثل اجسام هاللاعبين ترى اسهل منها مافي وشوية عزيمة بس وحتى الـ 6 باك بتطلعهم ولا في شي صعب ولا شي ومن قالك انه صعب تطلعهم .. بيكون صعب لو كل يوم جلست تلعب 1000 مرة بطن وكل يوم جذيه ماراح يطلعون بسرعة ولا بالشكل اللي تبيه
عموماً حسب الهدف تبعك انا اقدر اعطيك نصيحة تتبع هالبرنامج اللي هو الجسم كامل و 3 ايام في الاسبوع وتركز على الكارديو 4-5 مرات اسبوعياً وتواصل على نظامك الغذائي وطبعاً الكارديو لو كنت تبي زي هالاجسام تقدر تركض مافي مشكلة لو حرقت شوية عضل لانك تبي مثل الاجسام الموجودة ولكن للي يبي عضل اكبر وتقاطيع اكبر المشي السريع والهرولة افضل
http://www.muscleandstrength.com/wor...g-workout.html
طبعاً كلشي موجود التكرار وعدد الجلسات واللعبة بمجرد ضغطك على اللنك للعبة ستظهر لك شكل اللعبة وكيف تؤديها اذا كنت لاتعرفها
البطن مرنه 2-3 مرات اسبوعياً
ثلاث العاب واحدة للعضلة العلوية وواحد للسفلية وواحدة للخواصر هذلين الثلاث العاب نسميهم مجموعة فتلعبهم كمجموعة بدون راحة وبعدين تريح دقيقتين وتلعبهم مرة ثانية كمجموعة يعني تسوي 3-4 جلسات كل مجموعة تعبر عن جلسة واحدة
التكرار يكون ما بين 15-25
بما يخص الاوزان طبعاً ليس الخفيف بمعنى خفيف جداً ولكن التكرار الكثير هو للتقطيع لتنشيف العضلة من الماء وبالوزن اللي انت تقدر تكرر فيه عدد التكرار الخاص ببرنامج يعني لو كان 15 تكرار في البعض يقدر يشيل 5 كيلو وفي البعض 10 وفي البعض 15 يقدر يشيل ويسوي 15 تكرار
فبخصوص الوزن المهم انك تقدر تكمل التكرارات مو تشيل ثقيل وماتقدر تكمل 15 ولا تشيل خفيف كأنك ماسويت شيء علشان ماتخسر بعض العضل اللي عندك
مسألة انك تقدر 50 طيب زيد الوزن وروح 20 او 15 افضل علشان تحافظ على الكتلة العضلية بشكل افضل ماتحرق العضلة كلها
في التضخيم يستخدم نظام حتى التعب اكثر يعني مثلاً 4 جلسات 3 جلسات مثلاً اوزان ثقيلة 10.8.6 والجلسة الاخيرة وزن خفيف وحتى التعب لنرفزة العضلة وتضخيمها
بخصوص انك تضخم او تنزل فدائماً في رياضة كمال الاجسام
املئ الجسم >> ابني العضل >> احرق الدهون
ولكن في نفس حالتك انت اصلاً وزنك كثير وانت تلعب وجالس تنزل كنت فبنيت المفروض كتلة عضلية جيدة خصوصاً انك تريد زي اللي في الصور فما تحتاج انك ترفع وزن وتضخم فحالياً امشي في اللي انت ماشي عليه موضوع التخسيس والتقطيع وتنشيف الدهون
اي مساعدة ثانية او مساعدة في العاب البطن او اسئلة اخرى انا حاضر ان شاء الله
اتمنى اكون افدتك ولا اتمنى سوى الدعاء الصالح
تحياتي
)
المشاركة الأصلية كتبت بواسطة beesat
فهل من الافضل اسوي لما تفشل العضلة في حمل الاثقال ولا مب لازم اهلك العضلة
