عبدالله و د. فيل

[hod hod]

السلام عليكم






لاحد يشوف التلفزيون ايام الاختبارات يمكن يطلع له شيء يحرق دمه مثل ماصار لي !

كعادتي اوراقي وكتبي ودفاتري قدام التلفزيون وسط الصاله
قلت خليني احط على شيء ممل يالله dr. phil يفي بالغرض
ومن جد ليتني ماحطيت عليه
كانت حلقه تتكلم عن العلاقات السيئه مادري ايش
المهم
في بنت امريكية تعرفت على شاب فلسطيني عن طريق النت
وحبته وحبها وقررت انها تجي عنده بلفلسطين
ندمت انها جت فقررت انها ترجع لأمريكا
البنت كانت ميته عليه
فجأه
تغيير مزاجها
خابرين امريكان علاقات باللاسلكي ماتنفع
اخونا بالله عبدالله انهبل وصار يدق ويرسل وحالته حاله
والزفته كاثرين تعرفت على واحد ثاني (ماسرع )
وجت بالبرنامج ولصقت مية تهمه براس الولد
نقدر نقول يستاهل !
للأسف هذا الشيء منتشر هاليومين كلامنا مو على اخونا الفلسطيني بس حتى بالدول العربيه الثانيه والخليجية
الي صار انه انهان
وانسب
وجلس يبكي قدام الله وخلقه
على بنت ماتسوى جزمه ولعابه

والشيء الي يدمي القلب
ان ام الولد ودعتها بالأحصان
ياحبني له جايب خويته للبيت

من جد سالفه تقهر حاسه نفسي مو عارفه اكتب شيء متواصل
ليش احنا يالعرب والمسلمين كذا
لاشفنا اجنبي انهبلنا !
ماعليش لو كانت عربية كان عاملها بهالشكل؟؟؟
اذكر نقاش بيني وبين واحد مخاوي امريكية
يقول الامريكية شريفة
وواضحه
وماتخون
!!!!
باللهي ؟
اما بنت بلده
لو اكتشف انها كانت تكلم او لا لا ماتكلم بس تدخل نت طاحت من عينه ولا ؟
سالفة كلمتني كلمت غيري هذا اوضح دليل
طبعا كلامي مو على الكل

مثل واحد نعرفه ماخذ وحده روسية
ارحمنا روسية مره وحده !
سعودي وروسية ماتركب ابدا ابدا !
اوصخ الخلق

موضوعي هنا
ودي افهم وبصراحه
ليش احنا يالعرب كذا ؟
والله وهذاني احلف لو كانت فلسطينة مصادقها ومدخلها لبيتها و الخ انتم فاهمين طبعا كان ماتزوجها لو ايش
وهذي الامريكية جالس يصيح عليها بالتلفزيون
لاحول ولاقوة الا بالله ..
طبعا انا كلامي عمومي لاحد ياخذ اخوانا الفلسطينين مثال هالشيء منتشر بالخليج والدول العربية الثانيه بشكل مهول برضو

ابي افهم ليش ؟

وانصحكم تشفون الأعادة

[The Shadow]

كنت سامع الاعلان ، وقلت باشوف ايش بيعملوا ، عارف مية بالمية انهم بيظهروا العربي واللي هو عبدالله على انه سارق اطفال ( كان عمرها 16 ) ومتغتصب ومعتدي بالضرب ، كل هالاشياء الصقت فيه علما باني تابعت من الثلاث حلقات 10 دقايق بس ! عجبي ، اجل الباقي ايش عملوا فيه ؟ الله يهدي شباب المسلمين ... هذولا الاجانب ماينفعوا ابدا تركوهم عنكم ، لايغركم الشيطان وتشوفوا جمال ومادري ايش وتنسوا الباقي ...

جزاكِ الله خير وجعله في ميزان حسناتك اختي الكريمة

[TiTaN]

زمان عن مواضيعيك أختي هدهد
يا أختي في عقدة اسمها عقدة الأجنبي ، تخلي الواحد يشوف ان الأجانب هم أحسن و أفضل ناس
و الدليل العشرات اللي يتزوجوا أجنبيات بعدين بعدها بأسبوع بالندم .
يا عالم صح الأجانب فيهم مميزاتهم بس تراهم زينا ناس تخطئ و تصيب
و بالنسبة لدكتور فيل
انا بعد ما شفت حلقة أوبرا حقت السعوديات غسلت يدي من برامجهم الحوارية
و انا مني من أصحاب نظرية المؤامرة بس ايش نتوقع من اعلام يسيطر عليه اليهود ؟

[فارس المجد]

ليش نشوف الإعادة عشان نتقزز؟؟

الله يعين بس ... الناس دائماً عندهم حب الأجنبي (ولو أن بعض الشباب شفتهم بدؤوا يتحسنوا شوي )
أصلاً كله التعارف على النت مسألة سخيفة , وما لقا إلا يتعرف على أمريكية كمان ؟؟

[Elyon]

السلام عليكم

و عليكم السلام و الرحمة

قلت خليني احط على شيء ممل يالله dr. phil يفي بالغرض

د.فيل ممل ؟؟ XD
بالنسبة لي هو أروع برنامج على الإطلاق
و هو أحسن دكتور نفسي من جد إنسان فاهم و كلامه دائما منطقي

في بنت امريكية تعرفت على شاب فلسطيني عن طريق النت
وحبته وحبها وقررت انها تجي عنده بلفلسطين
ندمت انها جت فقررت انها ترجع لأمريكا
البنت كانت ميته عليه
فجأه
تغيير مزاجها
خابرين امريكان علاقات باللاسلكي ماتنفع
اخونا بالله عبدالله انهبل وصار يدق ويرسل وحالته حاله
والزفته كاثرين تعرفت على واحد ثاني (ماسرع )
وجت بالبرنامج ولصقت مية تهمه براس الولد

البنت ما ندمت انها جت بس كانت محتاره بينه و بين أهلها اللي كانوا يلحون عليها عشان ترجع ^^" .. و بعدين هي كانت تحبه بس هو أحيانا كان يسيء معاملتها و هو اعترف بهالشي
( تقريبا شبه اعترف .. أصلاً باين انه كذاب )
و البنت كانت تحبه من جد بس نوعا ما كأنها خايفة منه لأنه من النوع اللي يحب التملك و كان يهددها انه راح يؤذيها أو يؤذي عائلتها و الدكتور فيل كان بيساعدها على انه تتخذ القرار
الصحيح وهو حتى لو كانت تحبه حب كبير إلا انه مسبب لها أذى لذا المفروض انها ما تسمح له
يؤذيها حتى لو على حساب المحبة اللي وصفها انها (محبة أطفال) << وهو صادق ..
و الأخ انجن لما قالت انها بتتركه و جلس يصارخ و يتفلسف << فشلنا XD ..
أنا مع موقف البنت صراحة .. هو أساساً ما جاها بأسلوب صح ..
بس من جد يؤسفني الإنطباع اللي اخذوه عنا حنا العرب و المسلمين بالذات ..

المهم .. نرجع للمقصود من الموضوع

موضوعي هنا
ودي افهم وبصراحه
ليش احنا يالعرب كذا ؟
والله وهذاني احلف لو كانت فلسطينة مصادقها ومدخلها لبيتها و الخ انتم فاهمين طبعا كان ماتزوجها لو ايش
وهذي الامريكية جالس يصيح عليها بالتلفزيون
لاحول ولاقوة الا بالله ..

في هذا أنا معك .. من جد شي يقهر ..
بس الشكوى لله .. أتوقع ينفتنون في أشكالهن و يتخيلون الحياة معهن سهلة و حرية و حب و إلخ ..
لكن في الواقع تكون أصعب و أسوأ لاختلاف الديانات و الثقافات و كل شي ..

ما نقول إلا الله يهدي الجميع ..

و مشكورة اختي على الموضوع

[ماسنيسا]

المشكل في الفتنة التي تقع في القلب
سبحان الله الي شرع لنا غض البصر

[Kaito KID.1412]

في العادة لا أشاهد د.فيل لأنه برنامج ممل
وبعدين فين الدليل عن أن الولد سارق أطفال ومتعدي
لازم يكون فيه دليل والعرب يقفوا لهم لأن سمعتنا بقت في الحضيض

[Agent Ryan]

موضوعي هنا
ودي افهم وبصراحه
ليش احنا يالعرب كذا ؟
والله وهذاني احلف لو كانت فلسطينة مصادقها ومدخلها لبيتها و الخ انتم فاهمين طبعا كان ماتزوجها لو ايش
وهذي الامريكية جالس يصيح عليها بالتلفزيون
لاحول ولاقوة الا بالله ..
طبعا انا كلامي عمومي لاحد ياخذ اخوانا الفلسطينين مثال هالشيء منتشر بالخليج والدول العربية الثانيه بشكل مهول برضو
ابي افهم ليش ؟

نحن أصلاً عندنا نظرة مختلفة للأجنبي، نشوفه متطور و فاهم و عاقل و كله وعي.. هذي فكرة رسّخها الزمن في أذهاننا و كبرنا عليها.. أيش تتوقعين يكون شعورنا لما نشوف أجنبي أو أجنبية منجذبين لنا؟
كثير منا يشوفون هالشيء ميزة يحسدون عليها!
هذا غير الطيش الي فينا و هواية تكوين أكبر عدد من العلاقات مع الي تسوى والي ما تسوى ... ما بالك يوم أعدد كم بنت تعرفت عليها و بينهم أمريكية ولا فرنسية؟

اما التعليق على السالفة: (ما شفت الحلقة مافيني أحكم عليهم لكن من كلامك ...)
الواضح أنها طيش و قصر نظر، و في نظري علاقات النت أغلبها إذا مو كلها لعب و طيش ما ينفع تبنى عليه علاقة زواج.. و شكله الأخ أنجر وراء الهوى لحد ما طيح نفسه في مشاكل أكبر منه مع وحدة ماعندها رادع يوقفها غير ضميرها..
نهاية متوقعة لعلاقة مع أجنبية أساسها النت .

بس لا المفروض ما نتضايق.. هم شعب واعي بيعرف -حتى ولو سمع و صدق حكايتها - أن الشر ما يشمل كل العرب و المسلمين في الشرق الأوسط..... لأنهم شعب وااااعي ......

ودي أسمع تعليق د.فيل على الحكاية كلها لنا أم علينا؟ ولا كما يزعمون محايد و واقعي؟

[فارس المجد]

وأنا أيضاً ... ماذا قال د. فيل ؟؟

[HMK_2002]

والله شيء يقهر

الشركات اول ما تشوف واحد غربي وإن كان غبي يصكونه براتب 20 الف وانت طالع اما يجيك السعودي او العربي أو المسلم اكفأ منه واحسن منه يالله بالقطاره يعطونه على 8 آلاف أو 9

الإعتزاز بعروبيتنا أو بإسلامنا اندثر .. صرنا نلاحق ورى الغرب والأمريكان

وشفت حلقة الاهبل عبد الله

بكل بساطة استحقرتها لإنه هو اصلاً استحقر نفسه ونزل كرامته وطالع في البرنامج وقبل البرنامج دكتور فيل سفّل فيه

بكل بساطة إنسان تافه ما يستاهل

شوّه صورة العربوالمسلمين.. عربي ومسلم وطالع في البرنامج ومصور لقطات ويبوس في خويته ؟ ؟ اقلها لو كنت عربي مسلم ياخي استر ما بينك وبين الكافرة ..

اعطى انطباع سيء للمسلمين للإسف

[hod hod]

السلام عليكم
حيا الله الأخوان والأخوات

The Shadow
اهلين اخوي شادو
واللهي ياخوي للأسف هو الي جابه على نفسه ..
حتى البنت ماكانت رح تطلع ببالبرنامج لو تركها لحالها
بس يوم مانفصلت عنها نشب لها وجلس يهددها
على باله السالفه بتمر مرور الكرام
امريكان عادي يطرحون مشاكلهم بالشارع
فأنا مو متعاطفه مع الولد ابد لأنه بكل بساطه يسحتق كل الي صار فيه
+ اسلوبه سوقي جدا جدا عليه مسبات قذره يعني اثبت ان كل كلمه فيه
عكس الحيه الي جلست تتبكبك ووالله كلامها متناقض
الله يهدي شباب المسلمين المفروض النفس تترفع عن هالأشكال ..
حياك الله اخوي

TiTaN
اهلين اخوي تيتان
مواضيعي كلها حش ادخل احش واطلع
صدقت عقده الأجنبي ..
والله اخوي مايحسوا بالندم الا بعد شهور ..
بعد مايطاح الفاس بالراس
كم واحد
سمعنا عنه ترك عياله ورجع
وترك عياله بلا دين وبلا اخلاق
والي قاهرني زياده ان ام بي سي 4 عارضتها على انها حلقه سبيشل ولاتفوتكم !
حتى الدعايات سارقينها لاحول ولا قوه الا بالله

حياك الله اخوي

فارس المجد

اهلين اخوي

لو شفته بتفهم معاناتي مع الحلقه اكثر
واللهي الي اشوفه الشباب انهبلوا اكثر

هو تعرف لو تعرف على عربية كان ماسووا كذا بس لانها امريكية فكسر كل القواعد علشانها

حياك الله اخوي

Elyon
اهلين اختي
ههههه العيب فيني انا ماحب الاشياء النفسية حاولت اني اقراء واتابع ووحده من صديقاتي تعشق هالاشياء حاولت تدخلني فيها ماقدرت
<<<مخ صخره مافي فايده
كل ماشوف حلقه من د. فيل اجلس اعلق لين ماهلي يطفشوا ويغيروا القناة
وشوفي اختي انا بصراحه مالي علم بالقصه كلها لاني تابعت اخر حلقه
&
شفت الولد للأسف اسلوبه سوقي جدا
وصح كلامك هو اعترف انه سبها بمسبات قذره
بس بعد ماتركته
والضرب مره وحده وقال انها بالغلط
هو كان معها زين
بس هي بعد مارجعت لأمريكا تغيير عليها وحتى هي باعترافها انه كان زين
وماكانت شايله عليه انه ضربها
بس بعد مارجعت لأمريكا وشافت انها تتعرف على واحد من بلدها اسهل لها تركت ذاك
ولا لو كانت ماتبيه ليش جلست تصح عليه وتقول له برجع لك!
بس هو عموما ضييع حقه
كان مفروض يطلع بأسلوب ارقى من كذا علشان يغطي على عملته شوي
جلس يسب قدام الناس وسب البرنامج خخخ !
سو اثبت ان كلامها صح
مع العلم واضح انها تكذب
وواضح انه كان حب بزران
وعموما كتاباتي للموضوع مو عن قصته هو وياها خلهم يولون
الفكره عن ترجيه لها !
دامك شفتي الحلقه شفتيه كيف ترجها !
ولا يقول لها عزيزتي انك جميله !
يعني من جد عمري ماشفت انسان يعشق الأهانه كذا !

وفعلا هي ينفتنوا بأشكالهم وباسلوبهم وبنعيش بحريه وووو
وينصدمون بس ايش بعده ..
الله يهدي الجميع
حياك الله اختي


ماسنيسا
اهلين اخوي
اخوي فتنه انه يدخل بموقع ويتعرف عليها ويظل يراسهاا بالنت ويكلمها ووو !
ماعليش هذي خطه طويله
وهو دور عليها بالغصب !
بعدين كلنا بشر وكلنا تجينا حالات ضعف
علشان كذا في نعمه العقل علشان نفكر
طيب وحبها وبعدين ؟
مو سهله يجمع دولتيين مختلفتين
عموما هو واهله كانوا فالينها بزياده اجل امه تودعها بالبكي !
الله يهدي الجميع
حياك الله اخوي


Kaito KID.1412

اهلين اخوي
ههههه في ناس يكرهون الاشياء النفسية مثلي اجل
مافي دليل الا كلامها وكم دمعها منها
وهي اعترف بكم شغله بس يظل باقي الكلام الاجرامي مافي دليل عليه
عموما خله يستاهل عضه وعبره للباقين
ولا كل واحد يقول لكل قاعده شواذ لا مع حب الاجانب كلها سوا
بالمستقبل القريب او البعيد بيفهم
وهذا الله يحبه وتوضحت له امور ببداية الطريق
غيره يحس بعد سنوات !

حياك الله اخوي


Agent Ryan
اهلين اخوي
فعلا صحيح كلاماك صار شيء يتفاخر فيه ...
بس شوف طيشه لوين وصل له
الأخ طلع شبه ارهابي
وتفضح بالعالم
ومافي شيء اسمه شعب واعي الامريكان كلهم تعاطفوا مع البنت 100%
وهم يبغون الزله على العرب علشان يعممون
اممم
للأسف انا شفت اخر حلقه
فكان د. فيل معصب شوي بسبب اسلوب الولد
من جد اسلوبه سوقي وسب برنامجه واحسه مو صاحي وهو يتكلم !
فعلشان كذا كان ضايق عليه
والبنت كانت تبكي وجايبه اهلها ومعها كم اثبات انها ضايقها بعد مانفصلت عنه
سو الحق انقلب ضد الولد و د. فيل كان ضده برضو
حياك الله اخوي

فارس المجد
خخخ اقراء الرد الي فوقك


HMK_2002
اهلين اخوي
اوه دخلنا على سالفة الرواتب خلها مستوره بس ياليت 20 الف هينه هذي
وصلوا لـ 60 و 80 وفوق
ممرض بمستشفى الحرس اتوقع راتبه من 15 الى 20 !
فعلا هو الي جاب هالشيء على نفسه وحتى غلطه عالجه بغلط
د. فيل برنامج مقدس عند الأجانب مفروض يطلع بوضوع راقي
بس كان معصب ومنهبل
اوه بالنسبه للقطات كلها تهون !
عن حاجه عدتها مادري كم مره من اول الموضوع
يوم ام الولد ودعتها !
قدام اهللللللله
مدخلها للبيت طاح حظه
الله يهدي ويهدي شباب المسلمين
حياك الله اخوي

[fatal framer]

هذا حالهم الامريكان وطبعا عقب مافضحنا عبدالله كونوا فكرة وصخة عنا

اهم اصلا بس ينطرون الاشارة علشان يتكلمون

بس اصلا الموقف كله غلط في غلط عقب سنتين من الجات حبها ودخلها بيته

جان زين ولو مرة في الحياة يطلع شيء زين احنا اصلا كافي انه اهم مقتنعين انه احنا ارهابيين

وهذا بدال لا يكحلها عماها

واهو صج عادة ما اطالع د.فيل بس انا طالعت شوية من الجزء الثاني

اهو ممل بس مو عن ماحب الاشياء النفسية

[Amir Imam]

بسم الله
لا اعتقد ان برنامج د.فيل ممل .. على الاقل في رايي الشخصي
وحكاية الشباب الذين ينظرون الى الغربيات ولا ينظرون الى بناتنا .. بكل بساطة لانه شاب ساذج يرى البنت الغربية شبه عارية فيعتقد ان ما عندها ليس عند غيرها .. ولا يعلم انه اذا تزوج عربية مسلمه سيجد عندها بالحلال الطيب ما عند الغربية ويمكن احسن .. ولكن ...... اصحاب العقول في راحه

[فارس المجد]

خخخ اقراء الرد الي فوقك

قرأته وأنا أعيد نفس السؤال عمداً ..

لا اعتقد ان برنامج د.فيل ممل .. على الاقل في رايي الشخصي
وحكاية الشباب الذين ينظرون الى الغربيات ولا ينظرون الى بناتنا .. بكل بساطة لانه شاب ساذج يرى البنت الغربية شبه عارية فيعتقد ان ما عندها ليس عند غيرها .. ولا يعلم انه اذا تزوج عربية مسلمه سيجد عندها بالحلال الطيب ما عند الغربية ويمكن احسن .. ولكن ...... اصحاب العقول في راحه

ههههههههه ضحكني ردك , (شر البلية ما يضحك)
فعلاً شبابنا ساذج وبسييييييط وفي كثير من الأحيان طيب

[HUMAED]

أولا..لما كان عمره 20 سنة أقنعها تسافر لعنده وهي عمرها 16 !!
ثانياً.. شفتوه وهو في المقابلة.. متكبر وبطران ما أدري على إيش
ثالثاً.. بعد ما رجعوها (البنت) لأمريكا عقب طلعة روح أعترفت أنه كان يضربها
هذا غير السب والشتايم اللي أعترف أصلا بها ..
أنا تابعت الحلقات الثلاث وحلقي مفتوح عالآخر.. يعني شو شايفة فيه ما أعرف.. خلت أهلها وبلدها وراحت لمنطقة حرب عشان واحد ما تعرفه غير من النت

بس ما ألوم غير البنت اللي مصجقه واحد كذاب استدرجها لين غزة.. وأعتقد هدفه الشهرة + استغلال البنت الغبية
أخت إليون .. أنا معاك 100% لا تحاولون تطلعون العربي المظلوم وهو الغلطان هنـا
على فكرة شفتوا موقعه على المايسبيس.. كاتب دولته "إسرائيل" Israel !

على فكرة.. برنامج Dr. Phil ممتاز وناقش قضايا مهمة ومعظم الحلقات تكون ممتعة , مع إني ما أتابع غير الحلقات المميزة , مثل هذي الحلقة