فريق اوروبا لهذا الموسم حسب " Eurosport "

[Naruto]

بسم الله الرحمن الرحيم

فريق اوروبا لهذا الموسم حسب " Eurosport "

قام الموقع العالمي Yahoo! Eurosport باختيار أفضل فريق أوربي لهذا الموسم، وشهد تواجد لاعب واحد من النادي الكتلوني برشلونة، وهو الأرجنتيني الشاب ليونيل ميسي، الذي تواجد بشكل أساسي في الفريق.

وقد امتدح الموقع ميسي وقال أنه رغم عدم تحقيقه لبطولات هذا الموسم، يعتبر أداء ميسي أحد أهم نقاط هذا الموسم. خصوصاً عندما تفوق بسهولة في مواجهته المرتقبة مع كريستيانو رونالدو خلال نصف نهائي دوري الأبطال. ورغم خسارة البارسا في مجموع اللقائين ضد مانشستر يونايتد، إلا أن ميسي أثبت فيهما أنه أفضل لاعب في العالم بشكل غير رسمي، على حد تعبير الموقع.

وفي جانب آخر خلت القائمة تماما من وجود أي لاعب من بطل الدوري الأسباني ريال مدريد، مع تواجد لاعب واحد من فياريال في احتياط القائمة.

القائمة الكاملة:

1. جوليو سيزار (إنتر ميلان)

2. جوزيه بوسوينجا (بورتو)

3. باتريس إيفرا (مانشستر يونايتد)

5. ريو فيردناند (مانشستر يونايتد)

6. دانييل دي روسي (روما)

7. ليونيل ميسي (برشلونة)

8. كريستيانو رونالدو (مانشستر يونايتد)

9. فرناندو توريس (ليفربول)

10. لوكا توني (بايرن ميونخ)

11. فرانك ريبيري (بايرن ميونخ)

المدرب: ألكس فيرجسون (مانشستر يونايتد)

الاحتياطيون: ديفد جيمس (بورتسموث), جون تيري (تشيلسي), ماركوس سينا (فياريال), أليساندرو دل بييرو (يوفنتوس), كريم بنزيمة (ليون)

المصدر

المصدر

[Word Life]

تصدق عاد كنت الحين بحط الموضوع XD ..


عالعموم الغريب انه ما فيه تواجد مدريدي بالتشكيله ولا حتى كاسياس !!

لكن التشكيله جيده نوعا ما


اهم شي ميسي و دي روسي موجودين

[Danger_Scorpion]

مشكور اخوي على الخبر بس غريبة ولله ما في ولا لاعب من الارسنال مع انو لاعبي الارسنال ادوا اداء رائع هذه السنة بس ما اعرف لي دائما لاعبي الارسنال مظلومين على العموم مشكور مرة ثانية

تحياتي

[Naruto]

يا فيصل مش ضروري انه الفريق فاز بالدوري يكون منه اللاعبين الأفضل
و اما عن الارسنال فانا شايف انه ما في و لا لاعب استحق انه ينضاف اسمه و خاصة بعد ما خربوها في آخر الموسم
بالنهاية مشكورين لمروركم

[XD"]

إلا أن ميسي أثبت فيهما أنه أفضل لاعب في العالم بشكل غير رسمي،

ههههههههههههه
نااااس تنسى الموسم وتشوف مباراة كاملة

بيني وبينك ميسي وش سوى مباراة الذهاب
أول ربع ساعة أبدع ثم الباقي باي باي
ورونالدو المباراة كاملة في القمة لولا ضياع البلنتي

الاياب يمكن ميسي تفوق على كريستي

[al7afey]

قام الموقع العالمي Yahoo! Eurosport باختيار أفضل فريق أوربي لهذا الموس

اخوي المصدر الي انت حاطه يقول ان هذي افضل تشكيلة لبطولة دوري الأبطال هذه السنه
وليس افضل فريق اوروبي لهذا الموسم
لهذا السبب لم يتم اختيار لاعبين من الريال لأن الريال لم يؤدي جيداً بهذه البطوله
لكن الغريب في الموضوع ان جوليو سيزار هو الحارس في التشكيلة , المفروض انه يكون فان دير سار الصراحه

شكراً عالموضوع

[barca-ps3]

مشكور يا ناروتو على الموضوع ^_~

عدم وجود لاعبين من ريال مدريد .. امر غريب ؟!!

بالعكس !

شي عادي ^_~

اخوي المصدر الي انت حاطه يقول ان هذي افضل تشكيلة لبطولة دوري الأبطال هذه السنه
وليس افضل فريق اوروبي لهذا الموسم
لهذا السبب لم يتم اختيار لاعبين من الريال لأن الريال لم يؤدي جيداً بهذه البطوله
لكن الغريب في الموضوع ان جوليو سيزار هو الحارس في التشكيلة , المفروض انه يكون فان دير سار الصراحه

شكراً عالموضوع

ههههههههههههههههههههههههههههههههههههههههههههه

شنو تفسرلي وجود :

لوكا توني ( بايرن ميونخ )
<< شارك بس بكاس الاتحاد !

و

و ديفد جيمس ( بورتسمث )
و ديل بيرو ( يوفنتوس )
<< ما شاركو لا بأبطال اوروبا .. ولا كاس الاتحاد !!

XD

[Light.Darkness]

اخوي المصدر الي انت حاطه يقول ان هذي افضل تشكيلة لبطولة دوري الأبطال هذه السنه
وليس افضل فريق اوروبي لهذا الموسم

كنت منتظر واحد داري وش الطبخة يدخل و يرد
ياهلا

ههههههههههههههههههههههههههههههههههههههههههههه

شنو تفسرلي وجود :

لوكا توني ( بايرن ميونخ )
<< شارك بس بكاس الاتحاد !

و

و ديفد جيمس ( بورتسمث )
و ديل بيرو ( يوفنتوس )
<< ما شاركو لا بأبطال اوروبا .. ولا كاس الاتحاد !!

XD

في ذمتك دخلت المصدر الرئيسي من ياهو و قريت العنوان ؟
اجيبه لك ولا يهمك العنوان في المصدر:
Champions League - European team of the season

تبي توضيح كيف ناس ما شاركوا موجودين في التشكيلة ؟
كاتب التشكيلة Mike Hytner / Eurosport اختار من كلا دوري الابطال و كأس الاتحاد (بما انهم بطولات لعبت و انتهت) و اضاف لهم الي يعتقد انهم يستاهلوا التواجد وهذا رأيه و تقدر تراسله و تتأكد












فيه احد بكامل قواه العقلية بيصدق ان تشكيلة العام بتنزل حتى قبل ما يمر منتصف العام (هالتشكيلة نزلت في شهر 5 )
بس سبب الفرحة عند البعض بهالتشكيلة معروف
ولا تحرف بعد (من قبل هذاك الموقع ) لتشكيلة العام

في النهاية ما اقول الا (لاعبين الملكي) ادلعوا ياكايدين الحاقدين عليكم
التشكيلات ما توكل خبز وبطولاتكم تتكلم يالملوك

[barca-ps3]

في ذمتك دخلت المصدر الرئيسي من ياهو و قريت العنوان ؟
اجيبه لك ولا يهمك العنوان في المصدر:
Champions League - European team of the season

تبي توضيح كيف ناس ما شاركوا موجودين في التشكيلة ؟
كاتب التشكيلة Mike Hytner / Eurosport اختار من كلا دوري الابطال و كأس الاتحاد (بما انهم بطولات لعبت و انتهت) و اضاف لهم الي يعتقد انهم يستاهلوا التواجد وهذا رأيه و تقدر تراسله و تتأكد

والله يا الطيب ماني مشلول علشان تجيبلي العنوان .. او اعمى علشان توريني

انا شايف العنوان ..

وهذا اذا قلت انه راي الكاتب .. ما راح اعارضك لانه كل واحد ورايه

بس كنت مستغرب ليش دخل ناس برى البطولات الاوربيه !

فيه احد بكامل قواه العقلية بيصدق ان تشكيلة العام بتنزل حتى قبل ما يمر منتصف العام (هالتشكيلة نزلت في شهر 5 )

اعتقد لو تقرى العنوان يكون افضل

لان العنوان يتكلم عن الموسم 2007/2008 .. مو سنة 2008 واعتقد ماكو دوري باوربا شغال لي الحين

وثاني شي .. اغلب التشكيلات اللي طالعه .. من مجلات ومصادر ثانيه .. مو من الفيفا ولا الويفا ^_~

بس سبب الفرحة عند البعض بهالتشكيلة معروف

ليش التشفير ؟!

اي نعم ..

كل برشلوني مستانس من التشكيله لان مافيها اي مدريدي

^_~

ولا تحرف بعد (من قبل هذاك الموقع ) لتشكيلة العام

ما فهمت شتقصد .. !

في النهاية ما اقول الا (لاعبين الملكي) ادلعوا ياكايدين الحاقدين عليكم
التشكيلات ما توكل خبز وبطولاتكم تتكلم يالملوك

هههههههههههههههههههههههههههههههههههههههههههه

خير ان شالله P-:

[Light.Darkness]

والله يا الطيب ماني مشلول علشان تجيبلي العنوان .. او اعمى علشان توريني

انا شايف العنوان ..

وهذا اذا قلت انه راي الكاتب .. ما راح اعارضك لانه كل واحد ورايه

بس كنت مستغرب ليش دخل ناس برى البطولات الاوربيه !

لا محشوم اخوي
بالنسبة ليش دخل ناس برى البطولة انا رديت على هالنقطة
انه دخل الناس الي من وجهة نظره الخاصة يستاهلوا التواجد ولو تلاخظ ما حط ولا واحد من الي مالعبوا في التشكيلة الاساسية وحطهم كلهم في الاحتياط

وزي ماقلت لك عشان لاحد يقول الكلام من عندي راسلوه بريده موجود بتسمعوا نفس كلامي منه شخصيا

اعتقد لو تقرى العنوان يكون افضل

لان العنوان يتكلم عن الموسم 2007/2008 .. مو سنة 2008 واعتقد ماكو دوري باوربا شغال لي الحين

انا قريت عنوان هالموضوع عدل و تعليقي عليه
العنوان و الموضوع المترجم (من هذاك الموقع) ما ترجم بأمانة
حذف اي موسم و اي بطولة مقصودة بالخبر
الخبر الاصلي واضح يتكلم عن دوري الابطال واي شخص يقراه بيفهم ان المقصود البطولات الاوروبية لعام 2007-2008 بالتحديد
مو دوريات 2007-2008
ولاتشكيلة عام 2007
ولا اي بطولة تبتدي سنة 2008
وبالتأكيد مو تشكيلة عام 2008
هذاك الموقع الي ترجم الخبر و الي نقل هنا حذف هالنقطة عمدا لتعصبه لبرشلونة
لما شاف ان تشكيلة هالصحفي تخلوا من لاعبين الملكي شال نقطة اي بطولة لاي عام عمدا
عشان يصير الكلام عام
وعشان القارء يعتقد ان هذي تشكيلة هالسنة اي 2008(العنوان و الموضوع المترجم يقولوا "لهذا الموسم")
ولا نروح بعيد راجع الردود في هالموضوع
و شوف فيه اعضاء من عشاق الدوري الانقليزي وقوعوا في فخ الترجمة الغير امينة
طبعا غير مستغرب اللعب بالالفاظ و الكلمات و حذف او تحريف بعض الكلام عند الترجمة من هذاك الموقع
طبعا المترجم يلام و يسأل عن الامانة في الترجمة
ما اقول الا الله يشفيهم (مسلمين ما اقدر اقول شيء ثاني)

وثاني شي .. اغلب التشكيلات اللي طالعه .. من مجلات ومصادر ثانيه .. مو من الفيفا ولا الويفا ^_~

و من حق الناس مناقشة اراء كتاب هالمجلات و المصادر الثانية
وفي النهاية اكيد التشكيلات الي تصدر من الفيفا و الويفا هي الرسمية

ليش التشفير ؟!

اي نعم ..

كل برشلوني مستانس من التشكيله لان مافيها اي مدريدي

^_~

الاشارة الي المعروف بدون ذكره ليس تشفير لأنه معروف
و سواء هالكاتب حط ولا ما حط ما راح ياخذون برشلونة منها اي شيء مدري على ايش مستانسين

ما فهمت شتقصد .. !

اعتقد بتكون فهمت قصدي بعد ما تقرأ ردي على مسألة العنوان و كيف تمة ترجمة هالخبر هناك
هذا تحريف و ايهام بمعلومة خاطئة لسبب في نفس يعقوب

هههههههههههههههههههههههههههههههههههههههههههه

خير ان شالله P-:

هذي حقيقة
التشكيلات ما توكل خبز اذا ما اخذت البطولة
و الله يديم الضحكة على كل اعضائنا

[Naruto]

يا سبحان الله !!

المشكله انك مراقب!!

يا اخوي انا ما حطيت الخبر علشان تصير مشاكل!!

انا حطيت الخبر وبكل امانه وضعت الرابط الي نقلت منه الخبر وحطيت الرابط حق الخبر الاصلي

والاهم انه انتا تقول انه الخبر وضع في شهر 5

وشي اكيد انه ينوضع في شهر 5

واذكرك انه بشهر 5 انتهت اغلب الدوريات الاوربيه والتشكليه وضعت لهذا الموسم المنصرم


بالنهايه اخوي عبود كفى ووفي

وما راح ندخل بمهاترات عن الغش الي صار السنه والي بيصير كل سنه

والبركه في فياار

[barca-ps3]

لايت داركنس .. ^_^

يعطيك العافيه على الرد ^_~

وما ودي ادش بنقاش ثاني ^_^

<< ترى كلش مو خايف انك صرت مراقب !! هههههههههههههههههههههههههههههههههههههه

بس حبيت اعتذر عن مستوى الرد اللي كنت كاتبه .. لان المزاج كان حده مو شي :$

ويعطيك العافيه على سعة صدرك ^_^

.
.
.

ناروتو ..

مشكوور خيو على هيك رد ^_^

واعتقد وضحت الامور بالردود اللي فوق ^_~

[Light.Darkness]

يا سبحان الله !!

المشكله انك مراقب!!

سبحان الله الواحد الاحد

خير ياخوي وشالخطأ الي انا اقترفته ؟

يا اخوي انا ما حطيت الخبر علشان تصير مشاكل!!

ما شفت احد قال انك ناوي مشاكل بالخبر

انا حطيت الخبر وبكل امانه وضعت الرابط الي نقلت منه الخبر وحطيت الرابط حق الخبر الاصلي

وانا اقول يعطيك الف عافية على تطبيق القوانين بخصوص المصادر
شخصيا تعليقاتي على الخبر و ترجمته كانت على مترجم الخبر من مصدرك
وليس شخصك ناقل الخبر

والاهم انه انتا تقول انه الخبر وضع في شهر 5

وشي اكيد انه ينوضع في شهر 5

واذكرك انه بشهر 5 انتهت اغلب الدوريات الاوربيه والتشكليه وضعت لهذا الموسم المنصرم

وهني مربط الفرس
مترجمك ماكتب هالتشكيلة لأيش بالضبط مع ان الخبر الاصلي موضح
هذا يسمى تضليل وخداع
الخبر الاصلي رأي خاص عن البطولات الاوروبية بالتحديد
ومترجمك كتبه عام وبالتالي يفهم القارىء انه شامل لكل شيء
و اعيد و اكرر راسلوا الكاتب ايميله موجود و اتأكدوا
اكيد باصدق كاتب الخبر الاصلي
ولا اخذ بكلام مترجم الخبر الي حذف كلام عمدا من الخبر مما يطعن مصداقيته كمترجم
ومن يدري كم مرة تلاعب في الترجمة قبل

بالنهايه اخوي عبود كفى ووفي

ياهلا به
وضحت له وجهت نظري

وما راح ندخل بمهاترات عن الغش الي صار السنه والي بيصير كل سنه

والبركه في فياار

حجة (المخفق ) مسح السبورة مثل يقال للي دايم معلق اخفاقاته على شماعة

لايت داركنس .. ^_^

يعطيك العافيه على الرد ^_~

وما ودي ادش بنقاش ثاني ^_^

الله يعافيك
لش لأ النقاش مفيد لتقريب وجهات النظر
والاهم ان كل واحد يبين منطقه و وجهة نظره الشخصية الي استنتجها بنفسه

<< ترى كلش مو خايف انك صرت مراقب !! هههههههههههههههههههههههههههههههههههههه

بس حبيت اعتذر عن مستوى الرد اللي كنت كاتبه .. لان المزاج كان حده مو شي :$

ويعطيك العافيه على سعة صدرك ^_^

حصل خير ياخوي

واعتقد وضحت الامور بالردود اللي فوق ^_~

كل واحد بين وجهة نظره