|| بـســــم الله الرحـــــمن الرحــــــيم ||
هــــلا بشلـــة التـــرفيهي ..
نبــدأ القــصة عـــلى الســـريع .. مع امتحـــان مادة ريض 322 "رياضيات"
.. دخــلت الأمتحان في اللجنة 5 << رقم نحس .. و المقعد رقم 22 ..
طبعـــا في ليلة الأمتحان رحت المعهد ثلاااث ساعات راحعت فيها كل شي ..
استلمت ورقة الأمتحان .. قرأت الفاتحة و توكلت على الله ..
و لكن ..
ولكن ... !
ما هذا ..
هل هذه المادة درستها التي امس ..
قلت يمكن هذه اسئلة صعبة خلنا ندور السهل .. << الأمتحان 8 صفحات ..
قلبت الورقة ..
قلبت ..
قلبت ...
قلبت ....
قلبت .....
قلبت .......
قلبت ........
و لكن ..
مافي شي سهل !! .. وين الي درسته امس .. 6 دينار صرفتها عالفاضي .. !
اول برشمة القوانين ما نفعت لأن مافي اسئلة قوانين ..
وانا حطوني في لجنة 5 .. و ربعي كلهم في اللجنة 6 .. يعني مافي غش ..
و المراقبين لابسين نظارة شمسية عشان ما نشوف عيونهم و هم يشوفوننا ..
بدأت احل الورقة .. حليت تقريبا 30 - 40% من الورقة ..
و الباقي قلت بغشه من الي يمي .. القيت عليه نظرة .. و كان نايم في العسل ..
و الي وراي .. قاعد يصيـــح ..
و اللي جدامـــي .. قاعد يتفلسف و يطلع قواعد و قوانين من عنده ..
بعدين ناديته .. بست هي << بصوت خافت .. قعد يطالعني و عينه تطلع شرار ..
و انا اشوفه و عيني بها دموع مزيفة اقول له يعلمني ..
و لكن ما نفع معاه .. قال انا ما اعرف شي .. و تجاهلني ..
شاسوي .. بروحي .. ربعي في ذاك الصف ..
طلعت الآلة الحاسبة و قلت خلني اتفلسف و احل من عندي ..
حليت كل شي الا سؤالين اشك في ان الي كتبهم هو من الوزارة ..
و قعدت اطالع يمين يسار يمكن واحد حل هالسؤالين ..
لكن مافي احدا !!!
بس قلت خلنا نسلم الورقة و الله يستر من الشهادة ..
كنت اضن اني بخلص الأمتحانات فرحان .. و لكن منو يفرح بعد هالأمتحان ..
و ان شاء الله على الأقل انجح في هالأمتحان و باقي الأمتحانات ..
و نفتك من شي اسمه مدرسة ..
و بالتوفـــــــــــــــيق للجميع في الأمتحانات .. نصيحة مني ادرسوا زين !! ..
و بأنتظار النتااااااااااااايج ..
و تصبحون على خير << !!!!!!!!!!!!!
|| تقبلوا تحياتــي و شكـــــراً ||
El-3amiRi
