اللهجة الحلبية

[Mr.abdoboys]

و طبعا امتازت اللهجة الحلبية عن غيرها من اللهجات السورية بأنها فريدة عن نوعها و لا يوجد لها مثيل على الاطلاق و هي المفردات: * عوجة = كوع * سيوي = دغري * أنضرة = كندرة * تاسومة = السكربينة * دوينات = كفوف * لاصطيكة = مطاطة * مصراط = مصاري * خوتة = معه صرع * جدبة = مجنون و على فكرة بتنقال اللرجال و المرأة * طاول طاول = أبدا * المعلاق أو الجلق = الغليظ * خَلْء = عالم و هيك بتصير غنية قديش كان في ناس عالمفرق تنطر ناس بتتغنى بالحلبي إشقد كان في خَلء.. عالعوجة تنطر خلْء....هاها منكفي * خيت وخَيْتو--------يعني أختي * خاي وخيو---------يعني أخي * أبويْ--------أبي * نانتي يعني جدتي * يوم: معناها باللغة العربية و بكل اللهجات هو ال24 ساعة بينما باللهجة الحلبية بتجي بمعنى ماما * سكرتون = خزانة * السلاتة = القشاطة * السحابة = الدرج * خولية = البشكير * أردغان = هدية * صمن = الخبز السمون * جنق = صحن *جمجاية = معلقة السكب * فرتيكة = الشوكة * الدءماءة = مدقة التوم !! * الدروبس = السكاكر أو البونبون كما امتازت اللهجة الحلبية بأدوات إشارة خاصة بالحلبية يعني العرب كلهون كوم .. وهنن كوم تاني * كوهنه----------للمذكر القريب * كيهنه----------للمؤنث القريب * كوهاك----------للمذكر البعيد * كيهاك----------للمؤنث البعيد * كوهاكيي-------لجمع المذكر البعيد * كيهاكين-------لجمع المؤنث البعيد * كوهنن--------لجمع المذكر القريب * كيهنن--------لجمع المؤنث القريب وطبعا للسهولة في اختصارات كمان: * اختصار المذكر القريب .. كو * اختصار المؤنث القريب .. كي و من الاختصارات أيضا: * تاااا بدل من تعال * رووو بدل من روح ما راي آجي بدل من ماني جاية استنو ما خلصت شبكن * بروك = اجلس * تشطح = تسطح ... ما تسألوني ليش !!! * أبوس روحك = للمدح * أبوس شنقات وجك بالشلمونة = للمدح البليغ ... و طبعا شنقات وجك يعني خدودك * يبلاك بقتلك = دعاء بالقتل * إشْ ضاءلَّك = شو بدي قلك * عجب = للدهشة * كنّي = للاستفهام * ديه بقا = للتأفف * أَبَوْ = للتفاجؤ ... والله ما عرفت اقراها هي !!! وللدقة باللفظ يرجى لفظ ال ج = ادجه و ال ش = اتشه و ميت السلامة والله

[Mr.abdoboys]

منــــــــقووووووول من احد المنتدايات الحلبية وميت السلامة