1-كوندمند2
2-نينجا غايدن2
3-دارك سيكتور
بمشي بالترتيب لاني اول شي نهيت كوندمند2 وبعدين نينجا غايدن2 وبعدين دارك سيكتور امس نهيتها
مالي خلق اكتب اساميهم بالانجليزي
كوندمند2 لعبة الرعب الشهيره من لعب الجزء الاول وعجبه لازم يلعب الجزء الثاني لانه افضل من الاولالاجواء باللعبه ممتازه يبين لك فعلا انك بغموض وودك تعرف شنو يصير من احداث اثناء توصيلك باللعبه
القيم بلاي:8,5 من10 اللعب فيها حلو وراح تندمج مع اللعبه خصوصا اذا كنت تحب العاب الرعب بس بدايتها تغث شوي خصوصا اللي توجه لهم لكمات بس اذا وصلت للمرحله الثانيه خلاص راح تندمج مع اللعبه
------------
القصه:8من10 القصه راح تشدك مع اللعبه ولكن ينقصه بعض الاضافات
----------
الجرافيكس 6,5 من10 من ناحية التوصيل باللعب الجرافيكس رائع ولكن اثناء المشاهد والشخصيات يبيله تحسين
-----------
الاصوات:9من10 اللي عجبني باللعبه هي الاصوات وخصوصا اللي عنده مسرح منزلي راح يسمع اصوات تخرع من كل صوب
---------
عمر اللعبه:عمر اللعبه تقريبا بين 8 و9 ساعات لعب واعتقد هذا الوقت يكفي لكي تقضي وقتا ممتعا مع الغموض
تقييمي النهائي
8من10
كلمه اخيره:انصح اللي يحب العاب الرعب انه مايطوف هذه اللعبه صحيح انه اول مرحله تغث وتجيب المرض بس تحملها ووصل للمرحله الثالثه وراح تندمج مع اللعبه وغموضهابالنهايه اللعبه تستاهل انك تشتريها مستعمله
--------------------------------
نينجا غايدن
لعبه صدمتني بروعتها وخصوصا من ناحية استخدام الاسلحه لعبه دمويه رائعه جدا والجزء هذا اسهل بواجد من الجزء الاول اللي بنظري انه معقد من ناحية التدوير وصعوبة اللعبه اما الجزء الثاني متغير 180 درجه عن الاول ماتدور واجد وتستمتع بكل لحظه مع توصيلك للعبه واجواء اللعبه ممتازه بدايتك ببلكونه بعماره بطوكيو اذا ذبحتهم شوف المناظر العماير اللي حواليك والسيارات اللي تحت فعلا اجواء رهيبه
القيم بلاي
10 من10 رائع بكل شي مااقدر اعبر عنه من كثر ماهو رائع
-------------
القصه:
9,5 من10 رائعه ايضا
------------
الجرافيكس
9من 10
---------
الاصوات
8,5 من10
--------
عمر اللعبه
بين 10 و12 ساعه تنهيها
تقييمي النهائي
9,7 من10
كلمه اخيره:انصح الجميع بشرائها وحتى اللي ماحبوا الجزء الاول لانه هذا الجزء اسهل بواجد من الاول وماتدور بمناطق كبيره حلو المشكله هذه
همسه:الجزء هذا يخليك تتحمس للجزء الثالث
---------------------------------
دارك سيكتور
لعبه حلوه وتستاهل تكون ضمن العاب تغزيرة الصيف بس ماانصح احد يشتريها جديده يعني مستعمله واجد عليها بصراحه لعبه حلوه ولكن عطوها اكبر من حجمها وفيها عيوب كثيره مثل التكرار المستمر بالاعداء واذا خذيت رشاش من الارض ترمي فيه بشكل مؤقت<<هذه الشغله مالها داعي خربت من حلاوة اللعبه بس
القيم بلاي:
7من10 هي لعبه حربيه مع رعب امزجوا الشغلتين هذه باللعبه واللي ترمي فيه هذا محلي اللعبه 90 بالميه اما الباقي من ناحية الاكشن واللعب عادي والاماكن اكثرها مشابهه
------------
الجرافيكس
9من10 احسن شي عجبني باللعبه هو الجرافيكس وخصوصا بالمرحله اللي يمينك بحر وتنزل الامطار
---------
القصه7من10 جيده نوعا ما
----------
الاصوات
7,5 من 10 رائعه وخصوصا بحذفك للسلاح والرمي بالرشاش واصوات الاعداء
----------
عمر اللعبه:بين 6و7ساعات 10مهمات بس وكل مهمه تاخذ بين نص ساعه او ساعه بالكثير يعني مثلا مهمه تخلصها بنص ساعه ومهمه تخلصها بربع ساعه ومهمه تخلصها ب45دقيقه جذيه بس المجموع الكلي بين 6 او7ساعات بالكثير تنهيها
تقييمي النهائي
7من10
كلمه اخيره
الصراحه اللعبه ناقصها الكثير وماتستاهل تقط فلوسك عليها فيه العاب ثانيه افضل منها اذا نهيت العابك وماعندك شي تلعبه ذيج الساعه اخذها مستعمله لانه تشتريها جديده ماتستاهل
وترقبوا انطباعي بالالعاب هذه
1-بورن ادينتي
2-الون ان ذا دارك
3-هاز
