هل شركة سوني على وشك الإفلاس ؟

[Nexun]

نتساءل كثيرا لماذا شركة سوني لا تتعاقد مع شركات الطرف الثالث كما فعلت في السابق مع PS2 و PS1 ؟
لأن شركة سوني كل جهاز تبيعه تخسره ( الشركة خسرانه أصلا )
وتقدر خسائر الشركة لسنتين ماضيتين حوالي 3,4 بليون دولار ( مبلغ كثير)

المهم أنا بحطلكم الخبر وإنتم أقروه
http://kotaku.com/5018203/howard-str...s-top-priority

[فوق المستحيل]

والله مااظن

لان مستحيل تكون معتمده على جهاز واحد فقط

[Nexun]

^^^
أتمنى يكون كلامك صحيح
بس إيش تفسر عدم تعاقد شركة سوني مع شركات الطرف الثالث كما في السابق
حتى إن لعبتها Gateway و لعبة تانية ماأدري إيش إسمها أتكنسلت بسبب عدم توفر المال الكافي ( هذا يدل على أن الشركة تتكبد خسائر )

[Modi]

القسم الترفيهي لشركه له خساير
بس ما بتخسر سوني بكبرها !!

[fall out boy]

سوني عندها 3 اجهزه مو جهاز واحد PS3 و PSP و PS2

يعني مو شرط تتعاقد مع شركات حق البلاي 3

[kingx11]

3 بليوون صارت مثل 3 مليون هالايام

ولا ليش الـ360 للحين عايش ومايكرو خسرت عليه مايقارب هالمبلغ

[White Knight]

مثل ماقال الأخ فوق المستحيل -- مستحيل سوني تعتمد على جهاز واحد
كما أن دخل شركة سوني تقدر ب 8,871,400 مليار ين ----- يعني 88,7 مليار دولار

[rare games]

سوني مستحيل تفلس وللاسباب الي ذكروها الاخوان اما عن عدم تعاقدها مع شركات الطرف الثالث اظن ان كلام غير منطقي لان عندها تكن وفاينل وميتل حصريات غير هذا ان سوني لو تلاحظ تتجه نحو تطوير الالعاب بنفسها راينا الكثير من new ip انترشالد-هافنلي-ليتل بيق- رزيتنس كذلك عوده العاب منها كغود اوف وار وكيل زون وراتجيت ومثل ما يقولون شي لك دوم ولا شي لك يوم

[ERGO PROXY]

الله انا قمت اشك بهل الشي بس سوني عامة عندها اشياء ثانيه غير القيمز
الله يرحم ايام السوني 2 كان محد يسايره بالمبيعات
بس مادري شفيهم اروها اول في السوني 3
حته كين كوتراقي شكله حس انه الجهاز ماراح يكون بذيك القوه مثل السوني 2 والسوني 1
عشان جذي تلقاه طلع ....مجرد تسآؤل
ونفس الشي بيتر راح اتاري
لا يكون فيه شي واحنه ماندري

[Mr.X]

حتى إن لعبتها Gateway و لعبة تانية ماأدري إيش إسمها أتكنسلت بسبب عدم توفر المال الكافي ( هذا يدل على أن الشركة تتكبد خسائر )

عندي تنويه احب انبهك عليه انت وغيرك لأني لاحظت الكثير انهم فهمو هالشي غلط ..
سوني ما كنسلت مشروع جيت واي و 8 دايز ,, سوني اوقفت هالمشروعين مؤقتاً حتى توافر الميزانية المالية الكافية لإكمالها .. يعني اتوقع لين ما تنزل إحصائية ميزانية 2008 اللي هي بنهاية هالسنة أو ببداية 2009 ,, وغير كذا اللعبتين من الصور والعروض اللي شفناها خصوصاً ايت دايز اللي بيشوف جرافيكسها ما راح يصدق انه ريل تايم الكل يقولون انه CG ,, ودام انها بالفعل ريل تايم فمعناتها اكيد انها كلفت سوني الشي الكثير جداً حتى انهم قدرو يوصلون فيها لهالمستوى ,,

نقطة ثانيه ,, لو تشوف الألعاب اللي تسويها سوني بنفسها بدون شركات الطرف الثالث راح تلاحظ انها كلها توب
انشارتد - ليتل بيق بلانت - جود اوف وار2,1 و 3 بالطريق - GT5P - هافنلي سورد ... والقائمة تطول ...! لو تلاحظ فبتشوف انها كلها العاب قوية لكنها تاخذ وقت طويل في تطويرها , فلذلك اتوقع ان سوني كانت تبي تعتمد نفسها بنفسها في انها تصنع العابها دامها بهالقوه لكن المشكله اللي واجهتهم هو انها تاخذ وقت طويل بالتطوير مثل ما قلت قبل شوي , وغير كذا شركات الطرف الثالث صارو يطلبون مبالغ ضخمه بالملايين علشان تصير لعبتهم حصرية على جهازهم ,, وغير كذا فيه مقال لكاز هياري بأقتبسه لك

في مقابلة مع Kaz Hirai رأس SCEI تمت مناقشته في عدة امور, كان اهمها الاشياء الصغيره التي تجعل الجهاز يبرز للمستهلكين الا وهو الالعاب الحصريه. يقول ان الامر لم يعد كما كان سابقا حيث يتم دفع المال للناشر لشراء الحصريه, بل هل الناشر سيكسب اكثر اذا كانت حصرية ام لا. قال Hirai هدف سوني هو العمل مع الناشرين وتبيين ان الـ PS3 هو الاختيار الافضل لاصدار اللعبه, وقال ان السلاح السري هو الـ Bllu-ray حيث يمكن للناشر والمطور اخذ الحريه بسبب حجمه. فيمكنهم اضافة مراحل جديده عروض اضافيه الخ… هل يستطيع Hirai ان يقوم بذلك؟

[ShinGundam]

أتمنى يكون كلامك صحيح
بس إيش تفسر عدم تعاقد شركة سوني مع شركات الطرف الثالث كما في السابق
حتى إن لعبتها Gateway و لعبة تانية ماأدري إيش إسمها أتكنسلت بسبب عدم توفر المال الكافي ( هذا يدل على أن الشركة تتكبد خسائر )

أخوي ترى مو كل شي يسوى يكون حصري هذي الأيام حتى لو في شركات هي من مصلحتها
تشوف مصلحتها في الملتي مثل كول أوف ديوتي و عندك شركة كونامي قالت أنا مو محتاجة أنزل ملتي
عشان ميتل غيير تنجح ..ليش عندنا ميثال من السنة الماضية هيفي راين كانت ملتي و صارت حصرية
على بلاي ستيشن و لا مشتركين في التطوير هم و سوني أوروبا فما ما أظن الكلامك سليم
هذا طبعاً غير إستديو سيليوس من سوني و بانداي نامكو الشركة لتصميم ألعاب خاصة للبلاي

[joker_zambrotta]

http://www.sony.net/SonyInfo/IR/fina...SonyAR07-E.pdf
وشك الافلالالالاس ؟؟؟

[Nexun]

مشكورين على الردود بس شوفوا هذا الخبر أيدني
http://www.psxextreme.com/feature/289.html
والله ياجماعة في ألعاب على الإكس 360 أتمنيت تنزل على السوني ( الأربيجيهات إلى عندهم ) وأخرها ستار أوشن 4 إلا صارت حصرية لهم
يعني مين كان يتخيل ( بلاستيشن 1 + 2 كانوا ملك الأر بي جي ) والأن نحلم في لعبة أر بي جي نقول فاينل فانتسي بس متى بتنزل

[ShinGundam]

مشكورين على الردود بس شوفوا هذا الخبر أيدني
http://www.psxextreme.com/feature/289.html
والله ياجماعة في ألعاب على الإكس 360 أتمنيت تنزل على السوني ( الأربيجيهات إلى عندهم ) وأخرها ستار أوشن 4 إلا صارت حصرية لهم
يعني مين كان يتخيل ( بلاستيشن 1 + 2 كانوا ملك الأر بي جي ) والأن نحلم في لعبة أر بي جي نقول فاينل فانتسي بس متى بتنزل

هذا مقال و ليس خبر و يا أخوي مثل هذي المقالات موجودة بشكل كبير في النت فإذا كل شوي
بتحط هذي المقالات ما راح نوصل لشي في الموضوع لأن موضوعك عن إفلاس سوني و الشباب
ردوا و في موضوع الحصريات أيضاً ردوا

[فوق المستحيل]

لا تحزن..البلو راي بروحه كافي ..