metal gear solid 4

[IL C a p i t a n o]

السلام عليكم

طبعا كلكم تعرفون هاللعبه

انا بس اعرف اسمها

وعمري ما لعبتها

عموما مو مهم

المهم اني سويت له تصميم

اتمنى ان يعجبكم

هذا اهو التصميم



IL C a p i t a n o

[sweet Mio]

مرحبااا ..
شفيني كله الاولى @.@ !!
لول اللعبه هذي مالعبت منها الا الجزء الثالث وانهيتها بطلعه روح T-T
بس رهيبه ^.^ ..
احم نروح عالتصميم صراااحه كووول وغير عن تصااميمك الباقيه لان احس فيها شويه تكرار ..
لكن هذاا احس فيه فكره جديده سويتها .. ^^
اللون الاخضر احسه مو مناااسب ..
تقدر تختاار غير هاللون ^^ ..
والخط فيك تتفنن بوااحد غيره ..
جنه اشوفه اهدااء .. شفيك مستحي تقول انه اهدااء لطويرق ؟؟ XD
اتغشمر لوول ..
الله يوفقك .. ومبروك عليه هالتوقيع

[IL C a p i t a n o]

ما قلت اهداء لأن اهو لي اللحين ما يدري عن التصميم

فبشوف

شنو اسوي وما اسوي واضبطه وبعدين اهديه ^^

على فكره هذا مو لون اخضر هذا لونه الصجي

[sweet Mio]

اهاا
اللي يشوفه من اول مرة يحسب انه حاط اللون اخضر عن قصد ..
اممم حلووو دااام جذي ما اشوف لازم التغييير ..
والسموحه ..

[->Hussen<-]

السلااام عليكم

شلونك اخي كابتيانو ؟

تصيم رائع جداً "^^
التأثيرات جميلة جداً , والخطوط رائعة , بس التأثير اللي باللون الاصفر اللي في الاطراف , لو يكون في الوسط اجمل بكثيير "^^ ( فقط رأيي )

وعمري ما لعبتها

هي اساسا على اي جهاز @@"!! , والله انا سامع فيها ومو لاعبها مثلك , لكن على الاكثر انها مراح تعجبني لأني اكره اساسا الشخصية الرئيسية في اللعبة
على الرغم من اني لا احب هذه الشخصية , لكن التصميم راائع جداً , واعجبني هو الآخر ...

موفق ان شاء الله

[.:ROXY:.]

السلام عليكم ورحمة الله وبركاته
. . . . . . . .
كيف حالك أخوي ؟

Metal Gear Solid!

تقريبا في المرتبه الأولى من ألعابي المفضلة!

كيف مالعبتها إلى الآن!!!!! <<<< يعني غصب كل الناس مثلك XD

هذا الجزء نزل على PS3

والأجزاء اللي قبل على PS2 وفيه بعضها على GC وعلى XBOX

<<<<< رد على استفسار حسين!

المهم ... <<<< ماكنها نست الموضوع ><

والله التصميم مررره خطير وأسلوب جديد لك!

ويكفي فيه سنيك ^^ وماأشوف عليه أي تعديل..

....آسفة على الهذره الكثيره >< بس وش اسوي...

إذا كانت السالفه فيها Metal Gear ماأقدر أسكت ^^"
. . . . . . . .

.:PEACE:.

[Ahmed Blight]

ميتال مو ماي تايب @@ بس لعبت الاول و الرابع شفت ربعي يلعبونه و لا فكرت اجرب العبه خخ

المهم التصميم صراحة حلو و الاحظ فيه تطور ملحوظ في مستواك ^^
الفكرة و التنسيق هم ادوا لإخراج مميز ^^

بالتوفيق لك و حاول تحافظ على المستوى الحلو ^^

[حلزونه]

السلام عليكم ^^
كيف الحال والتحوال ..^^..


ياحرتكاااات يافناااان
تصميم مميز وفعلا مبين تقدم كبير بمستواك الفتره الاخيره ^^
اكثر شي عجبني هنا هو طريقة الاخراج
لاااع ماشاء الله عليك 100% ماعندي ملاحظه عليه غير تسجيل اعجابي بيه
يستاهل طويرق كل الخير بيستانس عليه اكيد
الله يوفقك وييسر لك امورك ويزيدك من فضله ابداع

جااناا ^^

[Iris]

وعليكم السلام

تصميم رائع ماشاءالله,
ما عندي انتقاد عليه, فكرته حلوة,
العبة مشهورة لعبت الاول و الثاني, الثالث ما جربته و لا اعتقد بيعجبني,
موفق, و بانتظار مزيد من تصاميك.

[Soul Eater]

تصميم حلو وحركات ^_~ .

جرب تحول التصميم كامل للون القمحي الي غيرت فيه ، وتترك الاخضر تحت منشان ما بياخذ من الوجه والشكل كثير .

واكيد راح يعجب طوارق ^^ .

[Scare_shade]

<< ألحين يجونك عشاق اللعبة من أسم الموضوع

مابي أطلع من نطااق الموضوع وأتكلم عن اللعبة لأني مب مخلص


في التصميم نقطة وحدة خاشه عرض وهي مثل ما قالت سويت
مب مناسب بتاتا ,, أو الخلفية البنية مب مناسبة !! أنت عدل على واحد منهم واللي يريحك

وطويرق من قدك

[dante-55]

و عليكم السلام و الرحمه

مرااحب كابيتانو , شلونك شمسوي ؟
ماشا الله عليك .. تصميم جدا رائع
متناسق من جميع النواحي .. و الاضافات و الحركه حلوين
ربي يوفقك ..

[Hinata-sama]

السلام عليكم ^^

تصميم رائع أخوي الكابيتانو، فكرته جميلة و عجبني هدوء الألوان

ألاحظ مستواك في تطور ما شاء الله ،، و إلى الأفضل ان شاء الله ^_-

بالنسبة للعبة ما لعبتها و ما أعتقد أنها من النوع اللي أفضله >> خلوني مع ماريو و ربعه أحسن
لي لوول ....

الله يعطيك العافية و بالتوفيق ^.^

[vital]

السلام عليكم،، مرحبا أخوي
توقيع جميل أخوي، ألوانه أحس أنها تدل على طبيعة اللعبة نوعا ما، وحركة تلاشي أطراف التوقيع موفقة كثير،
بس لون اسمك فاتح شوي، لو تغبيره حتى يوضح أحسن من وجهة نظري،
بجد شكل وتوقيع جديد، بالتوفيق أخوي

[..REEM..]

عجيب تصميمك صراحة أخ كبيتانوا

إلى الأمام دائما

أختك

ريم