نفس المشكله , الهندي ماله شغل ماعليك منه
شوف انا من صارتلي السالفه رجعت الباسوورد وشفته بايع سيف كنت شاريه بحدود 1000 جولد وبايع اغراض واجد حتى الجناط اللي بالبنك شالهم وباعهم , انا قلت ماكو الا ابلغ الشركه جان افتح التكت وكتبت مشكلتي عشان يشوفها الجيم ماستر ويرد علي لكن اللي حصل ان اول ما شافها عطاني باند وقعدت 3 ايام باند , اخوي قالي انطر راح ترد مو باند على طول ولما ترد راح تشوف اغراضك كلها موجوده , المهم بعد 3 ايام رديت لكن بدون اغراضي وكلمت جيم ماستر 10 مرات وكله يطنشوني , السالفه صارلها فتره طويله ولغايه يومك هذا ماردولي شي.
نفس ماقلت هذوله محتفظين بالارقام السريه لكل الشخصيات اللي سوت عندهم باور لفل , وبعد فتره بحيث انك تنساهم يجربون كل الاكاونتات اللي عندهم ويشوفون منو غير رقمه السري ومنو ماغيره واللي ماغيره يسرقونه منه وماتجي في بال صاحب الاكاونت ان اللي سرقه اهل الباور لفل , حتى اعرف واحد والسر عندك بالامان لما سرقوا اكاونته قطها براس الهندي اللي مسويله فورمات
هذوله لا دين ولا مذهب يبوقك ولا يدر على احد , ويقعد يحلب شخصيتك من كل شي لغايه مايخلي شخصيتك مفصخه وبالتالي يقعد يستخدم برامج ممنوعه من بليزرد ويجمع جولد ويدزه لأكاونت خاص فيهم وعلى هالحال لغايه ما بليزرد تكتشف الشي هذا وتعطي اكاونتك باند و منو المستفيد ؟ الصينيين
غير باسوورد لا تخليه نفس القديم وبالمستقبل ان نويت تسوي باور لفل بقولك طريقه
مثلا الباسوور لأكاونت اهو deadhero هذا باسووردك مثلا , لما تروح تسوي باور لفل وقبل ماتسجل عندهم روح موقع بليزرد وغير باسووردك وحطه مثلا healing123 وسجل عندهم وسو باور لفل وان خلصت منهم غير باسووردك نفس اللي كنت عليه وخلاص
راح يحاولون بعد فتره انهم يدشون بأكاونتك عشان يشوفون غيرت باسووردك او لأ ماراح يهدونك صدقني وهذي نصيحه للناس كلهم انهم يغيرون ارقامهم السريه قبل الباور لفل ويرجعونه لما يخلصون
