ساعدوني بموت بموت ألحقو

[uae sawad]

اريد اشترك في PlayStation Network

وما اعرف كيف اشترك

اسوي كل شي الين مايقلي اكتب البلد والمدينة والعنوان

وماعرف شو اسوي ؟

ضهري تكسر من كثر المحاولة ارجوو من كل كريم في المنتدى الكريم

ان يعطيني عنوان ويخبرني شو اكتب في التفصيل

ارجو ان يطلع لي واحد من اهل الخبةوالمجربين

ساعدوني

[uae sawad]

15 واحد دخل ولا واحد يقدر يساعدني

[mr:x]

انت اكيد حطيت انت من امريكا صح ارجع اول شي وحط السعودية وبعدين لايمك رح خربط مثل

hhrohmyhoh
ghrohrhohm5e
hreokhtehke
htkhjketp
ghehk
hetho
ghththk

كذا وبيشتغل معاك

[جنغر]

انت اكيد حطيت انت من امريكا صح ارجع اول شي وحط السعودية وبعدين لايمك رح خربط مثل

hhrohmyhoh
ghrohrhohm5e
hreokhtehke
htkhjketp
ghehk
hetho
ghththk

كذا وبيشتغل معاك

هذا هو الحل اما اذا كنت حاط امريكا
فاختر الولاية ولتكن نيو يورك NEW YORK
والمدينة اكتب NEW YORK
ثم اكتب ZIP CODE او POSTAL CODE هذا 10027

[حلف الشمال]

السلام ...
أنا عندي الحل أنت عمرك اقل من 18 سنة صح ؟.......
حط عمرك أكثر من 18 وراح يضبط معاك وجرب أكثر من نك طبعا لأنه في وايد القاب محجوزة لاتحاتي .
وأي مشكلة في الشبك خبرني ومارح أقصر معاك بس تري أنا قليل أدخل المنتدي ....والسلام

[يورو]

السلام عليكم


اتفل اخوي خاذا الشرح تسجيل الحساب في الشبكة

اتبع الخطوات التاليه

_



السلام عليكم ورحمة الله وبركاته ..

هذا شرح لطريقة عمل ID خاص بك في الـ PS3 ..
انا شفت كم واحد مايعرفون كيف يسجلون .. فحبيت اسوي لكم شرح خاص ..
ان شاء الله يكون الشرح واضح ..

نبدي بسم الله ..

أول شي .. بعد مانعمل يوسر عالـ PS3 .. << يوسر وليس ID ..
نروح أخر شي عاليمين وندخل على هالخيار ..


ونختار أول واحد مثل ماهو طالع معانا ..


بعدها Conitnue


وبعدها خيار نختار فيه الدوله واللغه وتاريخ الميلاد ..
وهذا خيار مهم .. على حسب خيار الدوله ..
اذا اخترت الدوله يفتح معاك الستور [ Store ] الخاص فيها .. وتقدر تحمل منه العاب كامله [ بفلوس طبعاً ] .. وديمو الالعاب ويكون مجاني .. ودعايات وصور ..
امريكا .. ستور امريكي .. واليابان ياباني .. واوروبا اوروبي ..
وكل ستور فيهم يختلف فيه موعد صدور الالعاب ونزول الديمو .. < ان شاء الله فهمتوا
مثل هالصوره .. < انا عندي اكثر من Id .. عندي ياباني وامريكي .. عشان الستور ..


بعدها تجيك هالصفحه .. تختار هذا ..


و Continue .. على طول ..

الحين أهم شي ..
أول شي تكتب الايميل اللي تبي تسجل فيه ..
حط اي ايميل تبي .. واي باسوورد تبي ..
واختار السؤال السري .. وحط اجابه من عندك ..
الايميل يكون مثل اليوسر نيم في المنتدى .. هو يوسر تسجيل الدخول مش الـ ID ..


وهذا بعد أهم شي < ياكثر المهم ..
الحين تختار الـ ID اللي تبيه ..
مثل ماتشوفون انا اخترت QATARFOOTBALL << لحد يضيفني عليه هذا بس مسويه حق الشرح ..
المهم .. تشوف لك ID للحين محد خذاه ..
لازم يكون من 3 - 16 حرف
أول شي حرف < يعني مايكون رقم في البدايه ..
ولازم مايكون قريب من الايميل أو الباسوورد اللي انت مسجل فيهم ..


الحين تكتب اسمك الأول والأخير وتختار جنسك ..


وبعدها يجيك العنوان .. اكتب اي شي تبي ..
المهم اذا اخترت امريكا تجيك الولايات ..
اختار California والرقم 90001 ..
نفس الصوره ..


بعدها .. اختار No .. < انا اخترت نو واختصرت الطريق .. ماعرفت شسالفته ..


حط صح اذا تبي توصلك اخبا ر ومدري ايش ..


هذا عشان تتأكد من بيانات تسجيلك .. اذا تبي تكمل ولا لا ..
ملاحظة : الفرق بين الـ Sign in ID والـ Online ID
الـ Sign in ID : هو مثل ماقلت اليوسر نيم حق تسجيل الدخول .. < ممكن تغييره ..
والـ ONLINE ID : هو اللي يطلع عند الناس .. < هذا مايتغير ابداً ..


اذا كملت بيطلع لك انه خلاص تسجل الـ ID ..


بس للحين ماخلصنا .. باقي كم خطوه بعد ..
الحين تختار صوره عشان تطلع مع الـ ID ..
تقدر تغيرها وقت ماتبي ..


اذا ضغطت Yes بتجيك 8 اسأله .. اسأله عاديه عن الجهاز .. وايش الاجهزه اللي عندك في البيت .. وكم ساعه تلعب في الاسبوع .. مالها داعي ..


الحين خلصنا من التسجيل .. مبروك عليك الـ ID ..


ونروح Sign In .. عشان ندش عالنت ..


فوق يكون موجود الايميل .. وتحته الباسوورد ..
تضغط على Sign In .. عشان تسجل دخولك ..


بتطلع الحين صفحه فيها نكك وفيها خيارات واجد ..
الحين خلاص تقدر تشوف اللي معاك وتسولف معاهم وتطرش لهم رسايل وصور ..
^^ خلصنا من الـ ID ..

الحين اذا بغيت تضيف واحد معاك في اللسته .. شتسوي ؟ ..
تروح لهالخيار ..


وتطلع لك هالصفحه ..
تضغط على المربع اللي فوق .. عشان تكتب فيه الـ ID ..


وتكتب ID الشخص اللي تبيه .. اذا كان غلط بتطلع لك رساله ان الـ ID اللي كتبته مش موجود معانا ..
انا كتبت الـ ID مالي اللي استعمله .. .. DBOS_QTR


وبتطلع عنده هالرساله .. << اذا واحد ارسل لك اضافه بيجيك نفس الشي ..



وخلااص .. مبروك عليك الـ ID والحين تقدر تدش النت بأي لعبه وتكسر راس اللي تبي .. وتقدر تدش الستور وتنزل العاب وديمو وصور وكل شي ..

ان شاء الله ان الشرح كان واضح وخفيف عليكم .. والرجاء حفظ حقوق الشرح عند النقل .. لأني تعبت عليه من قلب
الشرح من المهندس اخوكم .. QTRi
منقول للفائدة

[رصاصة الرحمة]

ابدعت يا اخوي قطري بصراحة اعجز عن شكرك للشرح الجميل


لك مني جزيل الشكر

[UAE1VTC]

إنت أكيد محطي أمريكي إرجع وحط الإمارات أو المكان إلأصلن إلي إنت ساكن فيه بس!!!!!!
ملحوظة مهمة:لو إنت عندك ربع مواطنين و مسوين أكاونت عربي وإنت لا بالتبهدل طوووووول حياتك لأنه في معظم إلألعاب مسويلهاregion lock يعني ما تقدر تلعب إلا معا إل أمريكيين وكنديين في معظم الأحوال إذا سويت أكاونت أمريكي
فسو أكاونت مال ألإمارات أحسن