ارجع ولا ما ارجع
السلام عليكم ورحمه الله وبركاته ..
هلا شباب مهندسين ومصممين وانماتور ومعماريين ومدليين وكل شي في التصميم
والله مشتاق للتصميم وكله من الانشائات الجديدة في المدينه .
كل ما اركب موتري (موديل 94_ GT Accord) واتحوط في الفريج , اشوف لوحات البنايات مرسوم عليها البيت ومكتوب مكتب الفلاني للأستشارات الهندسية .. (اكيد معها شوية حركات بفر الحصا على اللوحات .. شباب وشو نسوي ) وهذا كله في فريج نيويورك .. عصابات بعد والله يخلي الصباقين , كل يوم على نفس الايدار .
هذيك الساعة العن الساعة اللي تركت فيها الماكس .
افكر الحين ارجع له بس مب ملاقي وقتي .. لاني ابحث عن ثقرة لمستقبلي بعد ان فقدت الامل بستكمال دراستي كمعماري ..
المهم الان انا قدمت في طيران الامارات .. وإن شاء الله يقبلوني وياهم .
يعني التصميم كهواية بس مب شغل حياة والحين بعد هذا الوقت الطويل , لم انسى الكثير في التصميم , وسأبدأ من الانميشن . ثم سأنتقل للمعمارية والتصميم الكلي ..
والفيرتول وما احلاه نسيته كله
عدوي الاول والاخير هو الوقت ... ما في وقت ابد موول
من الساعة 8 لين 4.30 العصر رقاد ومنها لين 8 اليوم الثاني هياته ونترزق يمكن الله يفتح (اللي ساكن في البلاد بيفهم 100% )
يعني اماراتي خيماوي واللي مب عايبنه ينتحر ويكتب على جبرة منقهر .
اترياكم في مهرجان عوافي ..
حياكم الله .. منو بيرد اول رد ..
اكيد .......
