السلام عليكم ورحمة الله وبركاته
Infinite Undiscovery
المطور :- Tri-Ace
الناشر :- Square Enix
النوع :- RPG
تاريخ الاصدار :- 2 سبتمبر 2008
التصنيف العمري :-
حصرية على الاكس بوكس 360
\/\/\/\/\/\/\/\/\/\/\/\/\/\/\/\/\/\/\/\/\/\/\/\/
||- القصة -||
تبدأ بوجودك في السجن المركزي .. توه ماكل عدس،، ثم تتسلل فتاة مجهولة تحاول تحريره ... وما ان حررته .. كانت تقول له اجل يا اميرنا وياسعادة السمو ... وهو مستغربا .. ويقول " اقول ترى انتي غلطانه بالرقم .. انه وين والامير ويين ؟؟ شايفه شكلي انتي ؟ "
طبعا البنت لم تصدق انه يقول هذا الكلام .. ولكن من طريقة كلامه وخوفه من القتال .. بدأت تصدق انه بالفعل انه ليس الشخص الذي ضنت انه هو .. ولكن بعد فوات الاوان ... فالحراس والقوات الخاصة .. ودوريات النجدة كلهم لاحقينهم .. وماراح يهدونهم ،،، فكان حلهم الوحيد هو الهرب سويا !!
والان عليك ان تكتشف لماذا انت كنت محتجز يعني مسجون وشحقه البنت طلعتك من السجن ...
تقييم القصة || 8 ||
\/\/\/\/\/\/\/\/\/\/\/\/\/\/\/\/\/\/\/\/
||- الجرافيكس -||
الجرافيكس ليس بهذا القوة ولكنه حليوو ... زوين ... وكان بالامكان انه يكون افضل من هيك .. بس لانه اللعبة مكونه من 2CD .. فراح نتقبل الجرافيكس ... !!
والمؤثرات البصرية حلوة .. بعد .. !!
تقييم الجرافيكس || 7,5 ||
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
||- الاصوات -||
راائع ... والله عجبني شخصيا .. من اصوات الممثلين .. الى اصوات المؤثرات السمعية .. الى اصوات الاعداء والحيوانات !
والموسيقى حلوة بعد .... هادئة تقريبا ... !!!
وومادري شقول بعد ...
تقييم الاصوات || 7,5 ||
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
||- الغيم بلاي -||
وصلنا الى النقطة راح تحدد مدى قوة اللعبة ....
بالنسبة للغيم بلاي .. فشخصيا اعجبني كثيرا ... ماتوقعت انه بيطلع جذي .. !!
بالنسبة .. لنظام القتال فهو حر بالكامل .. وليس كمثل باقي الار بي جييينز ... يعني العدو تشوفه جدام .. عندك خيارين :-
الخيارة الاولى :- انك تنحاش منه وتوخر عنه ... حطه D .. وشفط على وييه
الخيارة الثانية :- انك تواجه .. وتسحب سيفك .. وتقول جاكم عنتر بن شداد .. وياويلك ياللي تعادينا ياويلك ... !!!
وكل هذا ماراح ينقلك الى اي مكان ثاني بل بنفس المكان اللي انت فيه !!
وفيه اشياء حلوة بعد بالغيم بلاي .. مثل تقدر تطبخ .. عيش ودقوس ولحم جذي ولا ربيان
بس فيه عيب وااحد ....
وهو انك اذا ضغطت زر علشان تغير اسلحتك وهالاشياء هذي .. راح يكون الغيم بلاي شغاال .. يعني اذا جنبك اعداء فراح يطقونك ويمنعونك من انك تسوي شي ... وهالشي بالنسبة لي اعتبره وااقعي وتحدي!!
تقييم الغيم بلاي || 8 ||
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
||- النهاية -||
بالنهاية اقدر اقول انه اللعبة ككل اعجبتني .. واعجبتني القصة .. والجرافيكس والغيم بلاي .. والموسيقى ،، اللعبة فعلا تستحق الشراء !
صج انه اللعبة طالعة من قبل بس انه توني شريتها احم احم .. عيش ولحم !!
||| التقييم النهائي |||
{ 8 من 10 }
\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/\/
هذا استعراضي ومراجعتي للعبة وتقدرون تقولون انه مراجعة بسيطة ... واضفت اشياء بالمراجعة للضحك ..
.
