السلام عليكم ورحمة الله وبركاته
اول شي عندي ملاحظه ان القسم خامل مره ,, غير كذا حنا المبتدئين نتعبكم بالاسئله ولا فيه تجاوب
علشان كذا حبيت اغير الوضع واحاول اعطي شي مفيد .. شي قرأته وبحثت عنه وحبيت اني اطرحه لكم
هي معلومات بسيطه لكن تهم للي يجهلها او اللي مايحيط فيها بشكل تام
بسم الله نبدأ
القياسات ..
طبعا في كل شي بالحياه له قياسات السوائل الجمادات القياسات الاطوال ... الخ
في مجال الصحه والاطعمه والطبخ والرياضه نهتم بقياسات معينه من المذكوره اعلاه
وتكمن اهمية القياسات يعني في معرفة كم وزن اللي أكلته انت ؟؟ مثلا وكم شربت وهكذا
لان اللي يتبع الحميه او لاعب الحديد يهتم في هالقياسات لان الزياده في الشيء مشكله
ايضا النقص في الشيء مشكله ثانيه .. والرسول صلى الله عليه وسلم يقول لا افراط ولا تفريط
من هذا المنطلق نتعرف على بعض القياسات الي تهمنا في مجالنا ..
الجرام
الكثير سمع منكم هالمقوله ( على الانسان العادي ان ياكل مايماثل وزنه بالجرام من البروتين .. بمعنى ادق يعني انت وزنك 80 كيلوجرام .. يلزمك 80 جرام من البروتين يوميا ) وشلون تحسبها هذي مثلا ؟
طيب الجرام هو بمعنى علمي قياس لكتلة ما .. يعني اذا تبي تقيس وزنك هذا بالجرام او الكيلوجرام (نفس المقياس لكن الكيلو يستخدم للاوزان الثقيله نطلق الكيلوعلى الاوزان التي هي اكبر من 1000 جرام )
اذا تبي تقيس وزن دجاجه , وزن لحم التونه , ,,, الخ
شلون نقيس الاشياء بالجرام .. ؟
انا كنت اسمع اللي يقول كل 300 جرام من الدجاج فيه القيمه الفلانيه من البروتين واللي يقول كل 200 جرام من التونه فيها الشيء الفلاني من الدهون والبروتين وهكذا
طيب انا وش دراني كم اكلت من جرام؟
الجواب عندي ,,, ياصديقي لازم تكون عندك ( معرفه ) المعرفه انك تصير ملقوف شوي يعني تدخل المطبخ او تروح تشتري الاكل بنفسك وتناظر وتدقق بمعلومات المنتج
مثلا شريت علبة تونه تلقى مكتوب عليها وزنها بالجرام وخلنا نقول مثلا 100جرام .. تروح تشتري صدور دجاج من السوبر ماركت تلقى مكتوب السعر وعدد القطع ووزن كل قطعه بالجرام او وزن القطع كامله ( غالبا يكتبون الوزن وهكذا )
مثال
وزنها 95 جرام ( بتقول انا ابي اكل 200 جرام من التونه .. بكل بساطه افتح علبتين من التونه وكلهالان 95 جرام + 95 جرام = 190 تقريبا 200 )
الطريقه الثانيه علشان توزن الاكل
هي الميزان
الحل انك تشتري لك ميزان صغنون منزلي وتحطه بمطبخك ( لاتشتري ميزان يوزن الناس لا ميزان اطعمه
زي هذاا
يعني جا في بالك تطبخ لك لحم غنم وبتشوف كم تحتاج توزن اللحم قبل ماتطبخه وبكذا تعرف وش انت اكلت ..
خلنا ناخذ الحين مثال حسابي يوضح العمليه ( طبعا مثالنا على التونه .. مسكينه التونه)
هذا هو محتويات التونه
علبة واحده (one can) ,, الوزن = 175 جرام
عدد السعرات الحراريه = 220 كيلو كالوري
الدهون = 5 جرام
البروتين = 41 جرام
يعني انت اذا اكلت علبه وحده كامله تراك اخذت 41 جرام بروتين
اذا تهورت وحسيت انك جوعان واكلت علبه ثانيه يعني مجموع اللي اكلته ( 175 + 175 = 350 جرام )
وكسبت 82 بروتين ( 41 + 41 ) .. ياساااتر
هني وعافيه
اللتر .. الملي لتر ..
هي وحده نقيس فيها السوائل الثقيل والخفيف منها ..
السوائل سهلة القياس الا في بعض المسائل الدقيقه ..
معايير متعارف عليها ..
كأس أو كوب .. دايم تسمع اشرب ثمان اكواب اكواب من الماء يوميا ,,, مثلا نصف كوب حليب وهكذا
الكوب الواحد ياطويلين العمر يساوي = 240 ملي لتر ..
الملعقه
الملعقه تساوي = 15 ملي لتر ..
بحسبه بسيطه .. الكوب الواحد = 16 ملعقه ( جرب تعبي كأس مويه بملعقه وشف كم يطلع معك
ولناخذ مثال يمر علينا كل يوم
مثلا انت رحت للماركت وشريت حليب قليل الدسم عبوه ( 2 لتر ) في جدول المحتويات لغالب المنتجات يجي بها الشكل
يعني انت شريت 2 لتر وهو معطيك معلومات لكل 200 ملي لتر ,, ما اعطاك المعلومات لكل الـ 2 لتر
طبعا انتم عارفين ان 2 لتر = 2 × 1000 = 2000 ملي لتر
السؤال هو مثلا ابي اعرف كمية البروتين في الكوب الواحد من خلال هالجدول .. كيف ؟
اوكي صح قلنا ان الكوب يساوي 240 ملي ؟
طيب 40 ملي كيف نعرف كمية البروتين اللي فيها ؟
بعمليه حسابيه بسيطه الـ 40 ملي بالنسبه لـ 200 ملي تمثل 20 %
يعني اجمالي البروتين بالكوب = 10 جرام + (0.2 × 10ج بروتين) = 12 جرام بروتين بالكوب الواحد
...
معلومات تهمك
1 كوب = 16 ملعقه = 240 ملي لتر
1 باوند = 454 جرام
مواقع للتحويل بين الوحدات يفيدك
http://asiarecipe.com/convert.html
http://www.convert-me.com/en/convert/weight2volume
في موضوعي القادم راح اتكلم عن السعرات الحراريه باذن الله ..
هذا مالدي واي سؤال انا حاضر .. واسف اذا كان فيه اخطاء ..
تقبلو تحياتي .. دمتم بود
.......
