هل Nds تشغل العاب منسوخة ؟؟؟

[abd640]

السلام عليكم

شباااب عندي سؤال.... هل nds في لها تطويرة علشان تشغل الالعاب الكوب مثل الpsp ؟؟ لاني اشوف لها العاب على النت....
وشنو احتاج علشان اطورها؟؟؟ وهل بعدين تشغل كل الالعاب؟؟؟ ياليت لو توظحون لي الطريقة والتفاصيل عن هالشيء....
وجم حجم الميموري متوفر حقها؟؟ وكم سعر التطويره(اذا في)....
ويعطيكم العافية

[Kingdom Fantasy]

وعليكم السلام ..

فيه قطعه اسمها الـR4 وفيه بعد الM3 وفي TTDS .. وافضلها طبعاً الار فور ..رغم الاختلاف البسيط بينها وبين اخوتها.

تشتريها ب 250 ريال تقريباً أو 300 ريال .. تلقاها في المحلات ..
وهي الي تحمل عليها الألعاب وتشغلها .. وكل الألعاب تشتغل .. لأن فيه موقع للقطعه ينزل تطويرات كل فترة أنت تحملها وتحدث القطعه وحجمها مايتعدى ال6 ميجا ..

واتمنى اني أفدتك .

[abd640]

يعطيك العافية

الحين تقريبا اوضحت الصورة نوعا ما... عندي جم سؤال اخير...

الي فهمته من كلامك ان R4 اهيا ميموري فيها برنامج ونركب الالعاب عليها عدل؟؟

انزين جم حجم هالميموري؟؟ واقدر ازيدها ؟؟؟ وتقريبا جم لعبة تشيل وجم حجم الالعاب؟؟ وهل في احجام لل R4 ؟؟ وياليت تعطيني موقع يوضح اكثر ويفيدني بطريقة تنزيل الالعاب...

وجزاك الله خير

[Kingdom Fantasy]

أهلاً ...^^

حجم الميموري 1 جيجا .. وتقدر تشتري 2 جيجا .. وفيه أكبر بس ماراح تشتغل عدل -_-"..لأن الأر فور ماتستحمل.

الار فور هي قطعة زي شريط الدي اس وبداخلها الميموري .. micro sd وهي الي تحط فيها الألعاب ..
وفيه أحجام .. 1 جيجا وفيه 2 وأكثر بس أكثر مايصلح .

حجم ألعاب الدي اس والله ماأقدر احدد لك .. لكن فيه ألعاب 5 ميجا .. وفيه 40 .. وفيه 100 .. وفيه 120 ..
ونادراً يكون فيه 200 .. صعب جداً يكون 200 .. لحد الحين ماوصلوا.

اتمنى افدتك .. + إذا تبغى ألعاب أنصحك فيها فما فيه أي مشكله .. : ) .

[abd640]

الصراحة
ماقصرت اخوي
كفيييت ووفييييت.....
سؤالي الاخير، مجرد ما اشتري ال R4 والميموري. على طول الالعاب بس انقلهم وكل شيء يكون عادي؟؟
يعني قصدي ماتحتاج تطويره؟؟يعني بس اركب الشريط( R4) وبداخله الميموري. والالعاب مجرد نقل عادي ، وتشتغل بعدين ؟؟
وجزاك الله خير، وسامحني ازعجتك معاي

وشنو الالعاب الي تنصحني فيها

[Kingdom Fantasy]

اي نعم أخوي مجرد ماتشتريها تجي معاها الميموري .. وفيها بالعاده ألعاب .. وفيها تطويرة ..
وتنقل الألعاب وكل شئ يكون عادي .. ولما تشتريها ان شاء الله .. وعندك استفسار أنا حاظر.

الألعاب القوية جداً ..

زيلدا فانتوم اورجلاس.
فاينل فانتسي 4.
ماريو سوبر بروس.
ماريو كارت.

وفيه ألعاب واجد بعدين ان شاء الله ^^"..

الله يوفقك.

[The Last Lombax]

الأرفور يدعم الميموريات حتى 2 جيجا

اما التي تي فتدعم الميموريات حتى 4 تيرابايت!

[abd640]

والله يعطيكم الف عافية...
شريت الميموري وشغالة معاي زي الحلاوة.... ما ادري شقولكم...
كل الي اقدر اقوله جزاكم الله الف خير، وهذي هقوتي فيكم يا اعضاء المنتدى...

ماقصرتوا