السلام عليكم و رحمة الله و بركاته و بعد^_^
في يوم الجمعة اللي بعد العيد, قمنا بالتجمع أنا و بعض أعضاء منتدى الأنيمي في مول الامارات في دبي. طبعا اتوقعت أنه أحدهم بيفتح الموضوع بس الكسل و شو يسوي.
المهم, اللي حضروا اللقاء هم:
انا dio-sama, الاخ ahmedkb, صديقي العزيز black-berserker
عبدالعزيز1, marche و اخيرا عضو نادرا ما يشارك اسمه tokikage
بقولكم مواصفات هالأعضاء في الواقع و كيف كنت متخيل أشكالهم قبل ما اجوفهم^_^.
نبدأ بالبابا و الأخ الكبير مراقبنا العزيز ahmedkb
اخ احمد شخصيته بالمنتدى هادية جدا, محترم لأبعد الحدود, رسمي في التعامل و دائما يستخدم العربي الفصيح.
اتوقعته يكون شخص حازم أو عليه نظرة غاضبة.
بس شخصيته الحقيقية كيف تتوقعون كانت^_^؟
كانت عكس ذلك تماما^_^.
شخص بشوش جدا و طيييييييييييييييييييييييييييب أكثر مما تتصورون. سمح الملامح و . . .قمة اللطف في التعامل.
يعني لازم انسميه من اليوم و رايح "بابا" أحمد!!
بلاك-بيرسيركر
طبعا معروف أخينا اهنيه, رسمية و احيانا مشاكسة من تحت لتحت.
شخصيته في الواقع :
واحد لسانة متبري منه, كثيييييييييييييييييييييييييييير الكلام, ينكت وايد, دب, قصير, حيوي.
Marche
لا تغركم سوالفه في المنتدى, اللي يجوفه اهنيه يقول خلاص, هذا هو الشخص الجريء و المتحدث , لكن الواقع عكس جيه تماما!!
شخص ساااااااااااااااااااااااااااااااااااااااااااااااااااااااااااااااااااااااااكت, و بعد محاولات كثيرة و بالدز يالله يالله يقول كلمتين على بعضهم, و يتأتأ بالكلام (اعتقد
). (طبعا في بهارات من عندي
).
نأتي الى معجزة القرن, عبدالعزيز1
من ردوده الفلسفية بالمنتدى تقولون هذا البني آدم بالع راديو و حيوي و نشيط. لكن الحقيقة العكس 180 درجة.
اول ما اتجوفونه راح اييكم النعاس و النوم-_-. شخص باااااااارد و كسول كل ساعة يتكلم كلمة وحدة و بعد تفكيييييييييييييير عميق. اللي يجوفه ما يقول هذا عبدالعزيز مال المنتدى.
اخيرا: tokikage
من الصورة الرمزية تتوقعون انه شخص مشاغب نفس TNT اللي يذكره بالخير, لكنه "حمل" وديع قليل الكلام.
Dio-sama و اللي هو أنا
انا نفس ما انا, شخصيتي اهنيه هي نفسها اهناك^_^. خلوا اللي فوقي يقولون لكم "كيف أبدو"!!
===========================
في البداية اتلاقينا أمام السينما و قعدنا بكافيه.
انا , عزوز, بلاكي-ساما.
بعدين أتى "بابا" أحمد و جفناه و قعد يسولف ويانا و تحدثنا بختلف الامور الانماوية و المنتداوية.
بعدين, أتى مارشي و توكي كاجي و ساد جو من الهدوووووووووووووووووء و الصمت. طبعا محد كان يكسر هالصمت سوى بلاك-بيرسيركر.
بعدين خلونا نتغدى بمطعم مال همبرجر اسمه جوني روكيت (بالأحرى مارشي فرض علينا حكمه المستبد و غصبنا ناكل اهناك) طبعا انصعنا لطلبهم و كلنا اهناك. (بس الأكل كان حلو), و دفع عنا الحساب على اساس انه نحن ظيوف يينا عندهم. (اتحصولنه من داخل يقول ليش وهقت نفسي مع هالدببة, فقروني-_-).
بعدين . . .نسيت شو سوينا بعدين, اعتقد قعدنا انحاوط الين ما ويديتهم أنا كافيه (و افتشلت فيهم) لانه عادة يكون فاظي و كله عوايل بس هالمرة كان حشرة و ازعاج و دخان.
سولفنا بمختلف الأمور و . . . .بس!!
اللمة كانت لمدة اربع ساعات و نص تقريبا و استانسنا فيها^_^, بس ما كان عندي لا صوت و لا صورة-_-.
و اتعرفنا على اشخاص فنانين و كسولين.
و خلاص!! خلص التقرير( او موجز أو whatever)>
أنتظر ردود الأعضاء اللي التقينا معاهم و . . .دمتم في حفظ الخالق^_^
انجوفكم على خير, مع السلامة
رد مع اقتباس
وممتعة
رد: تقرير سريع عن لقاء بيني و بين بعض أعضاء منتدى الأنيمي^_^
.. ممكن قليل غير ملحوظ.. وممكن عالي وملحوظ بشدة..
>> مو دوبك معتذر..
