مواقف عالماشي .....
مرحبا فيكون وفي موضوعي الجديد جدا والحصري لمنتدى المنتدى <=== من زينه
موضوعي اليوم حبيت أكتب فيه بعض المواقف اللي صارت معاي خلال مسيرتي البراتية وخصوصا بعد ما تركت أهلي وانتقلت الى الاردن للدراسة
وانا رح احاول في الايام القادمة انه يكون سلسلة مواضيع مواقف على الماشي كل ما جمعت لي مواقف جيدة
دجاج سبايسي لكن مو حار
مرة كنت جالسا أشاهد التلفاز مع ابن عمي ( زميلي في السكن ) وكنا نعاني من حالة جوع شديد ... فقررنا الذهاب الى أحد المطاعم لشراء الطعام
فوقع الاختيار على مطعم (( الله يرحمه )) <=== لأنه أغلق من فترة
اسم المطعم Chiken Pop
وصلنا الى المطعم وكان اللي على الكاشير تظهر منه ابتسامة مشرقة وقال : تفضلوا شباب ايش طلبكم
قلت له الله يعطيك العافية عمي هات اشوف ال menu
فقررنا نطلب وجبتين فرايد شيكن
قلنا له عطينا وجبتين سفري الله يسلمك
قال لنا من عيوني حبايبي ... اي طلب آخر ؟؟
ابن عمي قال له ايه لو سمحت انا اريد الدجاج سبايسي ( حار يعني ) ( يحرق يعني )
هنا انا شعرت ان الابتسامة المشرقة بدأت تخفت .. فقلنا له اذا مافيه مو مشكلة
قال لا فيه عندنا سبايسي ... لكن مش حار يا معلم
انا تفرجت على ابن عمي دقيقة افكر باللي قاله
قلت له اوكي فيه سبايسي وفهمناها لكن مش حار !!!!!!
قال ايوه ... يعني مثلا انتا تحب السبايسي يكون حار .... لكن فيه ناس يجي يحب يطلب سبايسي لكن ما يكون حار
قال له ابن عمي سبايسي لكن ما يحرق يعني ؟؟؟
يطلبوه يحرق لكن ما يحرق مثلا !!!!!!!!!!!!
قال يعني هذي طلبات الزباين ... ونحن ... يعني تعرف هذا اللي موجود !!!
شعرنا انه ما عرف يكمل الموضوع قلنا له خلاص هات عادي ...
تعليقي : يا اخوان اذا تحب الدجاج ما يحرق مافي داعي توري الناس انك تطلب سبايسي وتخلي المطعم يغير معنى الدجاج الحار كاملا علشان يلبي طلبك
الصلاة خير من اللهو والتجارة
مرة يا اخوان أيام ما كنت في الامارات كانت بطولة أمم آسيا شغالة أيام ما كانت في الصين في صيف 2004 ... وانا معروف في تلك الأيام كنت مهووس بكرة القدم
فكنت اتابع المباريات اولا بأول ...
ففي يومن من الأيام
راحت علي مباراة الاردن واليابان .. وكنت نايم يومها واستيقظت ويقولوا الحكم والحكم غشاش والخسارة بسبب الحكم
وكان فيه مباراة شغالة والمعلق يقول هالكلام
فانتظرت لغاية ما تنتهي المباراة .. واشوف ليش الحكم في مباراة الاردن واليابان غشاش
وانتظرت وانتظرت وانتظرت وخلصت المباراة
وأول ما خلصت .. أذن المغرب ...
وطبعا انا لما سمعته قلت لاااا ليس الآن
وبدأ الاستديو التحليلي وهنا اريد ان اسمع مازا حصل
خلص أذان وأقام الصلاة وامي تقول لي وله ... انتا بعدك مارحت .. رح يخلصوا صلاة روح صلي مالت عليك انتا ومبارياتك
وانا اقولها يا يما الحين انزل بس اشوف هالخبر هذا
طبعا محللي الجزيرة ما قصروا وقعدوا ساعة وهم يتفلسوا لغاية ما نطق الجوهرة وعرفنا ليش غشاش
قال الحكم قرر تغيير المرمى لأنه المرمى لا يصلح لضربات الترجيح<=== ايش يعني المرمى الثاني مسحور ... صار الحكم غشاش خخخخخخخخخ
المهم عرفت السالفة ونزلت اصلي المغرب ... ولما وصلت ...
الجماعة مروحين البيت والمسجد شبه فاضي
فقلت يلا بصلي لوحدي وش اسوي
صليت وخلصت صلاة
في هذا اليوم بالذات وما ادري ليش ...... قررت أغير طريقي للعودة الى المنزل
ولما غيرته ومشيت قليلا وطااااااااااااااااااااااخ
لا حد يضحك علي
v
v
v
v
v
v
v
v
v
v
v
v
v
وقعت في المجاري حقيقتن ... والحمدلله اني بسرعة مسكت بالأرض ولا كان نزلت الى القاع وهات اللي يطلعني
سوحقن الموقف محرج خصوصا انه الناس طالعة من المسجد ولسه فيه شوية زحمة جنب المسجد ><
والريحة .... الله على الروائح العطرة اللي كانت طالعة
رحت البيت طبعا وأصبت بجرح في كل قدم
تعليقي : يعني يوم يرسلوا لكم ايميل ويقول لك بنت تحولت الى عفريت لأنها تركت الصلاة لا تقولوا كذب
على الأقل صلي بلا ما تنزل شاحنة نضح المرة الجاية <===== وععععععععععععععع
اصحى يا نايم ....
في أحد ايام الصيف المشرقة .. والهواء العليل .. والنسيم الجميل ...
كنت جالس على الكمبيوتر وانا شبه نايم وكان هذا في الفترة العصر
وفجأة !!
رن جرس الباب
فتكاسلت اقوم .. وانا اقول يمكن واحد من الجيران .. او يمكن صاحب البيت يبي شي
قلت خلني اقوم
وفتحت الباب واذا به واحد من اللي اعرفهم في الجامعة (( من دفعتي ))
وبصراحة انا من الناس اللي ما احب الزيارات المفاجئة ... يعني احب الواحد يتصل تلفون اذا يبي يجي عندي
يمكن اكون مشغول او نعسان او نايم ...... او ماني فايق اشوف احد اصلا
فصرت اقول في نفسي ... ( يا ربي وش جابه هذا الحين .. اريد ان انام )
فدخل عندي وانا كنت شبه نايم واقول له ايه صح كلامك كله صح .. وهو يكلمني وانا والله ماني فاهم شي
المهم لما جا يقوم .. قلت له بس ابي اقول لك شي
انا بصراحة ما احب احد يجي عندي بدون ما يدق لي تلفون ويقول انا جاي
علشان تدري مرات اكون مشغول .. او تعبان او نايم ... ولا هو عادي يعني لكن انا ما احب هالمفاجآت
وقال لي اوكي خلاص
وراح الرجل وفي يومن من الأيام ...
كنت نايم في العسل وطبعا سهران للصبح يومها ونمت
وفي الساعة 10 او 11 الصبح رن تلفوني مرة ورا مرة ((( انا حاطه سايلنت لكن رجاج )))
رج مخي من كثر ما رن وانا مو قادر افتح عيني .... مسكت التلفون وشفت مين المتصل وطلع نفس الأخ اللي جا عندي في يومن من الأيام
قلت خلاص الحين ما ارد عليه وينتهي الموضوع اريد النوووووووووووووم
يروالرجل مصر ن ووصل تقريبا 10 او 12 تلفون منه
انا قلت يا رب ما يكون فيه مشكلة
وبعد 10 دقايق يرن التلفون كمان مرة ولكن الآن مصاحب برن على جرس الباب + دق على الباب نفسه
وبعد شوي سمعت صوته يقول مهديييييييييي ........ مهدييييييييييييييييييييييييييييييي
ويدق على التلفون وعلى الجرس وعلى الباب <<<<<<<< انتوا متخيلين الوضع كيف !!! ...تكون نايم ويدق البيت كله
انا والله فزعت وقلت يا لطيف الطف يارب
والولد يرن على الجرس بضمير .. يعني رنة ورا رنة وخبط على الباب مستمر
ان شاء الله ما يكون فيه مشكلة لأنه مو ناقصني انا
فتحت الباب ولا يقول لي الشب : نايم ياخي ؟؟؟؟
اقول له والله سهرت للصبح خير شصاير ؟؟
ولا يقول لي توقعت تكون نايم علشان هيك ناديتك
قلت مو مشكلة بس ايش فيه ؟؟
قال : لا انتا قلت لي ارن عليك اذا بدي آجي عندك
وانا رنيت وانتا ما رديت فقلت اجي ارن هنا
قلت له ×××××× <===== تم تشفير الكلام لأسباب أخلاقية
تعليقي : يوم واحد يقول لك رن علي قبل لا تجي ... افهم انه رن واذا ما رديت لا تروح تكمل عنده في البيت
هذي بعض مافي راسي الحين من مواقف خفيفة وعلى الماشي
وفيه موقف محرج صار معاي مرة وكتبته لكن ما حطيته في الموضوع
قلت يكفي موقف محرج واحد ><
ان شاء الله بحطه بموضوعن آخر في الأيام القادمة
نشكر حسن اصغائكم
وإلى اللقاء
الصووورة تذبح 
.. فرحتني 
المشاركة الأصلية كتبت بواسطة AEA King
