طلب مساعده فى ال 3Dgstudio

[hgadln]

السلام عليكم ورحمة الله وبركاته
اخوانى لقد قرأت الدروس الخاصه بمحرك الالعاب
3Dgstudio
للاخ ديموا العبقرى وغيره من الاعضاء الممتازين وقد اعجبت بهذا المحرك وبامكانياته
واتمنى ان اتعلمه
وقمت بتنزيل النسخه A7 ولكن عندما ادخل لاكتب اسكريبت تظهر لى هذه الرساله :

Main Script not found - check preferencea

وللعلم انا لسه بتعلم لغة lite-c ولكن انا تقدروا تقولوا متوسط المستوى فى لغة ++C
فارجوا ممن لديه الاجابه ان يرد عليا وله جزيل الشكر مقدما وللجميج ايضا
سلااااااااااااااااام

[sparta22]

موضوع مخالف عشان فية مواضيع نثبتة الرجاء قرائة القوانين

[Kamuri-San]

أنا مش مشرف صحيح
لكني بامانة زهقت
اعذرني لكنك مشترك
و اول مشاركة لك مخالفة
يا ريت من الاخر يا اخواني من يسجل
ما يضع مشاركة واحدة يتيمة الا عندما يقرأ القوانين
(حفاظا على كرامتك)
و القوانين مو بعيدة انها في المواضيع المثبتة

في امان الله

مغلق

[hgadln]

موضوع مخالف عشان فية مواضيع نثبتة الرجاء قرائة القوانين

اخى المحترم جدا جدا
شكرا لردك عليا بس الصراحة انا والله بحث فى المواضيع المثبته ولم اجد اية اجابه لسؤالى
وعلشان كده وضعت طلب المساعده
ولكن حاولت شويه وجربت لحد معرفت اتجاوز هذه المشكله والحمد لله

لكن اظن ان موضوعى مش مخالف لانى قرأت القوانين ومش شايف اي بند فيها يجعلنى مخالف ولو انا مخدش بالى فياريت توضح لى خطئ من القوانين المثبته
وشكرا

[hgadln]

أنا مش مشرف صحيح

لكني بامانة زهقت
اعذرني لكنك مشترك
و اول مشاركة لك مخالفة
يا ريت من الاخر يا اخواني من يسجل
ما يضع مشاركة واحدة يتيمة الا عندما يقرأ القوانين
(حفاظا على كرامتك)
و القوانين مو بعيدة انها في المواضيع المثبتة

في امان الله

مغلق

بسم الله الرحمن الرحيم
لا الله الا الله محمد رسول الله

والله العظيم انت مديقنى بردك ده وكنت عاوز اتجهله بس هرد برد

انا عارف وانا بكتب الرد على مشاركتك دى انها ممكن تكون اخر مشاركه لى فى المنتدى لانه من المحتمل بل والمؤكد انى هتوقف لا محاله بس هرد برده ومحتاج ردك

واتمنى الا يغلق الموضوع الا بعد مناقشتك لردى والرد عليه برد مقنع

اخى او اختى لانى مش عارف انا بكلم مين صراحتا ....
فانا هفترض انى بكلم راجل

انت بتقول " انك مش مشرف "
الحمد لله كويس انك مش مشرف بس برده وانا مالى
انا وجهة سؤال واللى يقدر يساعدنى مشكور لانه قدم لى خدمه واللى مش عارف اجابه لسؤالى برده مشكور لانه ما افتاش فيما لا يعرف

انت بتقول " لكنى بامانه زهقت "
ههههههههههه
برده انا مليش دعوه
واظن انك زهقان من قبل مشاركتى التى اراها غير مخالفه
وهقولك ليه فى هذا الرد

انت بتقول " اعزرنى لكنك مشترك "
فعلا انا مشترك جديد بس اظن انه من حق اى مشترك جديد انه يطلب مساعده
صح ولا مش من حقه

انت بتقول " واول مشاركه لك مخالفه "
ههههههههههه
ممكن اكون مخدش بالى وانا بقراء قوانين هذا القسم
بس ممكن تقولى مخالفتى من القوانين الموضوعه لهذا القسم
وعلى فكره المواضيع الممنوعه هى :
1- المواضيع المنقولة --- موضوعى غيرمنقول على ما اظن
2- المواضيع المكررة --- موضوعى غير مكرر لانى بحثت عن اجابه وملقتش علشان كده كتبته
3- مواضيع الصور --- الموضوع لا يحتوى على صور ولا ايه ؟؟؟
4- المواضيع الموجهة لعضو معين --- موضوعى غير موجه لعضو معين ده موجه للجميع وبعدين انا فى الاول وجهة شكر لناس محترمين واصحاب خلق ولهم فضل بعد الله على المنتدى كله وانا فعلا استفد منهم فكان لازم اشكرهم وده اقل واجب
5- المواضيع الخارجة عن إطار المنتدى --- الموضوع غير خارج عن اطار المنتدى بل بينصب فى الاساس الذى انشا له المنتدى وهتبقى معلومه تفيد الجميع اقصد المبتدئين امثالى ياحضرت العالم
6- مواضيع الترجمة الفورية --- ههههه برده مطلبتش من حد ترجمه ولا موضوعى له صله بالترجمه
7- مواضيع المقارنات --- موضوعى ليس للمقارنه اطلاقا بل طلب فقط

انت بتقول " ياريت من الاخر ياخوانى من يسجل ما يضع مشاركة واحدة يتيمة الا عندما يقرأ القوانين "
قرائت القوانين فى بداية تسجيلى بالمنتدى وقوانين هذا القسم وقرائتهم اكثر من مره بعد ردك الغريب ده
بس اظن ان فيه ناس سجلت من غير ما تقراء القوانين صح اه والله صح
وعيب كلمة مشاركه ياتيمه والمقصو منها ليست الكلمه بل الذى ورائها من استهزاء لانك متعرفش اللى قدامك ده ايه ممكن يكون اضافه للمكان ده او على الاقل يكون سبب فى معرفة شخص بمعلومه محتاج لها بعد ذلك وممكن يكون ربنا فاتح عليه بالعلم اكثر منك لكنه جديد فى هذا الموضوع واراد ان يزود نفسه بالعلم فى مجال كهذا فقط

انت بتقول " (حفاظا على كرامتك) "
ليه؟؟!!
وايه اللى عملته هان كرمتى.......
اهو مفيش حاجه نرفزتنى زى الكلمه دى وهى اللى خلتنى ارد عليك يامحترم
احافظ على كرامتى لما اطلب معرفه بشئ اجهله
احافظ على كرامتى لما اكون عاوز اعرف حاجه
احافظ على كرامتى لما تكون اول مشاركه ليا طلب
احافظ على كرامتى عند الطلب واحتفظ بجهلى بالشئ
احافظ على كرامتى لما اوجه سؤال بالمنتدى هنا
شئ غريب يا اخى انا متوسلتش لحد او قلت انا هموت نفسى لو محدش رد عليا او انتحر
او قولت لنى بطلت اكل وشرب لان محدش عاوز يرد عليا
بس الظاهر انك مبتعرفش اصول التحث او التهذب عند الكتابه

بس هقولك حاجه واحده اتعلم من رد الاخ / sparta22 لانه هيفيدك كتير ممكن يكون هو متدايق اكتر منك لكن بص لمشاركته برده واتعلم فن المحادثه فى الرفض

انت بتقول " و القوانين مو بعيدة انها في المواضيع المثبتة "
فعلا انا معاك القوانين مش بعيده ياريت تقراءها مره او اتنين وتحللى ردك العنيف ده

انت نتقول " فى امان الله "
وانا هقولك شكرا والسلام عليكم ورحمة الله وبركاته

انت بتقول " مغلق "
هههههههههه
انت نسيت انك مش مشرف وبعدين ده مش من اختصاصك

بس منتظر ردك .............

[سامي.خ]

عبيط وبيستعبط كمان، ياااه، دنت غلس أوي
مالك شخطت في الراجل كدة؟ صحيح الموضوع مش من إختصاصة لكن مش معناه انك بتهاجمه كده
مالكش حق أبداً، ديه مش مخالفة، ديه عباطة غلسه اوي

راح اغلق الموضوع، ولو بيدي راح احبسك جواة، عشان ما تعملش غلبة زي ديه

مغلق