Banjo Kazooie N & B ديمو الأن باللايف !

[FARES360]

اليوم نزل ديمو اللعبة المنتظره من rare
Banjo Kazooie Nuts and Bolts
والي راح تنزل في نوفمبر
حجم الديمو 1.3 جيجا

جاري التنزيل
12%

[عاشقOnimosha]

ها شبااااااااااااب كيف اللعبة
أنا متفائل فيها كثييييييييييييييييييييييييير

[ايوب الحسن]

Yes

اخيرا راح اجرب اللعبة ....

[FARES360]

توني جربتها .. اللعبة ما اعرف شنو اسوي فيها
والتركيب عقدني x,x .. اللعبة معقده !

[FARES360]

في البدايه ما عجبني لأنه ما فهمت شسوي !
طبعا بعد ما جربت الديمو وفهمته عدل صارت حلوه وعجبتني .. فيه مهمات معينه في كل بوابه
تيمع فيها الwiggle الي اهي قطع التركيب الذهبيه بس مادري شحقه !
تقدر تنبي المركبه من الصفر على كيف كيفك !
الأغراض لازم تدورها انت بالعالم المفتوح فيه طرق معينه لازم تستخدم فيها بانجو
مثل الأسطح ما تقدر بالسياره خو , اما قطع النغمات هذي بديلة الفلوس تيمعها
وتشتري قطع معينه او مكينه او اسلحه حق مركبتك انا شخصيا شريت مكينه يديده اسرع من الأولى
وشريت بالونات عشان اطفو فوق الماي ..وسلاح يديد عشان اطير الي جدامي لما ادعمه , الألوان للأسف ما يخلونك بالديمو
دشيت الأون لاين تمام مافيه ولا لأق ! ..صافي , دشينا وطايحين ضحك على بعض ويا الأجانب
الأون لاين يونس بس لحد الحين بس فيه طورين .. الي اهو القتال ضد بعض .. ونلحق الcrown
والي يكون داخله يأخذ نقاط اكثر وجذي .. احلى شي لما الكل يدش عالثاني يتهاوشون
عاد تشوف التصاميم .. كل واحد له تصميم معين ..الي مسوي رجل آلي والي مسوي سياره والي مسوي طياره
والي مسوي مركبه على شكل جمل x,x ! , اشكال وانواع .. انا افكر اسوي على شكل عنكبوت
ويعني صراحه من بعد لعب اليوم .. عجبتني اللعبة .. وحطيتها في قائمه الشراء بجانب جيرز 2 هالشهر
ما اعتقد راح تعجب الكل .. , انا عجبني لأنه تسترجع ذكرياتي وانا من صغري احب التركيب
بألعاب lego يا كثرها كان عندي .. بعشان جذي اتسانس عليها ..
الأغاني باللعبة حلوه ومريحه .. العالم كله الوان طبعا ما يحتاي
بالنسبه للتحكم فهو تقريبا شبيه في كراش بانديكوت السباق همم

[ايوب الحسن]

انه امس نزلته ... ودخت الصراحة ،،

[بحر الورود]

pretty sweet pretty sweet

[rare games]

للحين مو مبطل عندي متى يبطل اذوني

يبى خلاص نبي نشترك باللايف بس اول بطلولي الديمو

[FARES360]

للحين مو مبطل عندي متى يبطل اذوني

يبى خلاص نبي نشترك باللايف بس اول بطلولي الديمو

على ما تبطل لكم يا عيال السيلفر =p اللعبة وقتها تكون نازله بالسوق لول 11 نوفمبر
بعدين وناسه اللعبة في الأون لاين تضبط وتشتغل على مركبتك عشان تضمن الفوز
هممم..
GO GOLD !

[rare games]

على ما تبطل لكم يا عيال السيلفر =p اللعبة وقتها تكون نازله بالسوق لول 11 نوفمبر
بعدين وناسه اللعبة في الأون لاين تضبط وتشتغل على مركبتك عشان تضمن الفوز
هممم..
GO GOLD !

شنو يعني اذا نزلت راح اشتريها و راح اوفر تحميل ون جيجا وشوي

والله افكر اخذ غولد جديا لكن انا علاقته بالاونلاين ديمو - عروض -ثيمات -صور فقط ما العب اونلاين الا شوي سوكوم شاريها من اسبوعين وللحين ما لعبتها علما بان سوكوم ما فيها الا اونلاين ولا تستغرب ليش شاريها عشان المايك الرسمي

[ERGO PROXY]

جربت الديمواخيرا ^^
اللعبه افكارها عجيبه بس مشكلتها انها تعقد نوعا ما بس كل شي فيها عجيب الصراحه

[meshale]

ودي اجربها بسس للاسف ما عندي اشتراك

انشالله الاشتراك ياي مع جيرز2

[xbox x360]

السلام عليكم
اللعبة تسربت على مواقع التورنت ومساحتها 5 جيجا