سقطووووني.....ياويلي ويلااااااااه صادوووووني وأنا اغش !!!!!
وااااااااااااااااعع اويلااااااااه وااااااااااااااااع ياونتي ونه البعير لاباعوه في السوقيييي
حسبي الله عليهم كل ابوهم لابوهم لابو اللي جمعكم من ابلات على مشرفات على مراقبات...ياجعلكم الحصبى اللي تفقع روسكم وحده ورى الثانيه :غضب:
تهئ تهؤ تهئ صادوني وانا اطلع البرشامه من شرابي :":
عاد حرام عليهم من اول يوم صايديني؟؟؟
المشكله ماامداااااي انقل منها شي...والله ماقريت ولا شي منها
بس طلعتها وغفصتها بيدي احتري المراقبه تعطيني ظهرها...فتحتها مادريت الا المراقبه الثانيه وراي:": وانا اللي اتنافض وقلبي قمز من مكانه
لا والنصابه يوم مسكتني قالت (امممممم فلانه بنت فلان الفلاني مب غريبه عليك...راعيه سوابق)<------عقبي ياذا الوجه حافظه اسمي...
نصااااااابه اصلا اخر مره غشيت فيها يوم كنت باول ثانوي ولا صادوني...متى صرت راعيه سوابق؟؟؟؟؟؟
الزبده أشرت على ورقتي بقلم سماوي وتقول انها بتحيلني الى التحقيقعلى بال امها ترى...عسى ماشر تحقيق لايكون ذابحتن لي ادمي وانا مدري؟؟؟
وتقول اني ساقطه ساقطه لامحاله....تقولي كذا على بالها اني بترجاها وبذرف الدمع وازاعق زي الدوافير واقول ياابله تكفين
والله يوم قالته هزيت راسيت وتثاوبت وقلت (ايه يصير خير انشالله)
قلت كذا عشان احرها والا اني قلبي قاعد يجعر من داخل
وطلعت من الامتحان قاااااافله معي يعنني زعلانه اني بسقط....يقالي حتى ماكليت لاكت كات ولاشربت عصير....بعدين قلت يابنت الحلااااااااال الله واكبر ياللي اول مره تسقطين ....خلني اشد حيلي بامتحان الادب
وللاسف حتى امتحان الادب...
يوم وزعوا الاوراق....مرت خمس دقايق بس...والا انا سافطه ورقتي ومتربعه وحاطه يدي على خدي
ورفعت اصبعي (قلت ابلااااااااه متى نطلع؟؟؟؟؟؟)
قالت (امداتس تحلين؟)
قلت وانا فاقه خشتي ( لا بس مالقيت شي احله)
يعني الزبده الامتحانين هذولي مافي امل انجح فيهن ابدا ابدا البتتتته
وباقي الامتحانات الله يستر خصوصا اني مافي امل الحين ابرشم لو اييييش لانهم بيفتشوني اكيد اول ماادخل
بس انشالله تسنح لي الفرصه واقدر انقش من اللي جنبي ولو انها داجه ماتدري وين ربي حاطها...بس تهون عندي
ايييييه الله يوفقني...والله اني مسكينه....والله اني ابي انجح...ماعمري بغيت النجاح زي هالسنه
!
