??no xplode

[al3neeed]

هلا شباااب ..
بس ياريت واحد يقولي عن الاستعمال الصحيح للـ No xplode وأفضل الأوقات والكمية ..
لأني مافهمت المكتوب عليه .. انجلش ضعييف ..
وهل في أضراار ولا شي .. واستعمله قبل التمرين بكم دقيقة ؟؟

[Kuwaty]

اناا اخذت النواكسبلود ..

وطريقه استعماله قبل التمرين بـ 45 دقيقه .. تآخذ مكيالين وتحطهم بمااي 400 ملي اتوقع ..

انا بهالطريقه قاالولي استعمااله ..

اتمنى يفيدونك الاعضااء اكثر ..

[AI_BARCA]

في اول اسبوع تستخدم سكوب واحد منه في 200 ملم من الماء

وفي الاسبوع الثاني تبدأ تستخدم 2 سكوب في 400 ملم من الماء

طبعاً تخلطه ولا تخضه لانه لو خضيته راح يفور عليك وحتى مكتوب عليه دونت شيك ات يعني لا تخضه

طبعاً هذا الاستخدام في ايام التدريب وتاخذه قبل 30-45 دقيقة من التمرين

في ايام الراحة او ايام التي لا يوجد فيها تمرين تاخذ 1 سكوب في 200 ملم من الماء على معدة خالية

تحياتي

[al3neeed]

مشكوورين يااخوااان .. بس انا قريت عليه ان لازم ماتاخذه بعد اخذك للبروتين بساعة ..
وانا قبل مااتمرن بنص ساعة لازم اخذ البروتين .. !! .. يعني شو اسوي انتظر ساعتين !!
وصدق كلامك انا اول خبصت وخلطته ويا البروتين وخضيييته .. هههه .. مشكوور

[AI_BARCA]

من يقول انك ماتقدر تاخذه ويا البروتين !! ابداً مالهم دخل القصد انك تاخذ بروتين وعقبه بساعة مثلاً تاخذ النو اكسبلود يعني ما اقصد زي ما انت سويت وحتى بروحه لاتخضه فقط اخلطه بملعقة

بخصوص اخذ البروتين قبل التمرين ترى فايدته مش قوية لانك قبل التمرين تحتاج كاربوهيدرات اكثر علشان تمدك بالطاقة لذلك لازم وجبة الغداء يكون فيها كمية كبيرة من الكاربوهيدرات

لذلك لو انت تتمرن الساعة 5 مثلاً تتغدى الساعة 2 او 2.30 وتاخذ النو اكسبلود الساعة 4.15 او 4.30

لانه يفضل ان يكون على معدة خالية لكي يكون مفعولة بشكل جيد لذلك لو تغديت الساعة 2 او 2.30 واخذ النو اكسبلود قبل التمرين بـ 45 او 30 دقيقة بيعطيك مفعول افضل

البروتين افضل الاوقات لاستخدامه اول ما تصحى من النوم وبعد التمرين مباشرة وقبل النوم مباشرة لذلك هذه الثلاث اوقات افضل اوقات تاخذه فيها البروتين 3 مرات يومياً

تحياتي