أنا عندي خبرة في الخبر بحكم اني متربي ووالد فيها ..
بالنسبة لمحل التسجيلات ما اعرف واحد في الظهران بس موجود بالثقبة هالشغلات هذه
وكالة ميتسوبيشي تحصلها على هاي واي الدمام-الخبر واقرب طريق لها تروح طريق ميناء اللك عبدالعزيز لين توصل الهاي واي وبتحصلها على يمينك
محلات الجوالات بتحصلها في شارع الملك فهد بالخبر .. العشرات من المحلات ..
محلات الكمبيوتر .. في كذا وكيل لبعض الانواع من الكمبيوترات في نهاية شارع الملك فهد
محلات الزينة في شارع مشهور بالزينة بالثقبة وهو شارع مكة .. اول اشارة في الخبر وانت جاي من الجامعة روح يمين واول اشارة عديها وبتحصل المحلات على اليمين واليسار .. هالأيام اشوف محلات الزينة بدت تنتشر في محطات البنزين بكثرة
مطاعم الكبسات صراحة ما ني من هواة هالمطاعم بس في مطعم بالخبر الشمالية اسمه ماضينا مصمم بشكل تراثي ويستحق التجربة وفي مطعم ملك المندي بالثقبة وانت جاي من الجامعة بتجيك لوحة مكتوب عليها البحرين - الثقبة لف معها يمين بيجيك هاي واي وبتحصل لوحة بالجهة اليسرى مكتوب عليها ملك المندي
اماكن عزابية ؟؟ مجمع الراشد ؟ كورنيش ؟ هافمون ؟ بحرين؟
وصدقني لو تلف الشرقية كلها ما راح تحصل مدينة نفس الخبر وما اقول هالكلام لاني من الخبر بس هالكلام من خلال تجربة الناس اللي اتوا من خارج الشرقية
اتمنى اني اكون افدتك
عضو جديد
