:- احذر من سرقة الغيمرتاغ مالك -:
السلام عليكم
حبيت احط هالتنبيه للجميع ،، لانه فعلا بعد ماقريته حسيت انه فيه خطوره على غيمرتاغاتنا
هناك العديد من الذين يودون سرقه الغيمر تاغ مالك خاصة اذا كان الغيمرتاغ مغري من الغيم سكور .. وغيره ،،،
ببساطه ذكرت انه هناك 3 طرق لسرقة :-
1 - هي انه لكل ايميل لديه السؤال السري ... وعادة احنا نكتب شي عادي ... بس هذا اهو الغلط ، لانه راح يستخدم السارق هالشي لمصلحته ،، شلون بيسرقه ؟ راح يتواصل معاك ويلعب معاك كصديق ،، وبعد ماتتواصل راح يسالك بعض من الاسئله العادية مثل شنو سيارتك المفضلة ؟ وين ساكن ؟ وسيسال سؤالك السري اللي انت ناسي شنو اهو السؤال اساسا !
وبعد ما يحصل على الجواب ... راح يدخل الجواب للسؤال السري .. وبهذه الطريقة سرق ايميلك والغيمرتاغ بعد !!!
2- عادة يكونون اغلب اللاعبون موجودين بالنت مثلنا ... فيقوم هذا السارق بجمع المعلومات عنك اللي انت تكتبها العادة .. في ملفك الشخصي ، البلوغ ... والخ ، وهني ممكن يحصل على اجابة السؤال السري
3 - ان يقوم السارق بعمل عدة اتصالات متكررة وبشكل متواصل ... حتى يتيقن العاملون هناك انه صاحب الغيمرتاغ هو السارق وليس انت ،، وبهذا يساعدونه ويعطونه الغيمر تاغ مالك !!
يعني باختصار غيروا اسئلتكم السرية لانها خطيرة حييل ،، وغيروا الاجوبة السرية بشكل انه مايقدر يعرف لو شنو ،،
يعني لو انه مثلا ادخل على ايميل فارس واشوف شنو سؤاله السري ... وبعد ما اخذ الاجابه واخذت ايميله ،، اقعد اسب بخلق الله وربعه ... اضافه اخرب الغيمر تاغ ماله واسويله بااند >>>> خرعتك يا فارس مو جذي
وعلى العموم ارجوا ان تحافظوا على ايميلاتكم والغيمر تاغاتكم
وعن اذنكم ابي اروح اغير السؤال السري مالي
