هذه القصيدة للشاعر مالك الحزين قالها بحق شهداء قرية بريمة قضاء الحويجة شمال العراق هؤلاء الابطال دمرو رتل امريكي كامل اثناءتقدم قوات الغزو 2003 ومن تحالف معهم من العملاء والخونة واستمكنو عدوهم من بين عيدان القصب وبقو صامدين وطالت المعركة فلجاء العدوالى قصف وحشي بالطائرات وهذا ديدن الجبناء فاستشهدو جميعا وبقى واحد يروي القصة وعلى لسان شاعرها مالك الحزين وهو يقول:



يلي شلتوالنعش بالله ميلو بينه

ميلو بينه إنودع اهلنه

وعادت الـ يرحلْ يُودعاهله بدموعه ومن صورهم يمله عينه

ميلو بينه الشوگ هزنه لحضن امنا ذيچالحبيبه الحنينه

چلمه منها وچلمه منا حيل مشتاگين وشتاگت لحچينه

ميلوبينه لـ عند امنا وبس نوادعها ابچینه

ميلو بينا وشدعواكم ولو نظره

ولو همسه انحني بيها چفوف ادينا

ونتواهب خاف زعلانهعلينه

ميلو بينه وعــلـ مكان الـ بي ربينه

لبيت اهلنه انودع ايامهوسنينه

ميلو بينه لحي حبيبتنه الحزينه ..

بلچي بوسه زغيره منها..

بلچي لوشفناها مره رواحنا ترجع علينه

ميلو بينه وعلى بريمه هناكعدنه عتاب يمها

هناك يا يمة ارتمينا .. هناك زلها الـ ماحمانه وخان بينه

هناك صار فراگ يمه هناك ضيعنه خوينه وينه اشو ما بينلنا

.. وينه اشوما مر علينا

مودع ودرب السلامه

وبس اخاف الذيب يوگع بيد شاة ايظلرهينه

ميلو بينه وخاف يخلص هــ نهار وهذي آخر ليلة هينه

ولوله بيهاانوب ليله ماحچینه

ومابچينه وما ندهناكم يولو ميلو بينه

ميلو بينهوعــ الجسر وگفـــونه لحظه چنه هينه زغار
نلعب
عـــ الجرف يحضنهطينه

ميلو بينه وفررونا بهـ الحويجه وعــ المنازل دار دار

وگولولتراب الحويجه يون علينه

وأحچوا قصتنه لولدكم وحچو حظكم

وگولوللاجيال ماخنه وفينه

وگولوا للاجيال ما ... خنه وفينه
ملاحظة :عددهم كان ثمانية وهي التاريخ يعيد نفسه ابان معركة القادسية وهي الحرب العراقية الايرانية لكن الفرق كانوا خمسة وكانو اصدقاء الطفولة والصبا والجامعة واشتشهدو ايضا جميعا وبقي واحد ولكن خانته الكلمات بالتعبير ثم اصبح مريضا الى ان لحق باصحابه الشهداء
فجزى الله خيرا مالك الحزين على هذه الرؤية التعبيرية
ارجو ان تنال اعجابكم.