<<<< وأخرتها إيه >>>>
السلام عليكم ورحمة الله
انا عضو جديد معاكم في المنتدى .. أتمنى اني اكون خفيف عليكم
انا كتبت خاطرة وحبيت تكون اول مشاركتي في قسم الشعر والخواطر اللي بحبه
اتمنى انها تعجبكم ...... ومستني اسمع رأيكم فيها
<<<< وآخرتها إيــــــــــه >>>>
قولتلي يا قلبى كتير إنساه
قولتلك صعب أعيش غير وياه
بتضحك على نفسك وتبعد ليه
بتدارى حبك وأخرتها ايه
ده صعب فى البعد تتحمل
وأصعب من غيرها تكمل
قوم يا قلبي وارجع ليها
وامسح دموعها من عينها
ده انت عايش من غيرها غريب
صحيح جوه مني بس مش قريب
قولي بقى بنعذب روحنا ليه
ونزيد فـي جروحنا بس ليه
لا أنا قادر على البعد ثانيه
ولا وحتى انت قادر عليه
ده انت بتحبها حب بجد
حب عمره ما حبـــه حد
مستني أسمع رأيكم
المشاركة الأصلية كتبت بواسطة shjoonal3in
