السلام عليكم ورحمة الله وبركاته
أتمنى الجميع بخير
أحيانا تحدث لنا أحداث .. نشعر بها بكل تفاصيلنا .. لكن قد لا نفهمها بكل تفاصيلها
أو قد تتداخل واقعيتها مع خيالاتنا .. لتكمل التفاصيل الباقية بتفاصيل خياليه لا تمت للواقع بصله
لنكمل التفاصيل كما نريد... ونرسم جميع الأشياء المحيطة كما نريدها أن تكون
أو قد تكون كل تلك الأحداث مجرد خيال في خيال.. اختلقناها لنهرب من واقعنا لها .!
لا تهتمون بما كتب فوق كثيراً..
فكلها مجرد ثرثرة .. قد تكون من ضغوط الاختبارات
والهروب منها أيضا له صله بذلك .!
/
عموما أترككم مع القصيدة
/
// ضــجــة بــشــر
جاني بغفلة وفي زحمة عمر
جاني ومن دون مدري جاي ليه.؟!
لا حسبت حساب قربه والنظر
ولا حسبت يديني بتلمس يديه .!
يا كثر ما بدنيتي ضجة بشر
وروحي من بين البشر مالت إليه
والرياض اللي عرفته بلا مطر
من حضر أمطر وكنه يرتجيه
فيه طيبه ورقه ما فيها غدر
غير عن كل الاوادم والوجيه
حرك إحساسي وغيره ما قدر
من هو مثله بالعمر والله اشتريه
وليت بعدي عنه ما يبعد شبر
وإما هو اللي بيجي أو أجيه
لحظه يا قلبي طلبتك.. انتظر .!
لا يكون الحب.! ترا مقدر عليه
بكره بـيـبعد ويتركني احتضر
بنار شوقي وكل ما فيني يـبـيه
من بعده أخاف ما ألقى صبر
وخايف إني اعشقه وأموت فيه
و الوكاد اللي حصل كله قدر
هو غريب.. وكل أحاسيسي تبيه
وفي النهاية بكتب بأخر شطر
لو سألني وقال أحبه.؟ قلت : إيه
/
رابط القصيده بصوتي ( اضغط هنا )
\
شكرا للوصول الى هنا
بالتوفيق
تحيااااااااااتي
) .. كله خيال في خيااال ..
ماشاء الله ... تصدق فقط ناقصني احضنك بكل مافيني لانك عبرت بشعور ما ينوصف ...
