السلام عليكم و رحمة الله و بركاته
كيف الحال ؟؟
تتركين الدنيا ورا ظهرك و تشوفينها في مراية
و مرايتك بين يديك تعكس لك الدنيا
........................
فأول لقا قبل المواعيد
كانت صدفه خذت عالمك للبعيد
لأبعد من الاحلام
مرايه من بقايا الناس تعكس شعاع الشمس
في عينك
و انتي تصورتي المراية شمس
........................
مراية حدودها تجرح
و رغم الألم خذيتيها بين يديك
و اخفيتها عن العالم
لأنها مراية سحرها خداع
و انت ادرى بخداعها
لكن سحرها جذاب
و وعودها افراح
.....................
بروزتي مرايتك باحلى البراويز
و شلتيها مع اغراضك
بين الدفاتر و الكتب
و في زحمة اغراضك
تتمشخ مرايتك
و في وحدتك
تشيلينها بين يديك
و تمسحينها تشكين لها همومك
و تشوفين في دمعتك ضحكة
و في احزانك افراحك
.....................
و مع الايام
ساد صمتك على يومك
و صار الحكي كل الحكي
لمرايتك
و انتي في سحرها مفتونه
في عالمٍ احلى من الاحلام
......................
و مع سحرها ما سألتي
وش تخفي مرايتك في ظهرها ؟
و ان بغيتي تعرفين
توهمك بأنها احلى
و للأسف من سحرها ما تعرفين خداعها
.....................
تدرين يا حلوة وشي مرايتك ؟؟
مرايتك قلبي
و النور في داخلها
بعض من قلبك اللي تعكسه
و انتي ما تدرين
.....................
و القلب بين يديك
في دفا في امان ما ذاقه طول العمر
و لكن للأسف
لازم اكسره
لأنك بشر غير البشر
و الناس من حولك يسمعونك
.....................
ادري عودتك اسمعك
لأن قلبي بين يدييك
و ان صدق يجرحك
اغفري له كل كذباته
و انسي ايامك معه
.....................
لأنك بشر غير البشر
و مرايتك من بقايا الناس
آسف خدعتك و مجبور اودعك
و بنكسر
و لا تحسبيني لو بنكسر قلبك ينكسر
هذي مراتك بس اللي تنكسر
و أي ألم بعد الكسر هذا مو قلبك
هذي يديك يجرحها
بقايا مرايتك
.........................
و اتمنى اني اشوف جميع تعليقاتكم
و بالتوفيق لكم يا رب
تحياتي
