قطعه فلاش لحماية شخصيت. فاينل اون لاين

[.dark man.]

سكوير ستقوم بإصدار قطعه



بتكون عن قطعه فلاش صغيره , تكون عليها شاشه صغيره تظهر فيه رقم سري

مافهمته من الخبر , ان فيه رقم سيظهر كل مره على الشاشه وانت تدخلها ويتغير في كل مره

سعر وتاريخ صدورها لم يعلن لحد الان ,

As a result of growing account security concerns within the online gaming community, Square Enix is proud to introduce the Square Enix Security Token. The token greatly increases the security of PlayOnline accounts by allowing users to log on by using a constantly changing one-time password that is displayed on the screen


المصدر:
http://wiki.ffxiclopedia.org/wiki/Main_Page

[Hawu]

هييه اعتقد مثل بطاقات البنك

لانه فآخر فتره صارت سرقات فالبنوك عندنا, تنسحب مبالغ من رصيدك والرقم السري محد يعرفه غيرك, ف احتارو اخر شي طلعو مثل هالجهاز يغير الرقم السري كل 3 دقايق اعتقد

ف كل 3 دقايق يتغير الباسوورد , بس مادري لو الجهاز ضاع شو بتسوي w

P.S . يابوي شعندك كل مواضيعك 2 الفجر + ؟!

[noralain]

بصراحه ماعندهم سالفه

المفروض أقل الإمان انهم يسون فلاس لإدخال الباسورد يغير اماكن الأحرف كل مره تدخل الباسورد

على سبيل المثال
https://adcbactive.com/RRUser/

لو تجرب تسوى رفرش للصفحه
اماكن الحروف بتتغير
بهذي الطريقه برنامج keyloger مابينفعهم في سرقة الباسورد

وبيني وبينكم
وايد من الناس مهملين في الأحتفاظ والأهتمام بالباسورد
إلى يحط لك رقم تلفونه وإلى يحط اسمه

يعنى المفروض الواحد يحط باسورد صعب ومعقد

[.dark man.]

هييه اعتقد مثل بطاقات البنك

لانه فآخر فتره صارت سرقات فالبنوك عندنا, تنسحب مبالغ من رصيدك والرقم السري محد يعرفه غيرك, ف احتارو اخر شي طلعو مثل هالجهاز يغير الرقم السري كل 3 دقايق اعتقد

ف كل 3 دقايق يتغير الباسوورد , بس مادري لو الجهاز ضاع شو بتسوي w

P.S . يابوي شعندك كل مواضيعك 2 الفجر + ؟!

انت ماكتبته في الموضوع بس بعدين بتطلبه من داخل POL-viwer

ويبدو انه في حاله ضاع الجهاز تقدر توقفه اواي شي ء , تقدر تقول مثل برمج مفتاح الـ Bmw

مجرد تخمين لاغير

كتبت الموضوع الساعه تقريبا 11 من كامبريدج

[.dark man.]

بصراحه ماعندهم سالفه

المفروض أقل الإمان انهم يسون فلاس لإدخال الباسورد يغير اماكن الأحرف كل مره تدخل الباسورد

على سبيل المثال
https://adcbactive.com/RRUser/

لو تجرب تسوى رفرش للصفحه
اماكن الحروف بتتغير
بهذي الطريقه برنامج keyloger مابينفعهم في سرقة الباسورد

وبيني وبينكم
وايد من الناس مهملين في الأحتفاظ والأهتمام بالباسورد
إلى يحط لك رقم تلفونه وإلى يحط اسمه

يعنى المفروض الواحد يحط باسورد صعب ومعقد

وانا معك في هالنقطه كلمات السرلازم تكون صعبه من 6 ارقام

المشكله واحد من الشباب كتبت رقم سري مايخطر على بالك
طووووووووووووووووووووووووووووويل وارقام وحروف وفي الأخير نساه الله يهديه

[Angel Of Night]

والله من الزرف
إلا بيطلعون فلوس من جيوبنا بالغصب
المهم على طاري الباسورد مافي أسهل من أنك تكتب باسورد بالعربي بس ماتغير لوحة الكيبورد يعني الباسورد عربي والكتابة إنجليزي
مثال :
وليد = ,gd]
بالله عليكم في أحد بيفكر باللي فوق
حط إسم جدتك عمتك خالتك ولا مدرستك والله لو يفحط مايقدر يطلع الباسورد

[Hawu]

لوول ما يخصه

حتى لو الباسوورد صعب يقدرون يطلعونه, بلله عليك هم شو عرفهم بالباسوورد لو كان Harushin or ihv,adk كله واحد بالنسبه لهم وجي ولا جي بينسرق لانه keyloger

اهم شي برامج الحمايه فالكمبيوتر.

[Broodex]

هذي ياطويل العمر يسمونها في العالم النجدي " نــهــابــه"

قبل لا أكتب ابي اصحح معلومة الحبايب اللي فوق
لو كتبنا وليد بس بالانقلش بيصير ,gd]
لكن الباسورد خطأ لأن الفواصل والأقواس والرموز بشكل عام غير مقبولة ولا راح تنكتب أصلا
يجب ان تكون حروف وارقام انجليزية حقيقية.

اما ردي في هالموضوع وهو بسيط جدا

كل اللي نبيه عند سرقة الشخصية محتاجين رابط نعمل عليه ريسيت للباسورد او استرجاع الباسورد وهو من خلال بريد يوضع مسبقا غير قابل للتغير مثل الـ ID
يصل عليه الباسورد الجديد ونسترجع من خلاله الشخصية
هذا الامر يريح مركز الـ call center عندهم.

وهو النظام المتبع في شركات البريد الاكتروني وبرامج المنتديات الخ.

لأانه ماهو من المنطق أنو تنسرق شخصيتي وسط الاسبوع وانتظر حضرتهم يوم الجمعة والاحد على مااذكر عشان اكلمهم ويجلسون يحققون معي والطيور طارت بأرزاقها

وكما قال الأخوه المسألة ترويج سلعة وتوجه ربحي بحت لا أكثر
قال جهاز قال
اللي يشوفه معي يقول اني مصاب بالسكر لا سمح الله وهذي أحد أجهزة الفحص الفوري

[Light.Darkness]

تسلم


الجهاز هذا اختياري للي يبي يشتريه و بيعلنوا تفاصيله كاملة بعدين

بالنسبة لسرقة الحسابات للحماية اولا لازم يكون جهازك محدث لاخر تحديث ضد الفيروسات (يوميا)
ثانيا لا تعطي حسابك لأي احد مهما كان (احتمال يكون جهازه غير محمي بشكل جيد و ينسرق عن طريقه مو لازم هو الي يسرقك وكل واحد يقول ثقة وخرابيط )
ثالثا حطوا كلمات سرية زي الناس
رابعا لاتدخلوا مواقع نص كم و اذا دخلتوا مو اي شيء يطلبه منكم الموقع توافقون او يقول لكم لاظهار المحتوى نزل شيء....الخ من الكلام الاهبل و الناس توافق على طول واكثرهم حتى ما قراه

بالنسبة لطريقة استعادة الشخصية الايميل ما ينفع
يعني اي واحد يسرق ايميلك يصير قادر ياخذ الشخصية ؟

[meshari260]

يعني نوعا ما فيه تقدم ملموس واهتمام من الشركه ..وميزه الجهاز موهب مخصص لفاينل فانتسي بس
حتى الالعاب الاون لاين تشتغل عليه ..

ومسئله سرقه الارقام السريه ماا اعتقد انها من لوحه المفاتيح الجديده .. ياخي مدري احس انه
من شي ثاني .. الله اعلم ان فيه سرقه على مستوى اكبر .. احيانا يجي في بالي انه احد موظفين
الشركه وبعيد عن الشك يستغل مكانته وكون انه عنده الامكانيه بتغيير الارقام السريه .. وقد تكون عصابه " مجموعه موظفين بالشركه " يقولون والله حرام راتبنا يسوى اكاونتين او ثلاث ..ليش مانغير الرقم السري ونبيعه بسرعه او ناخذ الجيل ونبيعه بالمواقع ولا احد بيحاسبنا او بيدري ..!!

واحيانا اشك انها لا عصابه ولا يحزنون هذي الشركه تتعمد هالشي وتتكسب وتبيع الجيل بالمواقع وهي اللي تسلم الجيل والاكاونتات وثاني يوم تعطيهم طرد وبكذا كسبوا دبل !! والله اعلم

والكي لوقر مستحيل يسرق ارقام سريه بلوحه المفاتيح الجديده وهذا اللي خلاني اشك بالكلام اللي قلته
وحتى لو فيه كي لوقر يسويها فالله يستر شكل الدعوه خربانه ووجود هذا الجهاز يكون الحل

[Angel Of Night]

أنا قصدي عن التخمين الباسورد رد لنور العين
يعني هذا فقط مثال حط باسورد صعب
يعني مثلاً باسوردي انا , باسورد سيرفر الشركة عندنا ومايعرفه إلا أنا وماليزي والماليزي مايلعب فاينل
لاإنه قال باسوردات الشباب الله يهديهم سهلة
والـ keylogger بيجيب الباسورد لو مليون حرف ورقم
بس طبعاً أحمي جهازك وحدث برنامج الفيروسات وشيك على منتديات فاينل لاإن في العادية أي فيروس يخص سرقة أكاونتات فاينل تلقاه أكثر المنتديات راح تتكلم عنه
وأخيراً صدقوني لاتستخدمون IE وماراح يجيكم أي شيء

[Broodex]

انا جهازي فيستا نسخة رسمية ومع ذلك كل ما اركب الفايرفوكس يرفض يقول ايرور

وش الحل؟!!!

[.dark man.]

غريبه يابرودكس اناكنت مركب الفيستا ومشغل فايرفوكس براحه

انت شيك على قسم الكمبيوتر عن هالمشكله , وبالمناسبه انت 32 بت ولا 64 ^^- بس استفسار -