ياهلا يا مرحبا اقلط على سوالف تفتح النفس <=== باين
كيفكون اخباركون بشرون عن اختباراتكم
انا الحمد لله ماشي بس تعرفون دجه بالرياضيات شي اكيد وخصوصا بعد ما شفت وجه اليكس قبل الإختبار اول مره اشوفه غير واثق من نفسه عادة اول واحد يطلع من اختبار الرياضيات اقعد اناظره طول الإختبار يكتب خمس دقايق وطول ما انا احل الاه حاط القلم على جنب ونااايم ZzZzZzZz الا الرياضيات فيه شي
عندنا سوري وصخ اسمه فواز تشوفه تقول هذا طالع من حلبه حتى ايام البرد لابس ثوب صيفي ورافع كمومه(كالعاده طبعا)
وفي يوم السبت قومت مبكرا احاول مرجعة الرياضيات والاي ما اعرف شي واذهب امتحن يقولون قانون المشتقات اقول 1+2مدري وش السالفه كالعاده ادخل الإختبار وانا احاول اتذكر شي وادخل القاعه يؤؤؤ انا قدام الباب ما فيه امل انقش :واو: رحنا فيها يا ولد يوم يجي المراقب طلع زلابه
اشوا واقعد احتري الأوراق ويجي اللي وراي يقول اسمع تراي ما ذاكرت ساعدنا:واو: رحنا فيها يا ولد ضاعت علوم الإختبار الأول وراح معه 10 درجات (علما بأن الماده حسب النظام الجديد تضرب بحسب عدد الحصص بالمعدل اي ما يساوي 60 درجه من النسبه وطبعا ثالث ثانوي يعني دجينا ما فيه نسبه زينه)
اما الأحد فكان اكثر رونقا فكان فيه جيلوجيا طبعا كعادتي في الجيولوجياء لازم نألف عصور جديده كالديناصورات المريخيه والعصر البعدي الثالث وغيره
والإثنين كان نحو وتفسير والتفسير فيه لخبوطات بسيطه اما النحو فما ذاكرته الا بالمدرسه وضاع علي حوالي 4 درجات
والثلاثاء كان اللغه الأفغانيه اوبس اقصد الإنجليزيه وكان التعبير عن رمضان فألفتله قواعد جديده في التعبير الإنجليزي
اما اليوم وهو الرهيب كيمياء المادة القريبة لقلبي فكان من اسهل المواد ( خصوصا مع التحذيفات اللي بالمنهج) فكان حلي معظمه صحيحا ولا يفتك من بعض اللخابيط
ويوم السبت فيه فيزياء وحديث الله يعين كل باب فيه قانون والباب الثاني قانونين فكل ما زاد طول القضيب زادت الشحنات الناتجه <=== مضيع
وأخيرا وليس اخرا دعاوتكم الجليله حيث تعلمون انهو ثالث مهيب صعبه لكن مهمة فيها الدرجات يعني اذا ما فيه درجات ما فيه جامعه
وشكرا لإستماعكم مع تحيات صديقكم -*مؤيد*-
