مساعدة بشراء اكس بوكس 360

[Mithos.D.Elf]

بعد الوي والبي اس 3 ابي اشتري اكس بوكس 360 بس عندي اسئلة

1- شنو احسن نوع اكس بوكس وجم سعره بالكويت + سعره الرسمي
2- مشكلة الريد لايت انحلت بشكل نهائي ولا لأ
3- DSL 1M مناسب للاونلاين ؟
4- شنو احسن لعبة اونلاين ؟

[Tetra]

السلام عليكم

شنو احسن نوع اكس بوكس

احسن نوع موجود حاليا هو XBOX360 PRO 60GB من فصيلة Falcon تاريخ الصنع

من شهر 4 / 2008 ليش من شهر اربعه بالضبط لانه هالشهر بالدات نزلو للجهاز اخر واحسن قارء

اشرطة اسمه ليتوان وغير مزعج بقدر القارئات الاخرى للاجهزة القديمة .

" فيما يخص الاثمنة والله انا لست بدول الخليج "

مشكلة الريد لايت انحلت بشكل نهائي ولا لأ

انتهت تماما من اول مانزل الفصيلة الجديدة Falcon

DSL 1M مناسب للاونلاين

بل ممتاز

شنو احسن لعبة اونلاين ؟

هده قائمة الالعاب واللتي هي الان الاكثر لعا في الاون لاين

Gears Of War 2
Halo Wars
Resident Evil 5
Call of Duty World at War
Grand Theft Auto IV
Left 4 Dead
Fallout 3
Street Fighter IV
Halo 3
Fifa 09


*****************

[FARES360]

نصيحة :
من رأي وفر فلوسك وخليك عالبلاي 3 ..
اهي يا تشتري بلاي 3 وتقعد عليه او تشتري 360 وتقعد عليه لأنه أغلب الألعاب الحلوه بينهم مشتركة
الا جم حصرية من المعروفه عالجهازين .. الا اذا نوعيتك تحب تشتري الكل كيفك .. شخصيا ماله داعي! xD
ما اعترف في مقولة " لي طافتك لعبة كيل زون طافك نص عمرك " او " لي طافتك لعبة جيرز طافك نص عمرك "

اذا ما تبي تطوف العاب مثل جيرز وهالو وجم حصرية ثانيه .. اشتر 360..
سرعة 1 ميجا ممتازه , مشكلة الرد لايت انحلت بالنسبة للأجهزه الدفعه اليديده

احسن لعبة اون لاين
انا اشوف Gears 2 :P تكفي تقزر فيها من غير ما تشتري العاب ثانيه لووول ..!
بس انا تركتها بسبب الأدمان عليها .. xD فخلني بعيد عنها احسن .. لأنه يكون في مجال حق العاب ثانيه

بالنسبه للسعر..اعتقد وصل 140 دينار الأمريكي , الأوربي ينباع ب60 في الغانم =p بس عاد دور العابه بالسوق pal

[SN!PER WOLF]

لا يوشوشك فارس كككك

خلك ع الاكس بوكس 360 .. انا عندي PS3 يوم اللعبها احس بملل وضيج ليش اشتريتها ما ادري بس عشان MGS واخر شي طلعت اللعبه دون المستوى طول الوقت عرووض

المهم

سعر الاكس بوكس 60 جيجا بالامارات ب1100 مع ثلاث شرايط من كارفور

يعني اعتقد الاسعار متشابهه بينا وبين الكويت
اقسم الارقام بالدينار الاكويتي وطالع كم تطلع

ودمت بالسلامه و ولكم تو اكس بوكس

[Mithos.D.Elf]

شكرا

Tetra - FARES360- SN!PER WOLF

على التوضيح

اهي يا تشتري بلاي 3 وتقعد عليه او تشتري 360 وتقعد عليه لأنه أغلب الألعاب الحلوه بينهم مشتركة
الا جم حصرية من المعروفه عالجهازين ..

لا انا فكرت بالاكس بوكس عشان الاونلاين البي اس 3 ما عندي غير MGS oo RE oo PES2009 بس... عشان جذي فكرت بالاكس بوكس

سعر الاكس بوكس 60 جيجا بالامارات ب1100 مع ثلاث شرايط من كارفور

1,100.00 AED

=

87.1922 KWD

United Arab Emirates Dirhams Kuwait Dinars
87 دينار فرق بين سعركم وسعر الي حطه اخوي فارس عالعموم صار عندي علم بالاسعار يعني اذا رحت ما ينضحك علي انشاءالله

مشكورين على الرد السريع ما قصرتوا

[King36o]

بعد الوي والبي اس 3 ابي اشتري اكس بوكس 360 بس عندي اسئلة

واو @@ عندك جهازين و بعد جاي تبي الثالث , تبي توصل لأقصى درجة المتعة

بصراحة انا انصحك تبقى على الجهازين لكن في نفس الوقت الأكس بوكس عليه العاب ما تتفوت

و الأكس بوكس ارخص جهاز منهم بس لازم تشتريه من محل موثوق فيه