جهازي الاكس بوكس مايشتغل على تلفزيوني؟؟؟؟؟؟؟؟؟؟؟؟

[ali sniper]

السلام عليكم ورحمة الله وبركاته

اولا انا شريت جهاز الاكس بوكس تاريخ 15-04-2008 وشريت معاه تلفزيون LCD HDMI وكنت حدي مرتاح من اللعبة والتلفزيون ولاكن الحين يوم اخترب عندي الوصلة مالت الـ HDMI ورحت شريت وصلة ثانية ويوم ركبتها التلفزيون مو راضي يطلع الصورة مالت الاكس بوكس خذيت الاكس بوكس مالت صديقي واشتغلت عندي وقلت انا يمكن التلفزيون فيه شيئ وقمت وخذيته على الوكالة وسووله اهناك سوفتوير وبعد ما مو راضي يقراه

هل في سووفتوير او ابغريد حق الاكس بوكس؟؟؟

رجاءاً ساعدوني

[ali sniper]

للعلم انه جعازي يشتغل على تلفزيزن ثاني

[ايوب الحسن]

اعتقد هالشي بالاكس بوكس ،،، اعتقد بالاعدادات اللي داخله ،، لانه صارتلي وماطلع شي ،، فحطيت وصله عادية وضبطت الاعدادات يعني خليتها حق الـLCD ،، وبعدين حطيت الوصله مالت الـHDMI

شوف اعدادات الاكس ,,, لانه اغلب الضن من عنده

[che]

تصدق صارلي نفس مشكلة أخوي علي(تقريبا) . . .
كنت أريد أطرح الفكرة على شباب . . لكن ما عرفت
طول الله بعمركم في يوم من الأيام طلعت رحلة طويلة تقريبا يوم كامل
لكن خلال ذلك الوقت يوك العيال دخلو الحجرة و ما أدري شو سوو . .

المهم: رديت البيت, بديت أحس شي غريب الصورة مب واضحة مع أني عندي سوني بريفيا بواير HDMI
استمريت على هل الحالة يومين لكن ما عجبني الوضع فشي طبيعي سويت حق التلفزيون أعادة ضبط المصنع
ظنا مني الخلل من التلفزيون لكن الحالة مثل ما هي بدلت الواير "الكيبل اللي أيي مع الأكس بوكس" ما طلع شي
رديت HDMI نفس الشي الصورة ما ظهرت بالمرة . . أعوذ بالله شو ستوى

فالسويت عدة تجارب لأكتشاف الخطأ و كانت كالتالي:

1_ أستخدمت نوعين مختلفين من HDMI وكانت النتيجة ..............................Negative
2_استخدمت الكيبل الأصلي ظهر الصوت بدون الصورة لكن النتيجة..................Negative
3_شغلت wii على التلفزيون بدون أي مشاكل.............................................Positive
4_غيرت التلفزيون والغريب أشتغلت الأكس بوكس ......................................Positive
5_لكن بعد فترة من الزمن استخدمت انواع ثانية منTV ولا واحد منهن اشتغل......Negative

بعد هذي النتائج استنتجنا أن الخلل ليس من التلفزيون و أنما من أكس بوكس
لكن السؤال في النقطة رقم 5 ليش أول مرة اشتغل بعدين ما اشتغل؟!!

أريد أسأل أخوي علي, قبل حدوث العطل:
هل كانت الصورة واضحة أم كانت هناك تموجات أو دوائر بالأصح؟!

[بحر الورود]

واحد من الربع قالي مرة هذا يوم اتسوي أبدين وايد للجهاز بس ما فهمت شو قصدة و بالنسبة للضبط يختلف في الأكس بوكس كلما غيرت الكيبل

[ali sniper]

مشكور اخوي ايوب حسن على المشاركة بس الي انا ابي اعرفه انه اشلون اضبطه على تلفزيون lcd?

[ali sniper]

مشكور اخوي che على المشاركة اتصدق انه نفس المشكله صارتلي بس الشاشة ماتطلع لا صورة ولا صوت وشغلته على تلفزيون ثاني واشتغل انزين الحين انا الي ابي اعرفه اشلون اسويه مره ثانية

ساعدوني الله يزيكم خير انشاء الله

ومشكور اخوي اخوي مره ثانيه

[ali sniper]

مشكور اخوي اخوي بحر الورود على المشاركة

صح كلامك انا غيرت الكيبل بس اشلون اضبطه واخليه مثل قبل؟؟؟

[che]

يرفع للأهمية

للتذكير فقط:"قبل كانت الأكس بوكس شغالة . . الأهم بس بطلت الواير ورديت أركبه ما أشتغلت, الصورة طبعا" شي غريب والله
شباب أنا عندي الأمكانية أوديها عند أي مصلح لكن أنتظر آراءكم ومقترحاتكم . . . أخاف آخر شي يطلع السبب سخيف
عشان ما ييني الهندي ويسويلي فلم ويضحك عليي< < <هل الأيام لاعبين لعبتهم

[che]

يرفع للأهمية
للمرة الثانية

"لا حياه لمن تنادي"

[ali sniper]

هلا اخوي che وللله انا ما ادري شنهو اقولك حسبي الله ونعم الوكيل عليهم يعني مايسوون شيئ عدل بس يبون يتضربون في الاوادم بس اي جهاز ذي الله يعزك لين اتغير واير الـ hdmi وبعدين مايشتغل شل الابديت السخيف ذي لازم يجوف لهم حل,,,,

وانا اخوي للحين ما عرفت المشكله؟؟؟؟؟؟؟؟؟؟

[che]

. . . الله كريم . . .

أنا خلاص أنقطعت بي السبل . . . ما قدرت أعرف وين المشكلة بالضبط
أنا مضطر أوديها للمصلح . . . خله يطلع عوقها(مشكلتها)

[ali sniper]

ههههههههههههههههههه

والله اخوي لاتوديها ق المصلح اذا انت تقدر اتوديها حق مايكروسوفت احسن لك يمكن يبيلها ابديت او شي

[BIG-M]

انا نفس المشكلة عندي على تلفزيوني اشتغل كم ساعة و من بعدها فصل صوت و صورة. طبعا على HDMI
ركبت الكمبوننت و اشتغل صوت بلا صورة.
قلت ممكن السلك خربان, ركبته على تلفزيون ثاني عن طريق الابتوب اشتغل.
ركبت الاكس على تلفزيون ثاني اشتغل!
اظن الخراب من التلفزيون!

[che]

خير أنشآء الله . . .