๑ஐ◄▓▒--> الآسبــآغيتي مع بـــرود <--▒▓►ஐ๑
السلام عليكم ورحمة الله وبركاته
صباحكم جوري
كيفكم
ايش سالفة مكينة الخياطه
وين مااروح لي يومين اسمعهم يتكلموون عنها .. وبعدين عرفت السالفه << الحمدلله
بصرآحه حاجه ماتدخل العقل ..
حتى اخوي امس يقول مكاين جدتي للحين موجوده
المويهم
طبقنا اليوم راح يكون مميز
عجبني ونقلته لكم
ومن الحين بنتفق اللي يقول تسلم صوابعك ما يلعب معنا
<<<< ضربت الفيوز الله المستعان
ندخل فالموضوع
المقادير
صدور دجاج منزوعة العظم
مكرونه سباغيتي
جبن سايل + علبة قشطه + مايونيز
بصل + ثوم
ماجي + ملح + فلفل أسود + كمون + بهارات حبوب للمكرونه
الطريقه :
نقطع الدجاج مربعات صغير زي كذا
ونحطه عالنار يطبخ مع شوية موية ومكعب ماجي + ملح + كمون
وعلى مايطبخ ..
نقطع البصل شرايح وندق الثوم دق ونقلبهم على النار مع شوية زيت وشوية ملح وفلفل اسود لين يذوب البصل
نرجع للدجاج المستوي ونكب عليه البصل المحموس ونخلطهم لين يندمجون سوا زي كذا
نجي للمكرونه .. نكسر السباغيتي بالنص ونحطها بقدر
مع مكعب ماجي + شوية ملح + بهارات حبوب -هيل , مسمار , قرفه -
وماننسى الزيت لاتتلصق المكرونه<<بالله لا عاد توصفين
نخليها تطبخ لين تستوي تقريباً من 10 إلى 13 دقيقه ..
بهالعشر دقايق تعالوا نسوي السلطه
خيار وخس وطماطم وبصل أخضر واللي تحبين من الخضار
تقطعينهم حسب مزاجك وانا افضلهم وسط لاصغار نتف ولا كبار تغصين فيهم
بعد مانخلص من التقطيع نحط عليها ملح وليمون حسب مانحب
بعد مانخلص نقصقص الخبز مربعات صغيره ونقليها شوي على الزيت لين تحمر
ونخلط الخبز مع السلطه ..
يؤؤؤؤ المكرونه استوت
استوت المكرونه وباقي الموية كثير وش نسوي ؟؟ <<ايش
نصب الموية الزايدة من القدر ولا نخلصها يعني نبقي شوي موية بقاعة القدر
نضع فوق المكرونه .. ملعقتين جبن سايل + ملعقتين قشطه + ملعقة مايونيز << الزياده حسب الرغبه
ونخلطهم زين لين يتمازجون .. ثم نكب عليهم الدجاج والبصل ونخلطهم زين بعد ..
نحط الاسباغيتي في صحن ونقدمها مع البطاطس المقلي والكتشب وماننسى الببسي
ومطرح مايسري يمري
<<< تدلين الفراش
,, 