تعلم Napster

[PCman]

السلام عليكم ..

موقع البرنامج: http://www.Napster.com
اسم البرنامج : Napster
حجمه البرنامج: 2MB
ســــعـــــره: مجاناٌ


نبذه عن البرنامج : هذا برنامج يسمح لك ان تسحب اي اغنيه او صوت في العالم مجانا (مثل مقدمه الفلم المهمه المستحيله) .

اولا ركب البرنامج وبعدين ضع اسم المستخدم و الرقم اسري

وهذا واجهة البرنامج .



1. Chat محادثه.
2.My Files هذي الاغاني الموجوده عندك
3.Search بحث : تبحث عن اي اغنيه , سوف نتحدث عنه بعد شوي
4.اسامي الاغاني
5.جدول تصفف فيه الاغاني يعني تسمع الإوله وبعدين الثانيه وبعدين الثالثه ...الخ
6.هذا يعلمك اسمك و انت على الخط او لا (onLine/Disconnected)



وهذي واجهة البحث .



1.تكتب اسم المغني
2.تكتب اسم الاغنيه
3.نتيجت البحث , اختر اي وحده من الاغاني وضغط عليها دبل كليك
4.مافي شي




واي استفسار انا حاضر

[a7mdooo_raul]

مشكوووووور على هالبرنامج الحلو ويعطيك العافيه

[uae]

بس بغيت أعرف هل أقدر اخزن الأغاني على الهاردديسك بحيث أسمعها بدون اتصال بالانترنت و لا لا ؟ و لك مني جزيل الشكر

[PCman]

مايسير تسمعه الا اذا سحبتها

[uae]

اخي الفاضل .. تراك ما فهمت قصدي !!! أنا بغيت أعرف هل أقدر بواسطة هالبرنامج اني أخزن الأغاني على الهارديسك ( القرص الصلب :c) بعد ما أسحبها و بالتالي اذا اتخزنت يعني أقدر أسمعها بدون اتصال بالانترنت ؟ هل هذا ممكن و لا لازم أكون على اتصال بالانترنت لسماع اي أغنية من خلاله ؟! يالله دخيلك تراني أتريا ردك وانشاء الله تكون فهمتني

[Tallica]

تستطيع تشغيل جميع اغانيك التي تجدها هكذا :
My Computer
<:C
Program Files
Napster
Music

[uae]

ما عليه اسمح لي الله يخليك لأن اجابتك مب لسؤالي اللي سألتك اياه .. فأنت ما فهمت قصدي
بس سؤالي اني أقدر اسمعها بعد ما اسحبها و اخزنها .. أقدر اسمعها بدون اتصال ...أعيد سؤالي بدون اتصال يعني في أي وقت و مب لازم أكون متصلة
*** لازم أكون متصلة و لا لا؟
افهمني الله يخليك .. لازم أكون أو لا أكون!! قصدي لازم اتصل بالانترنت و لا لا عشان اسمع الأغاني اللي سحبيتها مثلا البارحة؟
وبعدين عندي برنامج الريل بلاير .. شو يصير فيه ؟ ولا ما يصير فيه شي ولا هم ما لهم علاقة ببعض..
أهم تجاوبني بهالرد :
عشان تسمعين الأغنيه اللي سحبتيها .. لازم تكونين على اتصال بالانترنت
أو ترد عليي بهالرد:
عشان تسمعين الأغنية اللي خلاص كنت سحبتيها و تخزنت في جهازج .. مب لازم تكونين متصلة .. يعني في أي وقت و بالمجان

الله يخليك تراني اتريا ردك الواضح لسؤالي عشان أحدد أركبه و لا ما أركبه

[uae]

الله يخليك بس لا تقول عني غبية ... لأن صار بس سوء فهم و أنا في انتظار ردك على سؤالي بوضوح .. و مشكور و ما تقصر

[PCman]

ياخي انت تقول بنفسك اني اسحبها . تسحبه يعني شنو يعني انت حفظته على الهارد دسك مالك يعني تستطيع ان تسمعها على كيفيك في اي وقت وحتى اذا مو شابك على الانترنت .

[uae]

حسيت انك انزعجت .. فأنا اعتذر اذا كنت سببت لك أي ازعاج .. بس لأني انا أصلا ما ركبت البرنامج ايلين ألحين و كنت خايفة أركبه و يطلع مثل الريل بلاير .. بمعنى اني ما بحتاجه لأنه عندي الريل بلاير .. فبغيت أتأكد اني ممكن استفيد منه بالرغم من وجود الريل بلاير ..
وانا ما قلت لك اني سحبت الأغنيه فعلا .. لاني أصلا بعدني ما ركبت البرنامج .. انا كنت أسألك انه في حالة ما اذا سحبت الأغنية أقدر أخزنها في الدسك و اسمعها متى ما أبى .. و طبعا خلاص أخيرا
عطيتني الاجابة .. و أشكرك انك فهمت قصدي مؤخرا و عطيتني الاجابة اللي اباها.
و أشكرك مرة ثانية و اعتذر مليون مرة اذا كنت أزعجتك.
و ألحين ببدأ بتركيب البرنامج .. تمنياتي لك بالتوفيق