ذكـريات صـايع تائـب
سلام من الله ورحمه وبركاته
اولا سأسرد عليكم بعض المواقف التي حدثت معي ابان فترت الصرقعه
وبعد ان من الله علي بالتوبه (ترى محلق سكسوكه - ماني ملتحي - بس صرت اشوى من اول)
قلت خلنا نغسل الشراع ونطلع الفضايح
*ملاحظه هامة
ترى كل مايطرح في هذا الموضوع ليس مدقق ولا متعوب عليه ابد ابد
(مو القصد ان الموضوع جاهز لسرقه) لا اقصد قد تكون بعض التعابير تضايق البعض
فاعتذرا مسبقا
وان اعجبت البعض - فاعتذر ايضا
بدون فلسفه وقلق مال امممه داعي
اتمنى ماتبخلو علي بدعائكم (وترى الملائكه تقول ولك - يعني يانذل منت خسران شي)
ادعولي بالصلاح وسعت الرزق - وركز على الثانيه
أولا :المحاولات اليائسه لتشبيك
طبعا كثير - مع الاسف مر في هالمواقف
تجيك حلوه من الضيقه بنت كلب تخليك تقول (لولا ان الاسلام حرم الانتحار كان انتحرت)
فا يلعب الشيطان الله يصلحه لعبته (على انا -حنا الشباب - نوسوس في الشياطين مو هم اللي يوسوس فينا)
تفتح صفت الشات وتقعد تدور وتشغل مخك اللي بغبار الوكاله من قل الاستخدام تبحث عن نك نيم
بعد مايفرجها ربك -ومرات تجي بنك تستاهل عليه الضرب من سخافته
تبدأ المهمة و يا ويلك يالخااص
كثير منهن مايردن واللي ترد السؤالين الاكثر استخداما
عمرك؟ ومن وين؟ - ويبدا مشوار الارانب وصواريخ الارض جو - طبعا غير الاسامي
عند الشباب :عزوز - وائل - خالد ...
والبنات :الاول وبدون منازل ريم
ساره - غير اسامي القطاوه سوسو- مشمش
وحركات التحريج من الاثنيه
نبوته فله - مطلقه تبي -دلوعه تبي سوا - ثلاثيني حنون -للجادات فقط
وهلما جرا من الالقاب الغبيه
بعد ما تاخذ لك ركب بنت كلب و سيفونات والسحب
يفرجها ربك مع وحده من اللي من الصيع مرات او من بنت ضايقه فيها الدنيا
تبدا تقردن وتطلع نفسك اقوى واحد في الحاره وانت ما عندك ما عند ام اهلال
*ام اهلال: بياعه عندنا في الحاره سوف يرد ذكرها لاحقا.
يجي وقت الجد طلب الايميل طبعا لابد تعصلك عليك
وتبدا تحاور وتناور
حتى تجيد حالت ارحمني
*حالة ارحمني : تحاول تقنع شخص بشي مهم بالنسبه لك وهو مو مهتم
فاتبدا تكلم بنبرت الترجي
الترجي والا الصفاقصي
هذي فيها كرت احمر
المهم
(بعضهن الله يكثر من هن تسحب عليك ولا تقفل الشات اذا حست انك بديت تغزو افكارها)
عاد تقول :الله ياخذها طلعت شريفه (استغفر الله)
وبعضهن لااا تطلب الايميل تقول ماعندي
(افهمها يا عنز اطلب رقمي)
طبعا تكون الاخت خبره وملكت العالقات القصييره
وفي كل نهايت ليله تقفل الشات وانت تجر اذيال الهزيه وتذكر ان الدوام قرب وانك مايمديك تشبع نووم وتقفل معك
وهكذا
على طاري الدوام حسبي الله عليكم وراي كوز بكره !!
اتمى ماكون ثقلت على حد وانتظرو باقي المواقف اذا فضيت -الله يستر لا انفصل بس
اخوكم مارد المصـباح
