هذي الصور لو شوفتونها ما راح تسبحن بالبحر صدقوني وادخلوا

[E . DAVIDS]

ذي صورة قرش سنونه زي المنشار


وذي صورة اطول قرش


وذي لقرش كبير بفمه قرش صغير


وذي غواص داخل فم قرش


ما اقدر اقول شوف بنفسك



واذا تبي صور اكثر ادخل الرابط وشوف
http://www.sharkattacks.com/bites.htm

[E . DAVIDS]

وذي لصورة قروش تنط من الماي
http://www.biganimals.com/GW/img0072.htm

http://www.biganimals.com/GW/img0073.htm

http://www.biganimals.com/GW/img0074.htm







وطبعا ذي اشهر صورة لذا القرش
http://www.biganimals.com/GW/GWslide26.htm

[E . DAVIDS]

واخير اترك لكم الرد

اما بالنسبة للصورة الرابعة

هذي قصة غواص لعب مع القروش

خلته يعيش بدون ارجل يقول انه ندم من الغوص ويليتني لم يغوص

بس وش ينفع الندم ياحسرة

بعد القدر


عشان كذا احذر الغواصين من اللعب معهم

[محتــــــار]

والله ان الصور تخوف بس الله يهديك ترا حنا موب غواصين حدنا الشاطي مترين ونرجع وتخب القروووش (القرووش جمع سمكة القرش وليسة الفلوس)(

القروش خلاها للغواصين مو لنا وبعدين انا مره طبية في الميط الهندي وجاني قرش وعادي ماسار شوي قتلته ومشيت ههههههه ترا امزح لا تصدق

[الشاب خالد]

أنا غواص وأعرف أتعامل مع هذي القروش بس القروش الكبيرة زي الذيبة والنمر في الحقيقة ماأعرف
والله أنا أتكلم جد أنا أعشق الغوص وقابلت هذي القروش بس صغيرة زي 1 متر
عموما شكرا لهذي الصور

[pele2006]

السلام ......
:واو: ?: :واو: ?:

و الله الحقيقة صور جميلة جداً يا أخ { دافيدز } ...
بس بعد ما دخلت للموقع { sharksattak } و الله كان الأمر ........... مقزز
عالمهم شكراً على الصور الرائعة { التي في الموضوع ... فقط و ليست التي في ذاك الموقع } ...

و السلام عليكم و رحمة الله و بركاته ...

[هنادي المنامه]

مشكور لقد احتفظت بهذه الصور فى فايل خاص اطال الله عمرك.

بهلمناسبه لقد ذكرتني بما كان يفعله ابي يوم كان غواص

كان كل يوم يقتل 9 قروش و4 حيتان ويرميهم على الساحل الى ان اتتنا البلديه وعطو ابي انذار متهمينه بتلويث الشواطىء بقروووش و حيتان ميته.

[yara]

كتب العضو (هنادي المنامه)
مشكور لقد احتفظت بهذه الصور فى فايل خاص اطال الله عمرك.

بهلمناسبه لقد ذكرتني بما كان يفعله ابي يوم كان غواص

كان كل يوم يقتل 9 قروش و4 حيتان ويرميهم على الساحل الى ان اتتنا البلديه وعطو ابي انذار متهمينه بتلويث الشواطىء بقروووش و حيتان ميته.

..........هههههههههههههههه

ردينا يا هنادي . ردينا للارانب اللي تطير

[الفتى الشرقي]

أقول يا أخت yara

حرام عليج ترا هنادي المنامه صح انها(خريطه)بشد الراء,,
ولكن هي تمزح

صح هنادي ولالا؟

[Smooth Criminal]

أنا الأسبوع اللي طاف ساير البحر...وسبحت لك ويّا هذاك القرش اللي طوله 3 أمتار...

واترابعت ويّاه....واستوينا best friends...وعطاني إيميله ...وأنا من هذاك اليوم أسولف ويّاه على الماسنجر..

خريط محترم

[E . DAVIDS]

شكرا على ردودكم

بس لاخ الشاب خالد

تذكر الصورة الي حطيتها

ذاك اليوم مع الهليكوبتر

القرش الي ناط على الرجال بالطيارة

ذيك كانت تركيبة

وهذي هي
http://www2.yawwar.com/strangepic/strange24.htm

اما الحقيقية هني
وعندي الدليل شوفه

[acer2]

ياااااااااااااااااااااااااااو

الصور هذي تخرع

انا قبل كنت احب البحر

الحين احب الشاطيء بس :>:>

[E . DAVIDS]

انا أأيدك كنت مثلك

[E . DAVIDS]

للاخ الشاب خالد تذكر حادثة الفلبيني

الي يقولون انه اكلته سمكة قرش الذيبة

بشاطئ الشرم بينبع

وحرقوا السمكة

واكتشفوا في بطنه عظام الفلبيني

وشعره وبنطاله وساعته

والغريبة انه الساعة شغالة

دعاية حقيقية لساعة (سيكو)

[الشاب خالد]

أي والله كلامك تمام التمام
بس كل شئ بيد الله
يعني مو كل واحد يغوص بالبحر راح يسرلوا زي الفلبيني
بعدين الفلبيني كان يصيد سمك بالمسدس وأكيد كان الدم ينتشر من الصيد فشم القرش هذا الدم وجا مالقي سمك
فلقي هذا الصيدة الكبيرة فأكل
ولاتنسى إذا القرش شم الدم يثور وإذا تبغا يأكل حوت أكلة من الجوع
أما أنا ماأصيد بس أتمشى على كورنيش المرجان وأقابل قروش بس مايسولي شئ

وشكرا على الصور
ملاحظة (لي دايما يكون أسم العضو إلي بتكلمة بالون الاصفر يا دايفيد)

خالد