ركبت Wow في مقهى والـ Latency تقريبا 160 .. بس ابي شوية مساعدة

[amajed]

السلام عليكم

ياشباب ... ركبت Wow في مقهى وركبت مضبوط وعادي وجربت الاتصال معها ولقيته أخضر مابين 160 الى 240 تقريبا

مدري الارقام هذي كويسة والا عادية والا سيئة ؟

برضو عندي كم سؤال ... الحين هل احتاج اركب Add-ons او اشياء بديهية لازم تكون موجودة ؟

والا اترك اللعبة كذا شد بلد مثل ماهي ؟

وبرضو لو فيه اشياء ثانية اسويها للعبة عشان الناس تلعب عادي بدون مشاكل ياليت تقولون لي

وبرضو لو فيه اي العاب ثانية في بالكم هاتوا اسمائها واركبها ان شالله


يعطيكم العافيه

[Df.DmX]

160 حلوو واجد

ادا تبي تركب عادي هو فقط مساعدة لك

ادا بغيت ركب كم واحد يفيديك بس لا تركب واجد لا يزيد الاق عندك

وادا تبي تلعب بدون مشاكل طفي كل شي وخلي بس وركافت شغاله

[amajed]

يعطيك العافيه على الرد السريع

بس مثل ماوضحت في الموضوع .. اللعبة في مقهى مو انا العب فيها فماادري اذا الناس تبيني اركب Add-ons او على الاقل Add-ons ضروري يكون موجود والا الافضل اخليها بدون شيئ نهائيا ؟

انا ماراح العبها فماادري بالضبط وش تبي الناس مني اسوي ....

مشكور اخوي

[.SaMo.]

هممم ..

والله 160 كويس وخصوصا اذا كنت في السعودية ..

والله مالي خبره كبيره في الادونز لكن ان شاء الله الشباب يفيدوك ..

لكن سؤال يالغالي .. وشو الاشتراك الي مشترك فيه .. وكيف خليتها 160 - 260 ..

[amajed]

ايوه في السعودية وتحديداً في الرياض ... الاشتراك شركات بسعر عالي ماراح يفيدك كمنزلي يعني بالآلاف

[dagwar]

لازم اخوي تنزل ادونز وخصوصا الكويست هيلبر عشان اللي بيلعب عندك ويبي يلفل راح يحتاجه .

[الهيلم]

وينك فيه؟
...............

[amajed]

اوكي راح ابحث عن الكويست هيلبر ... برضو لو فيه شيئ مهم ثاني ياليت تنبهوني عليه

ويعطيك العافيه

==========

الهيلم .. المقهى في الرياض وتحديداً حي الورود

هذا الوصف (مو انا الي مسويه بس عجبني )

[LavaGFX90]

ممتاز جداً 160 :]

وعن الادونز ,,
نزل كويست هيلبر << أهم أدون

[lucifersama]

أهم واحد deadly boss mod إذا ماني غلطان بالأسم
و تحتاج Omen و recount
في addons ثانية بس تعتمد على الشخص اللي يلعب لأنه في أكثر من addon يعطيك نفس التأثير بس في اختلافات بسيطة مثل xper و grid و غيرهم

هو اقتراح ما أدري بيعجبك ولا لأ، بس أعمل مثل صندوق للاقتراحات عشان إذا في حد يبي addon معين تنزله اياه، كذا تكون خدمت الزبون حسب متطلباته P:

و امنع منعا بتاتا أي واحد يخش مواقع إذا إنت عامل المقهى للعبة wow لأنه بخلي اللعبة بطيئة و التجربة سيئة جدا

موفق

[amajed]

يعطيكم الف عافيه

راح اشوف الاداونز هذي والله يعين << مشكلة الي ماقد لعب اللعبة وخش في العميق


بالنسبة للاقتراحات .. فيه مكتب ادارة في المقهى ودائما مفتوح للزباين وكل ماخش واحد وقال ابي شيئ معين (مثلا باتش والا لعبة والا اي شيئ) في اليوم الثاني يحصله موجود في الاجهزة .. بس مابينا فعلا ان المكتب يستقبل اقتراحات .. اضن بحط اعلان في الاجهزة بهالخصوص

وبالنسبة للتصفح .. اممممممم مسوين نظام في المقهى ... بحيث يكون التصفح على خط واللعب على خط ثاني
يعني لو المقهى كله يخش youtube ويجلس يتفرج ماراح يؤثر نهائيا على الي يلعبون ابد لانهم على خط منفصل

واي نعم الجهاز الواحد عليه تصفح وعليه لعب والي يلعب يقدر يتصفح والعكس صحيح .. ولا فيه احد يؤثر على الثاني نهائيا ولا حتى يؤثر على نفسه


اي اقتراحات ثانيه مازلت استقبل .. سواء هنا والا في مكتب الادارة

مشكورين وماقصرتوا

[ميكافلي]

مرحبا بك

اللاق 160 يعتبر جدا ممتاز

والأدونات المهمه للاعبين عموما

Atlasloot

Cartographer

Omen

Recount

Deadly boss mode

Quest Helper

Titan Pannel

X-Perl

تلقاها في هذا الموقع

http://wow.curse.com/downloads/wow-addons/default.aspx


والف مبروك فتح المحل ،، عسى الله يكتب لك فيه الرزق لك انشالله ويكتب له النجاح

[majed750]

والله حنا بالسعوديه نتمنى البينج يوصل 160 مع انه للاسف دايم يطلع ويوصل فوق الـ 1800 شيء قلق مرررره

[lucifersama]

1800 اتصال منزلي؟ oO
هذي ممكن من سنة أو سنتين مش الحين
أما فالمقاهي أو ماشابه فالعادة يكون الاتصال سيئ فالمقهى

[ll DarkLight ll]

والله حنا بالسعوديه نتمنى البينج يوصل 160 مع انه للاسف دايم يطلع ويوصل فوق الـ 1800 شيء قلق مرررره

مين قال ؟!

انا دايما 200 - 300

ليش انت 1800 ؟!