المشاركة الأصلية كتبت بواسطة snake_x86
شباب!
و بعد زمن طويل من استخدام السيارات المستعملة التعبانة اللي شيبتلي شعري قدرت أجمع سعر سيارة وكالة
حاليا أنا محتار بين الفورويل و السيدان.
ميزانيتي هي حوالي 120 ألف درهم ممكن تزيد شوي اذا شي يستاهل
و بخاطري سيارة يابانية يكون مكيفها ثلج (الصيف هالسنة شكله جاي بقوة!)
و تكون وكالتها محترمة و تكون السيارة واسعة لأني طويل, و ثابتة على الأرض قدر الامكان.
و أفضل الفورويل بعد المعاناة بالمطر الشتاء الماضي و التغريزات بالباركنات الرملية
انا جربت الباجيرو 2008 و كانت تعيسة خاصة أن المكيف ما يبرد وقت الظهر خاصة مع الزحمة
لذا حذفتها من راسي!
الـ FJ بقولوا أنها ممتازة بس ضيّقة من الداخل صحيح؟!
أرجو منكم اقتراح سيارة مع سعرها بالامارات و أحسن وكالة.
مرحبا الشيخ .. اذا تبا فوريل عندك الباذفندر نيسان على حدود 120 الى 130
النيسان فتك سعره اكثر من 130 بس يبالك تشتري محظة بترول
FJ زين بس لازم اول شي تبدل توايره لانهم مب اوكي
ثاني شي تنزل السيارة شوي لانها مب ثابتة على الشارع في حالات الغبار والرياح
عندنا FJ سويت فيها هالشي اول ما خذناها
الراف 4 ما تبفعلك لانها صغيره وضيقة شوي
هذي المقترحات اللي عندي .. واذا في اي استفسار نحن موجودين