مع الاسف انا انضحكت من احد الاعضاء ابي مساعده تكفون الله يوفقكم

[KensS]

السلام عليكم ورحمة الله وبركاتة

انا احد الزوار هذا المنتدى ولقد شفت عرض البيع الاكاونت هذا الرابط :

http://www.montada.com/showpost.php?...postcount=1686

وقد كلمته عبر الماسنجر وقلت له اخر سعر وقال لي 600 ريال وبعد كذا قلت له طيب وش رايك احول لك 500 ريال واذا جاء لاخر شهر احول لك 100 ريال والرجال وافق

وبعد كذا حولت له 500 ريال والايصال الايداع صورة عندي وبه بيانات اسمه بالكامل

واتصل به وكل شوي يصرفني والحين لقيت جواله مغلق وبعده عرفت ان اكل حلالي

وش الحل يا اخواني وبالله عليكم كيف يصير الشي هذا

لاحول ولاقوة الابالله ... والله اني متضايق كثير

[Shev]

الله يعينك البوق سهل هالايام بس اتمنى انك اخذت عبره من هالبلوه

[KensS]

الله يعين

بس انا ما ابي اظلم احد بس اخذ حقي من الا سرقني شلون ..!!

وين قاعدين احنا والله حرام عليهم اللي يسون كذا واكل حلالي قدام عيوني

استغفر الله العظيم بالله عليكم هذا يرضيكم ياجماعه واللي يساعدني راح ادعيله ليل نهار وعسى الله يوفقه ويحفظه

[ZZZY]

والله ماأدري كان فيه طريقة ترجع لك حقك ...

لكن بقول لك حاجه : حقك ماضاع ... كانك ما أخذته في دنيا بتاخذه في الآخره ..

وحسبي الله على إلي مايخف الله

[evilest]

اخوي حقك بتاخذه في للاخره.
اخوي لو تبغى تلعب لفل لك شخصيه والله حلات اللعبه التلفيل

[Elementt]

الله يعينك ...

[Mr-NaSeR]

الله يهداك بس
ماخذيت الا من واحد
تاريخ التسجيل: 05-03-2008
المواضيع: 0
المشاركات: 2
الشكر: 0



بس 2 مشاركات -.-
اخذلكم من موقع اجنبي احسلك الاجانب صارو أأمن منا وثقه
والله يعوضك

[alb3tal]

بــلغ عليه

عندك اوراق واثباتات وكل شي ؟

[KensS]

الله يخليكم وانتبهوا وانا اطالب الادارة حذف موضوع الاعلانات البيع والشراء

والله ماوراه الا المصايب والنصب والاحتيال

بــلغ عليه

عندك اوراق واثباتات وكل شي ؟

والله انا عندي صورة الايداع تحويل المبلغ وعندي اسمه بالكامل وساكن في الشرقية الدمام

اما ابلغ والله ما اعرف وياليت اعرف كان بلغت عليه وانا عارف الحكومه ماراح يقصرون معانا

[kunu]

اعطيه يومين اذا ماعطاك الحساب او رد الفلوس

نزل اسمه وكامل بياناته بالمنتدي

ولاتنسي تنزل اسمه بالبوابه الرقميه

الشباب هناك يحبون مثل هالشغلات

[KensS]

شوفوا رجع حط عرض الاكاونت اليوم الساعه 2 ظهرا يبي يضحك على المسلمين

http://www.montada.com/showpost.php?...postcount=1716

[playstataion]

اشتكي عليه عند الشرطة
و ادا تبي اسمه انا اجيبه لك بس ارسل ليي رسالة على الخاص

[lucifersama]

بس لو حد من المنتدى ممكن يلغي حسابه الرجال ماشاء الله عليه لسة شغال ناوي ينصب على حد ثاني

الله يكون بعونك أخوي
ما أعتقد الشرطة بتساعدك.......لول ما أعتقد معظمهم يفقهون شيئا بالألعاب أصلا
الله يعوض عليك و ما تعيدها، أكاونت جديد أضمنلك

[.SaMo.]

اخوي بالوقت هذا غير face to face لا تقبل ..

وترى اذا كلمته من المرره الاولى .. وجلس يتكلم مثل كذا
< اهلا اخي .. كيف حالك ؟ برب بصلي قيام اليل واجي .. واذا جاء برب بصلي الفجر
او اذا دقيت ولقيته حاط صدى قرآن

عمومن نص النصابين عندنا يسوون مثل كذا .. يسوي فيها مطوع <
وانا اتكلم عن شيء حصل لي سابقا يعني ..

انا اضفته وبشوف وش عنده .. <

[FinalFantasy9]

السلام عليكم ورحمة الله وبركاته ..

راح يتم حذف رده الجديد بالموضوع ، ووضع ملاحظة ضده .. واتمنى لو يصلني دليل قاطع لطرد عضويته ايضاً ..

اما بالنسبة لما دار بينكم فهذا خطأ وقعت فيه لما وثقت بشخص ماله الا مشاركتين بالمنتدى وليس ذو ثقة بين الاعضاء ..

في مثل هالحالات كان من الاجدر لو تشوف موقع متخصص فيه اعضاء موثوقين لتتعامل معهم او ان تتعامل مع عضو معروف من هذا المنتدى ..

حالياً كل الي تقدر تعمله هو انك تقدم بلاغ للشرطة وبالتحقيق راح يبين ان كان بينكم اتصال وان تم ايداع مبلغ في حسابه وقد يتم عمل مكالمة مسجلة بعد اخذ موافقة الشرطه للايقاع به .

هذا الي ممكن انصحك به .