بطولة ستريت فايتير ثيرد سترايك...للمهتمين

[Black_Berserker]

السلام عليكم

نخطط لعمل بطولة للعبة Street Fighter III 3rd strike في الإمارات



حاليا عددنا 12-15 لاعب وهذيله مضمونين...نحتاج لاعبين أكثر عشان نخلي البطولة أكبر وتكون أفضل

لحد الآن الزمان والمكان ما تحددوا....بس نخطط تكون بعد شهر بالكثير والمكان يا في أبوظبي أو في دبي و بنرتب مع أحد الأماكن والمباريات بتتسجل وبتنعرض فيما بعد على اليوتيوب ونفكر نعمل موضوع في المنتدى نناقش فيه الفيديوهات والمباريات

بالنسبة للجوائز ماتحددت....لكن الجوائز بتكون مرضية للمشاركين يعني يمكن الفائز الأول يحصل من 1000-2000 درهم مثلا...والاشتراك في البطولة المفروض يكون مجاني

القوانين وما إلى ذلك بتكون تقريبا مثل بطولة الإيفو....أهم شي حاليا إنه نضمن اللاعبين الي بيشتركون ونقعد نشتغل على تنظيم البطولة

للتذكير البطولة في لعبة Street fighter 3rd strike فقط....مش alpha 3 أو غيرها

للراغبين بالاشتراك الرجاء الرد في الموضوع أو إرسال رسالة خاصة

[RogerM]

للأسف ما أظن بكون موجود، حظ موفّق بلاك
بس عدد المشتركين مقبول نوعاً ما، بسأل في حد يلعب urien بيكون في البطولة ?

سؤال أخير، بتلعب بريو ولا أكوما؟ حظ موفّق في كلا الحالتين أهم شي أن في فيدوهات بتنرفع ^^

[Nez 17]

Unfortunately, Iam from the UAE Moo

[Black_Berserker]

للأسف ما أظن بكون موجود، حظ موفّق بلاك
بس عدد المشتركين مقبول نوعاً ما، بسأل في حد يلعب urien بيكون في البطولة ?

سؤال أخير، بتلعب بريو ولا أكوما؟ حظ موفّق في كلا الحالتين أهم شي أن في فيدوهات بتنرفع ^^

ممممممممم انت ساكن في آخر الدنيا....بس ماتدري يمكن تنزل بوظبي يوم وتتدبر....

حد يلعب ب يوريين أعتقد....بس مثلك لا

بالنسبة للشخصية الي بلعب فيها ما أعرف صراحة....نشوف وقت البطولة كيف والفيديوهات إن شاء الله بتنرفع بس المهم نحصل مشتركين زيادة

[RogerM]

^
بتخلصون البطولة و كل شي في يوم واحد؟ حلو .

[Sanadax]

والله شي طيب تصير بطولة لـ 3rd Strike في الإمارات والعدد جيد جداً

مستواي مب ذاك الزود في 3rd Strike ولو شاركت من أول مباراة بطلع

لكن أكيد الغرض منها المتعة, التسلية, الإستفادة والإفادة + التعرف على ناس جدد

ومثل ماقال RogerM أهم شيء Urien على الأقل واحد يكون موجود .


الله يوفقكم يا بلاك في البطولة.

[Black_Berserker]

^
بتخلصون البطولة و كل شي في يوم واحد؟ حلو .

ناويين نسويها في يوم واحد...كان ودنا نخليها فرق لكن ما أظن بتضبط

sanadax
والله شي طيب تصير بطولة لـ 3rd Strike في الإمارات والعدد جيد جداً

مستواي مب ذاك الزود في 3rd Strike ولو شاركت من أول مباراة بطلع

لكن أكيد الغرض منها المتعة, التسلية, الإستفادة والإفادة + التعرف على ناس جدد

ومثل ماقال RogerM أهم شيء Urien على الأقل واحد يكون موجود .


الله يوفقكم يا بلاك في البطولة.

عادي شارك مافيها مشكلة...ولو محتاج تدريب فحاضرين أهم شي في البطولة إنه بيكون في لاعب Q

[RogerM]

^
لول عرفته xD
بالتوفيق له و لباقي الشباب

[Sanadax]

عادي شارك مافيها مشكلة...ولو محتاج تدريب فحاضرين

ماتقصر , بس المشكلة مابقدر أشارك

لأني في هذي الإجازة بيكون عندي التزامات كثيرة

[Nez 17]

^^^^^^

Sanadax

حاول انك تشارك و راح تتمتع صدقني ^_^ ..

لو اني مكانك كان شاركت ..

وبتوفيق للجميع

[DiGit4L]

ليش ماتكون على SFIV ؟

[Black_Berserker]

ليش ماتكون على SFIV ؟

ستريت فايتر 4 لها جمهورها...الي يريد يسوي بطولة يقدر وسهلة خصوصا بيحصل ناس وايد تلعبها

نحن اهتمامنا ثيرد سترايك فقط لاغير

[عاشق بلا قلب]

====================)
الله يوفق الكل في هذهي البطولة

والله شي حمااااااااااااااااااس رهيبة هل البطولة

ستريت فايترز

مو مشكلة الوحد يخسر المهم انة يعيش الاجوء الرائعة ويتعلم ويكسب المهارات والخبرة من غيرة

~ سلام ~

[Lara Croft]

هممم ، اذا في بوظبي يمكن اشارك ، بس كيف بيكون اللعب ، اقصد على اي جهاز و لابيكون فالآراكيد ؟

[Nez 17]

^^^^^^

بتكون على حسب الجهاز و راح تكون العبه في تحديد مكان معين و تجمع ناس و راح تكون ممتعه