اول مره ......

[Cool NEO]

هلا شباب انا اول مره العب فاينل فانسي

ما لعبتها طول حياتي .... الا مره في فاينل فانسي 7 وما اعجبتني

بالاصح ما هضمت اللعبه

واكرها العاب ال RBG

بس من كثر الكلام قلت ابجرب العبها

وعشان قصص اللعبه قالوا احسن قصص

وقلت التجربه خير برهان

-------------------------------------------------

وواجهتني مشكله هي كيف افر من ضربات العدو

يعني احيانا يصير miss اخطئ --- او انه ما قدر يصيبني

كيف تصير الحركه هذي

وشكرا

[Dark Angel]

مسألة انك تخطئ الاصابة او انك تتفاداه تعتمد على كذا حاجة مثل الحظ و دقة التصويب و التفادي ..

[تركواز]

هلا بك اوي معنا والصراحه قرارك كان حكيم بانك تلعب اول لعبة ار بي جي هي فاينل فانتسي 7 لان لو لعبة جزء ثاني يمكن تكره كل العاب الار بي جي ......


المهم شوف اللعبة ما تنهضم من ناحية صعوبتها وتعلم الاوامر وخصوصا المتريات(البلورات) وهذا الي مخلي كثير يكرهونها لكن ان كانت انجليزيتك تمام وتعرف لطريقة اللفل هي الي راح تخليك تكمل مع اللعبة ....



واتمنى انك ما تترك اللعبة الى ما تنهي الدسك الاول لاني واثق ان نهيته وشفت العرض الي في النهاية راح تكمل اللعبة غصب عنك والعرض الي بالنهايه اقصد فيه نهاية الدسك الاول .......


ودي انوه الى ان اسم الاعاب هذي هو الـ rpg وليس الـ rbg واذا انت ما لعبة لعبة ار بي جي قبلها قلي عشان اشرح لك طريقة اللفل فيها لكن ان كنت تعرف لها يكون هذا كويس واتمنى ان انجليزيتك تكون جيده عشان تفهم القصة وتتحمس معها .....


والرد على سؤالك انت ما تقدر تبعد عن الضربه بس فيه اشياء راح تتعلمها بتقدم اللعبة وراح تخلي الـ miss عندك كثير واشياء راح تخلي بعض الضربات تزودك طاقه بدل ما تنقص منك طاقة واشياء راح تخلي الضربه بنصف طاقتها عندك وطبعا هذي كلها اشياء يبغا لها تفكير وذكاء منك في سالفة المتريات والاسلحة وطريقة استخدامك لها مع الرئيس المناسب او ان اعضاء المنتدى يعلمونك كيف تسويها ومن ضمنهم انا وراح اكون لك عون انشاء الله واعلمك كل الي تبغاه بس اسال انت في موضوع الحل الكامل لفاينل فانتسي 7 بالعربي هذا اسم الموضوع .......


وتراها لعبة رائعه لمن تتدرب عليها وتشوف الاشياء الي تقدر تسويها بالمتريات والله صدقني راح تستمتع باللعبة كثير وانت تلعبها بس اهم شي انك تخلي اللفل حقك عالي دائما واذا ما تعرف كيف انا اعلمك بس انت اسال وفيه شي نسيت اضيفه بالنقطه الي في الاعلى وهي انك تقدر تخلي اللاعب حقك يرد على اي واحد يضربه بضربه ثانيه او بسحر مع انك ما ضغطت على الزر الي يخليه يضرب وطبعا الدور ما راح يروح على اللاعب حقك بل راح يضرب من نفسه وبعدين تجي انت وتضرب ضربه ثانيه يعني كأن شيء لم يكن .......


والرجاء انك ما تترك اللعبة لمجرد جهلك فيها وطبعا حنا هنا عشان نساعدك على فهم اللعبة واي سؤال تبغاه نعلمك يعني لا تخاف بس اسال وراح نعلمك ........ وترا انا تحسفت كثير يوم انا تركت اللعبة تدري وش كان تفكيري اول مره العبها ؟؟؟ كنت اكرهها لاني كنت احسب ان طريقة القتال هي بالدور يعني لاعبك يضرب بعدين العدو يضرب بعدين لاعبك بعده وكذا وهذا الي خلاني اكرهها لكن يوم شفت صديقي يلعبها اعجبت بها ورجعت العبها وتعلمت منها اشياء كثير واكتشفت اني اقدر اخلي الخصم ما يضربني ولا ضربه والوقت يصير عندي سريع باستخدام سحر من الاسحار واكتشفت بعدها بعد ما تعلمت على اللعبة اكثر كيف اخلي الوقت عندي سريع بدون ما استخدم اي سحر .... وفيه واقعه حدثت معي ولا اعتقد ان كثير منكم راح يصدقها لكني قضيت على emrald weapon ولم يتمكن من ضربي الا بضربتين بعدها انا استلمته وما خليت له مجال انه يلمسني بعدها وانا متأكد من انك لمن تتقدم في اللعبة راح تعرف وش الي انا اتكلم عنه بس رجائي الخاص لك انك ما تترك اللعبة الا بعد ما تنهي الدسك الاول يعني ابدا بالتفكير اذا كنت ستتركها او لا بعد نهاية الدسك الاول وانا ما تمكنت اني اقضي على هذا الوحش وهو ما ضربني الا ضربتين الا لاني احترفت اللعبة وانا متأكد انك راح تصير زيي واحسن ..........


اتمنى ان ردي شجعك عى اكمال اللعبة والسلام .........

[ZAYERMA7]

أنصحك بتاسع لنه بسيط صحيح أن السابع بداية جيدة لكن التاسع أسهل
وقصة جيدة أنا أول لعبة أخدها أسمها مونستر سيد

[Cool NEO]

اشكركم كلكم علي المساعده

الي عندي فاينل فانسي 10

بس من زمان لعبت فاينل فانسي 7 واكتشفت اني ما احب RPG

بس شفت الناس ميتين علي فاينل فانسي

قلت اشتري فاينل فانسي 10 علي البلا2 الامريكي واستفيد منه

عشان الجهاز في الرمق الاخير واشتريت الجهاز الامريكي وما استفدت منه زي الياباني
ابغي العب فيه قبل ما ارميه

طيب يا Dark Angel

الحظ فهمت بس دقة التصويب و التفادي

يعني كيف معليش انا ما افهم في اللعبه ومستوي ضعيف جدا

-----------------------
وانت ياتركواز اشكرك شكر خاص علي الرد المطول وما تقصر

وانا حبيت اللعبه عشان القصه في البدايه وودي اعرف النهايه

والقصة اكيد في غاية الروعه والاخراج جميل و الدرما الي فيه اعجبتني

اما بخصوص طريقة اللعب فهي غبيه مع احترامي الشديد

او انا ما تمكنت منها

او عشان احب الالعاب السريعه و الاعتماد علي المهارات

-----

انا الحين عند الاستيديم بعد ما شفت ((ارون)) الرجل ذو العباءة الحمراء
وشرحلي ايش الي صار قبل العشر سنوات

ودخلت طور لعبة البلتز بول Blitzball
وعندها save سيفت وعليها ما لعبت ممكن العبها اليوم او بكره

وشكرا

[Cool NEO]

للرفع

[تركواز]

شوف بالنسبة لفاينل 10 انا ما لعبته الى الان ..... يعني اتمنى من واحد غيري انه يشرح لك .


وترا طريقة اللعب حلوة بس ما تناسب البعض وهذي الطريقه تعتمد على الذكاء في استخدام كل ما تملك من ادوات ومهارات يعني مهي مثل الالعاب السريعه الي مثل الكورة الي تحتاج انك تحرك يدك على جهاز التحك في السوني (اليد) عشان تفوز لا هذي تحتاج شوية تفكير وصدقني لو تستمر عليها شوي وتحاول تفكر راح تعجب فيها لانك انت اصلا راح تستانس لمن تلقا نفسك تقدر تفوز على الوحوش بتفكيرك والله لمن تفوز عليه وانت مشغل مخك يكون للفوز طعم رائع ....... والسلام .