واحد يستحي يقول انا عربي!

[mage555]

السلام عليكم

انا اليوم قاعد اتمشى في اورقمر ....واشوف واحد يكتب كلام عربي.طبعاً قلة ادب ..المهم قلت له عيب .قال what قلت له عيب! قال speak english please قلتله انت من وين؟ قال im from sweden .سألته تعرف عربي قال لا ..

يعني ليه هو مستحي يقول انا عربي ؟

[m6aa6]

هذي الاشياء بتشوفة كثير بواو للاسف تلاقيهم اخويا ويتكلمون وسط اللعبه انجليزي ليه طيب؟؟؟؟؟؟؟؟؟

لا يجي احد يقولي اسرع ولا خرابيط هذا مهب مبرر

لا يجيك الواحد يستعرض بالانجليزي حقه يعني انت الوحيد اللي تتكلم انجليزي

المهم الله يكون بكوننا عليهم

تحياتي

[mage555]

هذي الاشياء بتشوفة كثير بواو للاسف تلاقيهم اخويا ويتكلمون وسط اللعبه انجليزي ليه طيب؟؟؟؟؟؟؟؟؟

لا يجي احد يقولي اسرع ولا خرابيط هذا مهب مبرر

لا يجيك الواحد يستعرض بالانجليزي حقه يعني انت الوحيد اللي تتكلم انجليزي

المهم الله يكون بكوننا عليهم

تحياتي

موب مشكله لو تكلم خوييك بالانقليزي المشلكه انك ماتقول انك عربي! انا بعرب ليش ؟ تراني مستغرب بقوه


اخوك عزوز
شكراً ع المرور

[DemonHunter]

تلاقيه فعلا سويدي بس ربعك معلمينه الشتايم العربية :P

[mage555]

تلاقيه فعلا سويدي بس ربعك معلمينه الشتايم العربية :P

هههههههههههههه ليش لا

[Deathcow]

تلاقيه مو عربي ومتعلم الكلام عادي فيه كثير زي كذا ^^

تعال Zenedar وشوف :>

[Epic Queen]

أنا أنسدت نفسي من هالأشكال -_-

[Sobared]

!+.............+!

[Smart Player]

والله يا اخوي انا عن نفسي اقول بـ كل جلد ادشله انه انا من الـ kuwait
ما استحي ابداً , بس شكثر يدشون علي من الجلد ويتكلمون عن اخوانا العراقيين الي عايشين بكندا و السويد
ويسبونهم ويقولون سوالف عنهم اتفشل , لكن انا طبعاً ما اسكت و اوقفهم عند حدهم

الي بغيت اقوله انه في بعض العرب يتصرفون تصرف سيء وغير لاق سواء داخل او خارج اللعبه
تصرف يفشل الصراحه

انا كان عندي جلد على اساس اجمع العرب بالسيرفر وكان كله خليجين , تقريباً 20 شخص
وقبل لا اعزمهم كنت حاط اغراض كثيره بالguild bank وفلوس

لما عزمتهم سبحان الله اسبوع ولا صار فاضي , الكل قام ينهب ويطلع من الجلد
ولما اسأل عن السبب , يسب ويسب ديرتي ويعطيني اقنور
يعني والله شكثر عزمت اجانب محد سوه جذي ابداً

للأسف اكثر العرب (مو كلهم طبعاً) ماخذين اللعبه بشكل جدي اكثر من الزوم
ومعروفين عند موقع Offgamers بالجولد والباور لفل

انا الصراحه الحين لا احد دش علي ومبين عليه انه عربي
ما اقوله انا مو عربي , بس ما ارد عليه واتجاهله للأسف مالي خلق عوار راس ماعندهم الا الفقر ..

واسف

[SR388]

بالعكس انا افتخر باني عربي كما أني انقل صورة ايجابية عن العرب ولله الحمد.

[SR388]

ولا انسى نقطة وهي الكلام البذيئ اصبحت منتشرة في الغرب ايضا يعني لا تحصرونها في العرب فقط واقرب مثال لهذا شاهدوا الافلام والمسلسلات الاجنبية ، وبعض الناس يقولها في سبيل الدعابه والضحك .

[BoOoOo7a]

والله شفت هالنوعيات ..
وكنت اسألهم عن السبب.. وكل اللي كان يردون علي يقولون لي سبب واحد .. وهو انه مايبي احد عربي يعرف انه عربي!.. لأنه على حسب اعتقاده ان كل العرب اذا عرفوا انك عربي يصيرون مصلحجيه ونشبات .. وبصراحة كنت اوافقه على هالرأي ..
لأني انا كنت اسوي رايدات لـ Naxx25 واشوف هالنوعيات.. يجون لي بالوسبر يبي يدخل الرايد بالألت حقه تلاقيه قبل 10 دقايق واصل 80 ولبسه رايح فيها مايسوي 1000 دمج على بعضها .. ويقعد يحشر لك .. انا الماين حقي فلان ويقعد يجيب فيها قبايل ورقاب !!وو الخ.. ويرفع الضغط صراحة!

ولنفرض انك تجملت فيه ودخلته! ياريت يحمد ربه ويقعد ساكت! لااا يقعد يسفل فيك اذا ما اعطيته اللوت ننجا!

وعلى فكرة..انا سألت كم شخص من هذولا الأشخاص اللي اقولك عليهم ..وكنت اقولهم انت تسوي هالشي لأنك مستحي انك عربي ؟
ورد علي وقال طبعاً لأ .. لأن هذا اصلي .. وما اقدر اغيره .. وفعلاً

يعني صعبة تلاقي احد يتبرى من نفسه انه عربي .. لكن زي ما اقولك .. يحاول يبعد عن بعض العرب

وبالنسبة لي.. ماعمري قلت لأحد اني مو عربي .. لكن اذا جا يحشر لي ويستقعد بالوسبر .. اعطيه الكلام الصريح وما اجامل

[.SaMo.]

عآدي تتكلم انجلش .. اما تقول انك مو عربي <

تلاقيه فعلا سويدي بس ربعك معلمينه الشتايم العربية :P

آيه تلقاه كذا .. فيه واحد اجنبي كلمني قبل كم يوم .. عآد مسوي يعرف عربي هو , قلت له وش تعرف ..
عآد صف لي 50 سبه .. قال هذي الي اعرفها .. المشكلة اخونا في الله ما يدري انها مسبه وجآلس يتفاخر فيها P:

[Nobadyhere]

كل شخصياتي أسماءها عربية قح
وترى الشين والزين موجود في كل الجنسيات

[lucifersama]

لا ترفع ضغطك ولا من يحزنون، الرجال مستحي إنه عربي هو حر، خله مثل ماهو، مانت مضطر تتحمل مسؤوليته

إيش المشكلة إذا واحد فينا إتكلم english مع عربي ثاني؟ أنا و أعز أصدقائي نتكلم english معظم الوقت، الواحد تعود و مرتاح، ماني مستحي من اللغة العربية أو مستهزء فيها، بس أنا مرتاح مثل ما أنا، القرآن طبعا نقرأه عربي بس، بس إنت حر، تقرأ كتاب english أو تقرأه مترجم للعربي، مافيها شي