السلام عليكم ورحمة الله وبركاته
حبيت اشارككم في هذا المنتدى الرائع..وابداء بكتابة اول قصيدة اتمنى ان تنال اعجابكم..وان استفيد من ردودكم....
^^^
^^^
^^^
جـربـت الـحيـاة ومنهــا بـوصيـك .. بـوصيك بـكـلام مـافـيـه جـــدال
كـــلام لـفهـمـت مـعنــاه يـغـنيـك .. عن كثرة الهـرج والقيل والقـال
لاتـرمي الحجـر فـي بيـر تسقيك .. ولاتــنـكـــر المعـروف ولـوطال
ولاتـلـــوي الـذراع ألــي تعطيك .. وخـلـك صـبـور و وسـيـع الـبال
ضحـكـك عــلـى المـبتلى يـبليـك .. والــزمـن مـأيـــدوم علـى حـال
ماتـدري الاقــدار كـيـف تـجيــك .. ومـافـيـه شـي على الله مـحـال
الـنــــار لاشـعــلـتهـا تـكـــويـــك .. والفتـنـه اشــــد مـــن الـقـتــال
وغيبـه ضحكتـك بكــره تبــكـيـك .. والــديـن مـردود أقـوال وأفعال
اعلـم ماصـابــك ماكـــان يخطيك .. ومـخـطـاك مـاكـان عـليـك هـال
وأرضى بقدرك لأحزنك يرضــيك .. والنـعمه زايـلـه وتـبقـى الأعـمال
صـــديقــك ألــي الـيــوم يـغـليك .. وأنـت تــغــليــه وشــاغــل البال
وعــــدوك ألــي يـكـــره طـاريك .. ودك تــرسـله الـمـوت مــرسـال
مـمكن فـــي لحظـه ومـا يدريك .. يــتــغـيــر الـحـال غــيــر الـحـال
ويـصيـر صديقك مـــن يـعاديـك .. وعـــدوك صـاحــب مـالــه مــثال
الصاحب ألــي تـوفيه ويـوفـيك .. نعـم الرجل وقــلـيـل الـرجال
لأخطى اعـذره ولخطيت يعفيك .. وجـمـع الحصـى يـكـون جــبـال
