السلام عليكم
اليوم وبحمد الله ... نزلت الديمو للعبه الشهيرة والمنتظرة من قبل العالم .... باتمان ،،
كثرت العروض والصور للعبه .... ولاتقارير المبهرة لها ... والتي اصبحت من اكثر الالعا المنتظرة لهذا الشهر ...
والان بعد تجربتي للديمو .....
هذا انطباعي الكامل للديمو ^_^
القصه :-
مثل ما انتوا عارفين القصه ... الجوكر استسلم لباتمان من غير اي مقاومه وكانت خدعه علشان يدخل مصح اكهام اسيلم ... علشان يسيطر عليه ويفرج عن اخطر المجرمين في مدينه غوثام ،، وللاسف قد وقع باتمان لهذه الخدعه !
الجرافيكس :-
بكل بساطه ... واااااااو
انبهرت من قوة الجرافيكس والله ،،، من الشخصيات والاعداء وباتمان والجوكر والبيئه والمناظر السينمائيه ،، شي خيالي ...
واللي لاحظته بعد انه خلال المعركه باتمان مع الاعداء ... تمزقت ملابس باتمان قليلا .. لانني كنت ابي استكشف الحركات اكثر وما انتبهت للاعداء وايد ...
الغيم بلاي :-
من اروع ما يمكن ....
التحكم بالشخصيه ماهو صعب الصراحه وبسرعه تتعود عليه ،،
والذكاء الاصطناعي ممتاز ... بس الاكثر اللي يميز فيها اهو انك انت لازم تخلق جو الرعب داخل الاعداء ....
وشخصيا لمن كنت اتنقل فوق محاولا ان اقتل او امسك باحد الاعداء .. كان عددهم 4 او 5 .... وكل ما امسك واحد منهم ... اشوف الباقين يخافون اكثر ... وبالاخير يوم بقى واحد ... صار جنه مينون قاعد يطلق النار بطيييش ههههههه،،
خاصيه زرع الرعب داخل نفوس الاعداء عجبتني وايد الصراحه ،،، حسيت فعلا اني العب بشخصيه باتمان بعكس الاجزاء السابقه .. اللي كانت اكشن فقط !
بالنسبه للادوات ... مافي غير اداة وحده اللي اهي Bat range و اداة التسلق !
التسلل والتخفي كان روووعه ... ويعطيك شعور انك لازم تفكر بخطوتك القادمه علشان ما تروح فيها ... فاي غلطة منك ممكن تتسبب بمصائب اخرى !
الاصوات :-
اللي خله الديمو روووعه وفعلا شجعني وشوقني اكثر اني اشتري اللعبه .. اهو الاصوات ،، اول شي اصوات الشخصيات احسسني اني اشاهد احد حلقات باتمان الشهيرة فاغلب الشخصيات المشهورة نفس اصواتهم .. كما قيل لنا ،،
كنت استمتع اني استمع لضحكات الجوكر وتعطيني دافع اني العبها مرة ثانيه ههههه ،، وباتمان .... الحمدالله صوته حلو طلع ويصلح ينزل كاسيت هههههههههههههه،، اما الشخصيات الثانيه مثل الاعداء والحراس وغيره ... ايضا متعييين
وصلنا الى نقطه الموسيقى باللعبه .... الموسيقى بعد حسستني بجو اللعبه المخلوط بجو الاكشن مع الرعب !
الملخص :-
اخيرا ماخاب ضني فيها اللعبه ... فكنت خايف انه الغيم بلاي يطلع مخيب للامال مثل ما احنا نشوف بعض الالعاب الثانيه اللي بالاخير تطلع فلووب ،،،
كل شي باللعبة متناسق الصراحه من غيم بلاي .. الجرافيكس .. الاصوات .. القصه الحماسيه ...
وطبعا لمن شفت اللعبه وحجمها الكبير 1.5 غيغا .... بتعرف انه هالحجم مو بس جذي ...
والحين انه ناطر اللعبه ع احر من الجمر