أولا السلام عليكم ورحمة الله وبركاته ،،،،
في حملة قادها الأخوان الأعضاء للخروج عن المواضيع الروتينية أحببت أن أقوم بمساعدتهم في موضوع يكسر الروتين أيضا،،،
هذي مجرد قصة من وحي الخيال ( وبعضها مقتبس من الحقيقه :P)
طبعا من عنوان القصة واضح أنه يتكلم شخص عربي
عموما الشخص العربي هذا دور على لعبه أون لاين ترضي مزاجه العاطفي الجياش ^^
وبحث حتى لقى لعبة WoW (السالفه pre woltk)،،، والله وراح أشتراها ورجع البيت مبسوط حده
وشغل الجيم ومشى على خطوات إنشاء الأكاونت وبدأ يألف في الأسم الأول والأسم الأخير ( عشان إذا مسكوه المباحث يحلف ويتحداهم أن هالأكاونت مو تبعه )
المهم وصل عند الشحن عشان يتفعل الاكاونت ،،، والرجال توهق مادرى وش المطلوب.
ورجع للمحل يتهاوش معاهم وان اللعبه مهنقه ،،، المهم يمين يسار وقاله لازم تشتري الشحن عشان يتفعل أكاونتك وتقدر تلعب.
المهم خوينا قال وش هاللعبه المكلفه ياولد ،، شكلها ماهب سهله .
المهم قام الرجال و رجع وسوى الخطوات من جديد وأنواع التأليف في الأسم عشان المباحث.
المهم بعد مافتح معاه الجيم وبدت إنشاء الشخصيات ،،، الرجال مستعجل ومايدري ان فيه كلاسات ،،، وعطاه أول خيار Humen Warrior
طبعا خوينا مايدري وش السالفه ،،، وحط عينه على إدخال الأسم
وقام يفكر وش أحط أسم ؟؟؟ ياولد السالفه فيها Chat وسوالف ،، وانا والله مانب يم الأنجلش
تدري ياولد !!! خلني أسمي نفسي Silent ،،، مابي أتكلم ولا أسولف مع أحد لا أتوهق.
المهم الرجال بدا اللعبه ،،، وبدا يسوي الكويستات ويشوف وش السالفه ومن هنا بدت سالفة خوينا ،،
ملاحظه: لا يغركم ترا هالشخص مطلع ويحب يطور نفسه ويسوي بحث ويحوس ويدور لين مايبقى اللي يبيه.
المهم نرجع حق محور حديثنا
خوينا سوى أول مهمتين بعدين توهق وطفش ،،، ووصل لفل 16 كله من Trash Mobs
المهم Silent جاه ويسبر
Unknown: wanna come with us to DM ??
Silent : no problem ( المسكين مايدري وش السالفه بس فهم ان السالفه روحه معاهم)
Unknown : wanna tank ??
Silent: no problem (هنا توهق البطل ،،، بس يبي يمشي السالفه)
Unknown : nvm come as dps we got high lvl tank
Silent: Nooooooo problem (المهم خوينا مايدري انه انحلت التوهيقه)
=============
راح Silent معاهم بالقروب ،،، وكان احلى قروب عند سايلنت يوم دخلو الدنجن
استانس يوم شاف شغل القروب ،، وبدا يفهم ،،، هذا تانك ،، وهذا هيلر ،، وانا مدري وش السالفه.
بس يركض ويضرب ،،، وأنواع ال Ninja
والشباب معاه يقولون له Silent u r Ninja
كان يرد عليهم ويقول No ,,, me Warrior
المهم الرجال استانس لدرجه الى لفل 24 رفض يطلع من DM
بعدين بدا يعرف ان فيه دناجن ثانيه ،،، المهم الرجال خلوه غصب يصير تانك
وبدا يبحث الرجال في المواقع وأستنتج أن التالنت Protection أفضل specc للتانك
الرجال توه لفل 25 وحط النقاط كلها Protection عشان التانك
وجلس يلفل الرجال لين ماوصل الى لفل 70 ،،، وهو Protection !!!!!
المهم الرجال تأصلت سالفة التانك في دمه ،،، وبدا يبخص شلون يتنك ،، وصار متعلق في ال PvE بشكل رهيب.
المهم يشوف العالم رايحه لكرزان ،،، وهو غصب يروح ،، وكل ماراح هناك انواع ال Jump يبي يدخل وماقدر ،،،
وبدأ يسأل
وقالوله كلام واجد ،،، مافهمه ،،، وبدا يشغل برنامج الوافي عشان يفهم.
المهم قام يلقط السالفه ان فيها pre quest عشان يصير له مسموح يدخل.
وبدا يبحث يمين ويسار ولقى المهمه ،،، وراح واجتهد وسواها لين ما خلصها
Silent مايعرف سوالف guild run or pug run
ولا يعرف سوالف الريدات و MT & OT
وكل مابغى يروح يقولون له sorry ,, u r undergeared
Silent مافهمها ،،، ولا يعرف الفرق بين Green & Blue & Epic
بس اللي يعرف انه لازم يلبس Plate
المهم بدا Silent يروح هرويكات وفرم تفريم بن كلب لين ماتجمع عنده جير كويس
وعاد هو رزقه الله بصديق سويدي Enchanter ،،، وSilent مايفهم له ،،، بس هذا حبه ويسويله الإنشانتات من عنده
المهم سايلنت صار كل ماشاف واريور ،،، سواله inspect وشاف الدروع حقتهم عليها Gems
سايلنت يحسبها أن Gear يطيح جاهز بالجيمات
لين ماصاد واريور معاه قطعه نفس اللي عنده وعليها جيمز ،،،
وقال : حظه ياولد ،،، طاحله بهذي ،،، وانا طاح لي فاضي!!!!
لين ماجاه واريور سأله ،،،
Warrior : why ur gear is empty of gems ??
Silent : me Tank (هذا الجواب الروتيني لأي سؤال ،، وسايلنت كان يحسب ان الواريور رايح دنجن)
Warrior: ye ,, u suppose to to fill ur gear with gems to help u in tank.
Silent: ........ ( حس ان الرجال عنده نقطه مهمه بس مافهمها ؟؟)
وتعال يالوافي ،،، واكتب ،،،
المهم الواريور كان حالف يخلي خوينا سايلنت يفهم ،،، وفهم الرجال
والواريور بدا يعلمه أن أهم جيم للتانك هي اللي تحتوي على Stamina
وانه لازم يشتريها من الأكشن هاوس
راح ساينت وانواع البحث عن الجيمز اللي فيها ستامينا
المهم كان فيه طفره على 12+ Stamina ومافيه الا كم حبه
شراها سايلنت وباقي كم جيمز يبي يعبيها
وبدا يبحث اكثر ولقى جيمز Increase Stamina + spell damage
واستانس وراح اشترا كم حبه ،،، وسقطها على الجير حقه
وصار جاهز Silent لكرزان
أنتهى الجزء الأول
أعتذر عن التقصير والإختصار الشديد
لأني كتبته في المكتب وماكان عندي الوقت الكافي لأسرد تفاصيل أكثر :S
=========
مقتطفات من الجزء الثاني الذي سيتم كتابة تفاصيله لاحقا
1- بداية مغامراته مع الريدات وجاب ام العيد
2- دخوله مع Serious Raiding guild
3- معاناة Silent مع برنامج ال Ventrilo
4- مراحل ترقية Silent إلى Class leader ثم Officer ثم Raid leader!!!
