راح اترك لكم المنتدى...اشبعوا به اهىء اهىء
بسم الله الرحمن الرحيم
شباب كيف حالكم؟ انشاء الله بخير.
وش رايكم بأسم الموضوع؟هاهههه تراه مهوب صدق بس بغيتكم تدخلون
تشوفون وش السالفه بلاكم كلكم ملاقيف ما تكذبون خبرو لاني عارف كل واحد منكم بيهتم باسم الموضوع(يقالك اتغلى عليكم و انتم لا تقصرون عاااد جاملوا)و اسمعوا!ترى ما راح اسامح احد اذا دخل و لا كتب رد!صحيح الموضوع بايخ و عن لعبه قديمه لكن ردوا .و لانه بايخ و ما ادري وش يبي بأهديه ل.....ل .....بووووووشييي هيه هيه هيه.هديه لك يا بوشي حصريا
نبداء بأسم الله:
فكرت يا شباب لو واحد يحب ننتندو بس ما اشترى الكيوب.و جاء الى المنتدى و قال شباب وش اشتري معه؟؟؟
طبعا كلكم بتقولون بيكمن.و انا بقول لويجي عشان اذا صار بالرياض ابيعها عليه
لكن هالبيكم هذا وشو؟و وين تكمن المتعه؟و هل يستاهل الحجم الكبير اللي اعطيناه اياه و الا حنا بس فاضين ما عندنا شيء يملىء فراغنا فنقبل اقل من المستوى عشان نملائه؟لا احد يأخذ جملتي الاخيره بالاعتبار لان بيكمن قد المستوى.او المستوى اللي ما بعد استوضحنا معالمه حنا يا عشاق الننتندو.اللعبه حلوه و غاية بالابتكار لكن مهي كامله و لا هي حتى قريبه من الكمال.واحد بيقول فكره جديده لازم تأخذ فرصه ثانيه عشان تكون كامله لان كل الالعاب الاولى ما تكون كامله.ارد عليه و اقول ما تكون كامله يمكن...لكن ما تكون فكره مجرده مثل
بيكمن بدون اضافات او ابتكار ثاني مبني على الابتكار الاساسي.يعني ما فيه ابتكار بالقصه او على الاقل اضافه حوار او اي شيء.مجرد شخصيه محوريه كل شيء يدور حولها مثل الشمس.ما درى مبتكرها انه
الشيء الوحيد في الكون اللي تدور عليه كل الاشياء هو الشمس؟و هو الشيء الوحيد الناجح في هذا
الوضع(ما يبي لها كلام هذا خلق الله سبحانه ما فيه اكمل منه)؟
اللعبه حلوه جدا بعد هذا الكلام كله لكنها ناقصه بشكل رهيب.كفكره جميله لكن اكثر من كذا للللاء!.
راح ابداء بوصف اللعبه بأختصار: بقيادتك للجيوش الشيء الوحيد اللي راح يعجبك كواحد يكره الالعاب
الاستراتيجيه(افترض ان معظمكم كذا)هو سهولة التحكم بكل شيء و سهولة ادارة اتباعك.يعني ما فيها اشر
و اضغط مثلا.ما فيها نصفكم يهجم او ربعكم و الباقين يقعدون محلهم.لا انت تسوي كل شيء بيدك لانك موجود
في اللعبه في شخص الكبتن اوليمار.تقرب الى الاشياء(و هنا عنصر الاستراتيجيا هو نقطة الضعف للخصم)
و تحرك البيكمن بشكل عشوائي حولك على شكل دائره بعصا السي.و انت تحركهم تبغاهم يهاجمون لازم
تتحرك بنفسك بالعصا الاساسيه و تقرب من الماده اللي تبي تتعامل معها(هذا يشمل عدو,
فطايس(مخلوقات ميته),ادوات,اشياء اخرى)و انت لازلت تحركم بعصا السي حولك.او تقدر ترميهم على الشيء
المطلوب التعامل معه بالزر الكبير لكنه تحصيل حاصل لانك لازم تسوي كل حاجه بنفسك.و اعتقد ان هذي ميزه
تحسب لللعبه.لكن الزياده في البساطه اكييييد انها كانت هاجس ماياموتو.لانه ما فيه اي حبكه الا شيء يسير تحس
انه تصريفه لك عشان تلعب.مثلها مثل لويجي او اسواء شوي(اقصد القصه).بس خطط و تحرك و ابني و
افعل و ما ادري ايش.ما فيه شيء يقول لك العب عشان توصلني انا بالذات.الرسوم حلوه و ابداعيه نوعا ما
لكن ما فيه شيء بيذهلك اكثر من كثرة البيكمن خلفك و بعد مده يسيره راح تتجاهل الوضع لانه ما يذكرك بعظمته
انه شيء مهو بسيط.ما يذكرك من خلال زاوية كاميرا خاصه.او عرض .او زياده طارئه بالعدد.او احداث عارضه
باللعيه.بس امش و قاتل و ابن جسور و حل الغاز و كل تبن.حتى ما فيه مقدمه.الظاهر انه حنا الوحيدين,يا محبي
ننتندو,اللي ندري ان الاسطوانه وسيعه و قويه و تخزن عروض و احداث اكثر.لانه يبدوا ان ماياموتو و شلته
ما عندهم ادنى فكره عن سعة الاسطوانه!اللعبه حلوه كفكره جديده لكن مهي اللعبه اللي راح تأسر خيالك
بواسطة خيالها.للاسف الشديد.انشاء الله الجزء الثاني احلى. ننتندو صديقنا بالمنتدى ما كذب يوم قال ان اللعبه
احسن شيء موجود للكيوب.و لا حتى اللورد.لكن لو طلعت ستار فوكس كان ما اجبرت انا ياللي ما احب الاستراتيجيا(مع اني
اسمح باستثناء في حالة بيكمن)اني اشتريها.بيكمن اعجبتني اشد الاعجاب لكن ما ارضت طموحي هذا
كل شيء.يعني اللعبه ممتازه و الافضل حاليا لكن اذا ما تحسنت كثير و ما عوضت النقص الرهيب في
عناصرها ما راح يستمر النجاح .هذا رأيي و اكيد غيري لهم رأي اخر.
الحين بغيت اتكلم عن باتل هوشين لعبة كوي الجديده.طبعا انا ما اعرف اكثر من اللي تعرفون و غالبا اقل.
لكن راح اقول وش اتوقع و وش اللي فهمته من الصور بأدراكي القاصر.تصميم الشخصيات(و هو من اكثر الاشياء
اللي اهتم بها)كان جديد و رهيب و خياله قمه بالجمال و السعه.و حتى لو كنت اعتقد ان الروس الكبيره ما
تناسب الالعاب العميقه الا اني الحين اقول تناسب و نص لكن اعط الخبز لخبازه(احد جاب طاري لوزين؟)
احد يقدر يتصرف و يستغل مقدرته بشكل يتفوق فيه على الخيال العادي و احد لا.التصاميم جميله.او هي معنى
الجمال.اشكال بريئه الى درجة العمق الواقعي مع انها اذا فكرنا فيها ابعد ما تكون عن الواقعيه.يعني واقعيه
شخصيات فاينل فانتسي و جمالها يعطي اللعب واقعيه او طابع خاص.اما باتل هوشين فخيال تصميم
الشخصيات و جمالها يعطي اللعبه عمق اخر و واقعيه نحب نتخيلها.او نحب تصديقها.التصاميم توازي او
تتفوق على افضل انتاجات سكوير(اللي هي مثاليه بتصميم الشخصيات)و ننتندو (اللي انساها دائما لقلة
الالعاب اللي تستعرض جمال الشخصيات منها.على الاقل حتى الان و ننتظر وعود ننتندو.).
اما القطات اللي من اللعب الفعلي شدتني لقطة للبطل و هو قافز يلتقط شيء تحت تنين طائر.هنا نتسائل
سواء كانت اللقطه من عرض حدث او من اللعب الفعلي,هل اللعبه راح تقدم شيء بهذا العمق فعلا في اللعب الفعلي؟
انا اعتقد نعم.لانها مثل اسلوب زيلدا و هذا يعطيها حريه في الخيال و الاسلوب...
طبعا القصه ما نعرف عنها شيء لكن بما انها في الصبن فانا اقترح انها راح تكون عن الامبراطور و الخيانات و الاهداف
النبيله لكل الشعب.
هذا و اتمنى ان الموضوع يعجبكم.
اخوكم سعد
و السلام.
يا ويلي انا مصدقه