lady oscar
ليدي اوسكار من اروع الانيمي الياباني القديم..
قصة قمة في الروعة.. تبقى في الذاكرة والانيمي ينجاف وما ينمل بالرغم من ان اسلوب الرسم قديم..
قصة ليدي اوسكار تدور في الفترة اللي سبقت االثورة الفرنسية وخلالها.. من النوع اللي يدمج التاريخ بالادب..
ليدي اوسكار انولدت في للجنرال الفرنسي جرجايز، ولان العائلة عسكرية فرباها ابوها على انها ولد..
ولما كبرت التحقت بحرس القصر لخدمة ماري انطوانيت اللي جمعتها فيها علاقة صداقة..
اندري مساعد اوسكار.. كان صديقها من ايام الطفولة.. ولما كبروا حبها لكن تم كاتم هالحب في قلبه.. وصارت له حادثه افقدته وحدة من عيونه لما تعارك مع الفارس الاسود.. وبعدين شوي شوي بدى يفقد البصر..
حتى انه لما مات كان شبه اعمى..
اوسكار ما تحرك حبها حق اندري الا متأخر.. لانها في البداية حبت الكونت فيرسن، لكنها انصدمت لما اكتشفت ان حبه حق ماري انطوانيت كبير وما في مكان لها قلبه..
تنتهي القصة على اتفاق بين اوسكار واندري على الزواج.. لكن الثورة الفرنسية تقوم.. ويموت اندري وقت القتال.. فتنهار اوسكار.. واليوم الثاني يبتدي اقتحام الباستيل.. فتساعد اوسكار في الاقتحام.. وتموت برصاص حراس الباستيل..
القصة من النوع الرومانسي التاريخي.. فيها مؤمرات القصور.. ومعاناة الشعوب.. والثورات..
الشخصيات رائعة والرسم رائع..
انصح اللي يبون يجوفونه انهم يجوفونه بالعربي.. لانه دبلجة شركة الانتاج البرامجي لدول الخليج العربية.. والدبلجة رائعة..
رد مع اقتباس
الحين فيه دبلجه له بالعربي شىء غريب
!!
